Deuteronomio 32:20 - Maung A Balita Biblia

²⁰ Inkuanto, ‘Ag ko la ra tulongan; nengnengen kod satan no antoy nagawa ed sarayan anawet so olo tan aliwan matoor a totoo.

Maung a Balita Biblia

²⁰ Inkuanto, Ag ko la ra tulongan; nengnengen kod satan no antoy nagawa ed sarayan anawet so olo tan aliwan matoor a totoo.

Deuteronomio 32:20 Referans Kwoze

Deuteronomio 32:5

Balet aliwan matoor kayod sikato, aliwa kayon manepeg a totoo to; makasalanan tan managpalikdo kayon bansa.

Lucas 18:8

Kuankod sikayo: iter ton tampol so kanepegan da. Balet no onsabiy Anak na Too, wala kasiy nasabian ton pananisia diad mundo?”

Marcos 9:19

Inkuanen Jesus ed sikara, “Agaylay ag yo panisiad Dios, sikayon totood sayan panaon! Anggad kapigan kasiy piolup-olup kod sikayo? Anggad kapigan kasiy pananos kod sikayo? Iyakar yo pa dia tay ogaw.”

Mateo 17:17

Inmebat si Jesus: “Agaylay kinaoges tan ag yo panisiad Dios, sikayon totood sayan panaon! Anggad kapigan kasiy piolup-olup kod sikayo? Anggad kapigan kasiy pananos kod sikayo? Iyakar yo pa dia tay ogaw.”

Oseas 9:12

Et anggaman a mamabaleg ira na saray anak, alaen ko ra ya anggad anggapoy natilak. No ikaindan ko ra yan totoo, makapasinagem iray nagawad sikara.”

Jeremias 18:17

Ikaykayat kod arap na saray kalaban da iray totook, a singa ra dabuk ya insiplug na dagem a nanlapud bokig. Ibeneg ko ra tan ag ko ra tulongan no onsabiy deral.”

Isaias 64:7

Anggapoy onsisingger ed sikan mampikasi tan onkerew na tulong. Inyamutan mo kami tan inkaindan mo kami lapud saray kasalanan mi.

Isaias 30:9

Sikaray totoon onsusumlang lawas ed Dios, matila ra lawas, tan ag da labay lawas so ondengel ed saray bangat na Katawan.

Isaias 7:9

Aliwan mabiskeg so Israel nen say Samaria a manonan baley to, tan say Samaria aliwan mabiskeg nen si Ari Peca. “No aliwan malet so pananisiam, ag ka makapansiansia.”

Say Libro nen Job 34:29

No labay na Dios ya anggapon balut so gawaen to, anggapoy makapambalaw ed sikato. No paolyan na Dios so sankamundoan, antoy nagawaan na too?

Say Libro nen Job 13:24

Akin et papaliisan mo ak? Akin et ipapasen mo ak a kalaban?

2 Saray Awaran 20:20

Diad kabkabwasan ed ontombuk ya agew saray totoo linma rad kalawakan ya asingger ed Tecoa. Legan dan oonla, nanalagey si Josafat tan kuantod sikara, “Totood Juda tan Jerusalem! Manmatalek kayod Katawan a Dios yo, et ag kayo napasoner. Manisia kayod saray ibabaga da ray propita to, et manalo kayo.”

Deuteronomio 31:29

Amtak a kayariy ipatey ko saray totoo et magmaliw iran maoges tan ipolisay day imbabangat kod sikara. Et diad onsabin panaon nadalan ira na deral, lapud pampasnuken day Katawan diad panggawa ray isesebel to.”

Saray Hebreo 11:6

Ag panliketan na Dios so siopaman ya anggapoy pananisia to. Ta siopamay onsingger ed Dios, nakaukolan a manisian walay Dios, tan manisia met a tumangay Dios iray manaanap ed sikato.

2 TESALONICA 3:2

Ipikasi yo pa met ya iyagel kamiy Dios ed saray totoon bagel tan maoges, ta aliwan amin et mananisia.

Deuteronomio 9:23

Et nen imbaki to kayon manlapud Cades-barnea kayari to kayon binilin a mangayaryan ed dalin ya iter tod sikayo, sinmumlang kayod sikato; ag kayo nanmatalek odino inmonur ed sikato.

Josue 23:10

Anggan siopad sikayo nayarian ton pabatiken so sanlibon lalaki, ta mibabakal a para sikayo so Katawan a Dios yo, onung na insipan tod sikayo.

2 Saray Arari 17:18

Mapalalo sirin so pasnuk na Katawan ed saray Israelita, kanyan pinataynan to rad arap to tan intilak to labat so nanarian na Juda.

2 Saray Arari 17:20

Impolisay na Katawan iray amin ya Israelita tan impalima to rad saray maruksan kalaban, ya anggad apataynan to ran amin ed arap to.

2 Saray Arari 17:23

ya anggad pinataynan na Katawan irad arap to onung na sinalita to diad panamegley na saray aripen ton propita. Kanyan niakar ya adakep ed Asiria iray Israelita, a dimay panaayaman da ni ya anggad natan.

Jeremias 5:31

saray propita tilan amin so sasalitaen da; saray papari manooley ira diad panangiganggan na saray propita, et onya so labay da ray totook a nagawa. Balet antoy gawaen da no mangangga la yan amin?”