Deuteronomio 32:21 - Maung A Balita Biblia

²¹ Lapud saray talintaoy diriyos da pinapetang day olok; pinaimon da ak lapud saray ipapasen dan diriyos da, saray aliwan peteg a diriyos. Kanyan ikanak so sakey a paganon bansa a mamapetang na olo ra; paimonen ko ra lapud sakey a bansan makulang-kulang iray totoo to.

Maung a Balita Biblia

²¹ Lapud saray talintaoy diriyos da pinapetang day olok; pinaimon da ak lapud saray ipapasen dan diriyos da, saray aliwan peteg a diriyos. Kanyan ikanak so sakey a paganon bansa a mamapetang na olo ra; paimonen ko ra lapud sakey a bansan makulang-kulang iray totoo to.

Deuteronomio 32:21 Referans Kwoze

Saray Taga Roma 10:19

Tepeten ko pa ni: Ag ta atalusan na bansay Israel? Si Moises lay akaonan inmebat: “Pangimonen ta kayo ed saray totoon aliwa ni met a talagan bansa; Pasanuken ta kayo ed saray totoo na ag makatalus a bansa.”

Saray Taga Roma 9:25

Onung ed libro nen Oseas, say Dios kuanto, “Saray totoon ag ko totoo nen saman, tawagen ko ra na ‘Saray totook.’ Say bansan ag ko inaro nen saman, tawagen ko na ‘Say inararok.’

1 Saray Arari 16:26

Singa si Jeroboam, apampasnuk toy Katawan a Dios na Israel, lapud saray kasalanan to tan lapud nilagyat ton nankasalanan tan angigalang ed saray talintaoy diriyos iray totoo.

1 Saray Arari 16:13

Apampasnuk nen Baasa tan say lakin anak ton si Ela so Katawan a Dios na Israel, lapug impangigalang dad saray talintaoy diriyos tan lapud impangilagyat dan nankasalanan iray Israelita.

Jonas 2:8

Inkaindan day inkatoor dad sika iray mangigagalang ed saray andikakanaan a talintaoy diriyos.

Saray Salmo 78:58

Pinasanuk day Dios lapud saray paganon pasen a panangigalangan, tan pinapetang dan maung so olo to lapud saray talintaoy diriyos da.

Deuteronomio 32:16

Lapud impangigalang dad saray arum a diriyos angimon so Katawan; akapasnuk lapud saray ginagawa ran kaogsan.

Oseas 1:10

Magmaliw a singa karakel na buer ed dayat iray totood Israel; ag ira nabilang odino nasukat. Natan say Dios kuantod sikara, “Aliwa kayon totook,” balet onsabiy agew ya ibaga tod sikara, “Sikayo ray anak na mabilay a Dios!”

Jeremias 14:22

Anggapod saray diriyos na saray bansa so makapaoran; anggan say tawen ag to makapangipelag na mayamaya. Sikay paniilaloan mi, Katawan a Dios mi, ta sikay manggagawa na sarayan bengatla.”

Saray Salmo 31:6

Kabosul mo ray mangigagalang ed saray tila-tilan diriyos; balet manmamatalek ak ed sika.

1 CORINTO 10:22

Labay tayo kasin pangimoney Katawan? Mabiskeg itayo ta nen say sikato?

Saray Gawgawa 11:15

Nen mansasalita ak, linmeksab ed sikaray Ispiritu Santo a singa inleksab tod sikatayo nen saman.

Jeremias 8:19

Dengel kayo! Diad intiron bansa narerengel koy pambabando na saray totook, “Anggapo lad Sion so Katawan? Andi lad man so ari na Sion?” Inmebat so Katawan ya ari ra, “Akin et impanpasnuk yo ak diad impangigalang yod saray talintaoy diriyos yo tan diad indakmomo yod saray kayaryan yon andi-kakanaan a diriyos na arum a bansa?”

Jeremias 10:8

Andi-kalakal tan makulang-kulang ira yan amin a totoo. Antoy naaral da ed saray kiew a talintaoy diriyos?

1 Samuel 12:21

Ag kayo manlilingkur ed saray tila-tilan diriyos; ag da kayo natulongan odino nilaban, ta aliwa ran peteg a Dios.

