Deuteronomio 32:18 - Maung A Balita Biblia

¹⁸ Alingwanan day Dios da, say makapanyarin manangilaban da, say angiter ed sikara na bilay.

Maung a Balita Biblia

¹⁸ Alingwanan day Dios da, say makapanyarin manangilaban da, say angiter ed sikara na bilay.

Deuteronomio 32:18 Referans Kwoze

Isaias 17:10

Totood Israel, alingwanan yoy Dios ya angilaban ed sikayo, ya aliling toy baleg a baton-dampay ya angyagel ed sikayo. Nanggagawa kayo la laingen na saray masanton tanamanan ya angigalangan yod dios na arum a bansa.

Jeremias 2:32

Nalingwanan ta na marikit iray alahas to, odino say nubia so kawes ton para kasal? Balet nilingwanan ak na saray totook; ag nabilang iray agew ya impangilingwan dad siak.

Saray Salmo 106:21

Nilingwanan day Dios ya angilaban ed sikara, diad panamegley da ray makapanyarin gawgawa to ed Egipto.

Deuteronomio 32:4

“Say Katawan so makapanyarin manangyagel yo, ayadyari tan matonung ya amin so gagawaen to; Matoor tan matwa so Dios yo; say katonungan tan kaptekan so gagawaen to.

Oseas 8:14

“Nampapaalagey na saray palasio iray totood Israel, balet alingwanan day dilin Amalsad sikara. Nampapaalagey na saray siudad ya aliber na padir iray totood Juda. Balet mangipelag ak na apoy a mamool ed saray palasio tan saray siudad da.”

Saray Salmo 9:17

Patey so pansumpalan na amin da ray totoon maoges, amin da ray mangipopolisay ed Dios.

Deuteronomio 32:15

“Minmayaman iray totoo na Katawan, matataba ra ta sawasawaan day kakanen, balet mananumlang irad Katawan. Inkaindan day Dios ya amalsad sikara tan impolisay day makapanyarin manangilaban da.

Deuteronomio 8:19

Ag yo lilingwanan so Katawan a Dios yo, ag kayo onsisingger ed saray diriyos a igalang tan panlingkuran yo. No gawaen yo ya, pasakbayan ta kayo natan ya andi-saew ya ompatey kayo.

Deuteronomio 8:14

manalwar kayo ta ompan magmaliw kayon mapaatagey tan nalingwanan yoy Katawan a Dios yo ya angipaway ed sikayod Egipto ya akaaripenan yo.

Deuteronomio 8:11

“Manalwar kayo, ta ompan nalingwanan yo so Katawan a Dios yo; onur yo ray amin a ganggan to ya iiter kod sikayo natan.

Deuteronomio 6:12

ag yon balut lilingwanan so Katawan ya angipaway ed sikayod Egipto ya akaaripenan yo.

Jeremias 3:21

Walay nadngel ya eyag ed saray toktok na pokdul; manakakis tan mikakasi ray totood Israel, lapud nambilay irad kasalanan, tan alingwanan day Katawan a Dios da.

1 Samuel 12:9

Balet impolisay na saray lalaki yo so Katawan a Dios da. Kanyan inabuloyan na Katawan a taloen ira na saray Filisteo, tan say ari na Moab, tan si Sisera, say pangulo da ray sondalo na siudad na Hazor.

Saray Salmo 18:2

Say Katawan so manangilaban ko; sikatoy mabiskeg a tirinsirak. Say Dios ko so manangyagel ko; tan no kaibak anggapoy pagpagak. Sikatoy singa samper a manasanib ed siak; iyaagel to ak tan iyaarawi to ak ed kaatapan.

Isaias 27:11

Amagaan iray sanga na saray kiew tan apoter-poter ira; saray bibii aalaen da ra yan itongo. Lapud anggapoy atalusan na saray totoo, ag ira abageyen o kasian na Dios a Manamalsa ra.

Jeremias 2:31

Dengel kayod ibagak, amin yon totood Israel. Nagmaliw ak ta a singa kalawakan ed sikayo odino singa dalin ya ambilonget tan walay kaatapan? Akin sirin, totook, et ibabaga yon gawaen yoy labay yo, tan ag kayo la ompawil ed siak?

Ezekiel 22:12

Wala ray totoom a miuupan mamatey na arum a totoo. Saray arum mapalaloy panagpaabang day kuarta ed saray kapara ran Israelita tan onyayaman irad panaganamut day pankanawnawa ra. Alingwanan da ak.” Say Katawan a Dios so nansalita.