Saray Gawgawa 14:15

“Sikayon totoo, akin et gagawaen yo ya? Totoo kami met a kapara yo! Impupulong mid sikayoy Maung a Balita, pian nalingwanan yo la ra yan andi-kakanaan a bengatla tan ondago ki lad mabilay a Dios ya amalsay tawen, dalin, tan dayat, tan amin a logan da ra ya.

Deuteronomio 32:17

Angibagat irad saray aliwan peteg a diriyos, balo diriyos ya ag balut naamtaan na saray lalaki ra, diriyos ya ag balut inonur na saray Israelita.

1 Saray Arari 14:22

Nankasalanan ed Katawan iray totood Juda tan lalon maoges iray ginagawa ra nen saray ginagawa da ray lalaki ra. Sikaray akasonglur na baleg a pasnuk na Katawan ed sikara.

2 Saray Arari 17:15

Ag da nilabay ya onuren iray bilin to, ag da sinumpal so impisipanan tod saray lalaki ra, tan ag da inkabkabilangan iray pasakbay to. Inggalang day andi-kakanaan iran talintaoy diriyos tan nagmaliw iran andi-kakanaan met, tan inalig da ray ogali na kaliber-liber iran bansa. Ag da sirin tinoluk so ganggan na Katawan ya ag da aligen iray pagano.

Jeremias 5:7

Tinepet na Katawan, “Akin et pirdonaen ko ray kasalanan na saray totook? Inkaindan da ak tan angigalang ira ed saray tila-tilan diriyos. Pinakan ko ray totook ya anggad napsel ira, balet akikalugoran ira, tan akiamung irad saray marotak a bibii o lalaki.

Jeremias 7:18

Saray ogogaw mantitipon ira na kiew ya itotongo, saray totoon baleg a lalaki et mamaparlang ira, tan saray bibii manmamasa ra na gawaen dan kanen a para diosan tatawagen da na Riyna na Tawen. Angisaklang met ira na saray bagat ya iinomen ed saray arum a diriyos, pian napasakitan da ak.

1 Saray Arari 14:9

Ambelat ni ray ginawam a kasalanan nen saray akaonan nanoley nen say sika. Impolisay mo ak tan impanpasnuk mo ak lapud impanggagawam na saray talintaoy diriyos tan saray imahin a mital a panagpikasian mo.

2 Saray Arari 17:11

Nampopool met iray insinso ed saray paganon altar diad impangalig dad saray ogali na saray totoon pinataynan na Katawan ed dalin a sinakop da. Impanpasnuk day Katawan, lapud saray maoges a gawgawa ra,

2 Saray Arari 21:6

Insaklang ton bagat a popoolan so lakin anak to. Nambubuyon tan nampaparles tan nampapanon ed saray panagpalar tan saray manangipanon ed saray ispiritu na inaatey. Mapalaloy impankasalanan tod Katawan, kanyan impanpasnuk to.

2 Saray Arari 22:17

Impolisay da ak tan nambabagat irad saray arum a diriyos, kanyan impanpasnuk da ak lapud amin a ginagawa ra. Pinmetang so olok ed Jerusalem, tan ag ombetel.

Isaias 65:3

Anggapoy baing dan mamapapetang na olok. Mangisasaklang iray bagat ed saray masanton tanamanan tan mampopool iray insinso ed tapew na saray altar a panangigalangan na saray pagano.

Jeremias 2:11

Wala tay bansan sinalatan to ray diriyos to, anggaman ya aliwan petepeteg iray diriyos da? Balet insalat ak na saray totook, say Dios ya angiter ed sikara na kagalangan; insalat da ak ed saray diriyos ya anggapoy nagawaan dan para sikara.

Jeremias 18:15

Balet nilingwanan ak na saray totook; mampopool iray insinso ed saray talintaoy diriyos. Niparokul irad dalan a nepeg dan dalanen, ag da la dadalanen iray gendat a dalan; ondadalan irad saray dalan ya anggapo ray tanda.

Ezekiel 8:3

Inyonat toy singa lima, insan to ak siningkat ed buek. Diad sayan pasingayew say ispiritu na Dios inyatagey to ak tan inyakar to ak ed Jerusalem. Inyakar to ak ed dalem na lolooban na puirtad baybay na Timplo a kawalaan na talintaon makapaspasnuk ed Dios.