Deuteronomio 31:6 - Maung A Balita Biblia

⁶ Pabiskeg yoy linawa yo tan manmatalek kayo. Ag yo ra tatakotan. Olupen kayo na Katawan a Dios yo. Ag to kayo paolyan o ikaindan.”

Maung a Balita Biblia

⁶ Pabiskeg yoy linawa yo tan manmatalek kayo. Ag yo ra tatakotan. Olupen kayo na Katawan a Dios yo. Ag to kayo paolyan o ikaindan.

Deuteronomio 31:6 Referans Kwoze

Josue 1:9

Ag mo lilingwanan ya ingganggan ta kan mampabiskeg na linawa tan manmatalek. Ag ka ontatakot tan ag mo pakakapoyey linawam, ta siak a Katawan a Dios mo et olupen ta ka ed iner man a laen mo.”

TAGA-EFESO 6:10

Kaonuran, mampabiskeg kayo diad pikakasakey yod Katawan tan diad tulong na mabiskeg a pakayari to.

Saray Salmo 27:14

Manmatalek kad Katawan. Mampabiskeg ka, pakpel moy linawam. On, manmatalek kad Katawan.

1 Saray Awaran 28:20

Inkuanen Ari David ed anak ton Solomon, “Pabiskeg moy linawam tan ag ka natatakot. Igapom so kimey tan ag mo aabuloyan so antokaman a manebel ed sika, ta walad sika so Katawan a Dios a panlilingkuran ko. Ag to ka ikaindan; mansiansiad sika ya anggad pakasumpal moy kimey ed Timplo to.

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Lucas 12:32

“Ag kayo natatakot, sikayon pigaran papastolan ko, ta maliket so Ama yon mangiter ed sikayo na Panarian.

2 Timoteo 2:1

Sika, anak kon Timoteo, mampabiskeg kad panamegley na panangasin agamuran tayo diad pikakasakey ed Cristo Jesus.

Saray Salmo 27:1

Say Katawan so silew tan kilalaban ko, kanyan anggapoy tatakotan ko. Say Katawan so mangyaagel ed siak ed antokaman a kaatapan; ag ak balut ontakot.

Josue 10:25

Insan inkuanen Josue ed saramay opisyal to, “Ag kayo natatakot o nabebetelay linawa. Mampabiskeg kayoy linawa tan manmatalek kayo lapud onya so gawaen na Katawan ed amin da ray kalaban yo.”

Deuteronomio 7:18

Ag kayo ontatakot ed sikara; nunot yo may ginawa na Katawan a Dios yo ed ari na Egipto tan amin a totoo to.

Deuteronomio 20:1

“No ompaway kayon mibakal ed saray kalaban yo et nanengneng yo ray karwahi tan saray kabayo tan saray sondalon amayamay ni ra nen say sikayo, ag yo ra tatakotan. Say Katawan a Dios yo ya angipaway ed sikayo ed Egipto et kaolup yo.

1 Saray Awaran 22:13

Onaligwas ka no apigeren mon onuren iray amin a ganggan a para Israel ya inter na Katawan ed kinen Moises. Mampabiskeg ka tan pakpel moy linawam, tan ag mo aabuloyan a napatakot kay antokaman.

Deuteronomio 31:23

Insan say Katawan akisalitad kinen Josue a lakin anak nen Nun tan inkuantod sikato, “Pabiskeg moy linawam tan manmatalek ka. Ipangulom iray Israelita ya onlad dalin ya insipan kod sikara, et olupen ta ka.”

Deuteronomio 1:29

“Balet inkuankod sikayo, ‘Ag kayo natatakot ed saraman a totoo.

Saray Hebreo 13:5

Nepeg ya aliwa kayon lupay kuarta, tan pasarag yoy walad sikayo. Ta inkuay Dios, “Ag ta kan balut paolyan o taynan.”

1 CORINTO 16:13

Manalwar kayo, mampabiskeg kid pananisia, mampakpel kayoy linawa, tan mampabiskeg kid laman yo.

Isaias 51:12

Say Katawan kuanto, “Siak so mamapabiskeg ed sikayo. Akin et takotan yoy too ya ompatey, ya ag mambayag a mambilay a singa dika?

Deuteronomio 4:31

Sikatoy mapangasin Dios. Ag to kayo ikaindan o pateyen, tan ag to lingwanan so impisipanan tod saray lalaki yo.

Aggeo 2:4

Balet mampabiskeg kayoy linawa, sikayon amin. Ituloy yoy kimey yo, ta siak so kaiba yo.

1 Saray Awaran 28:10

Nepeg mon nunoten a say Katawan pinili to kan mangipaalagey na masanton Timplo to. Pabiskeg moy linawam—ipaalagey mo.”

Puyan 21:8

Balet saray matakot, saray aliwan mananisia, saray marotak so panagbilay da, saray managpatey na too, saray managkasalanan na inmoralidad, saray managanito, saray manangigalang ed saray talintaoy diriyos, tan amin iray matitila—nibantak ira yan amin ed samay dayat a manliub ya apoy tan asupri, a sikatoy kumadwan patey.”

2 Saray Awaran 32:7

“Mampabiskeg kayo tan ag yo patatalawey linawa yo; ag yo tatakotan so impirador na Asiria odino saray sondalon ipapangulo to. Mabiskeg niy pakayarin walad sikatayo nen say pakayarin walad sikato.

Deuteronomio 31:7

Insan tinawag nen Moises si Josue tan kuantod sikato ed arap na saray amin a totood Israel, “Pabiskeg moy linawam tan manmatalek ka; sika so mangipangulo ed sarayan totoo a manayam ed dalin ya insipan na Katawan ed saray lalaki ra.

Saray Bilang 14:9

Ag kayo onsusumlang ed Katawan tan ag kayo ontatakot ed saray totoon manaayam diman. Mainomay tayo ran dakepen. Say Katawan kaolup to itayo tan tinalo to ray diriyos ya angyagel ed sikara; kanyan ag kayo natatakot.”

Zacarias 8:13

Sikayo ran totood Juda tan Israel! Nen saman saray sangkaili mansasambaan ira ya ikuandad sakey tan sakey, ‘Ondapo met komun ed sika so deral a singa samay deral a dinmapo ed Juda tan Israel!’ Balet ilaban ta kayo, insan saraman a sangkaili ikuandad sakey tan sakey, ‘Nagamuran mo met komun so bindision a singa samay bindision ya agamuran na Juda tan Israel!’ Kanyan pabiskeg yoy linawa yo, ag kayo ontatakot.”

Genesis 28:15

Ag mo lilingwanan a wala ak ed sika tan iyagel ta kad inerman a laen mo, tan ipawil ta kad sayan dalin. Ag ta ka taynan, anggad pakasumpal kon gawaen ya amin iray insipan kod sika.”

Saray Bilang 13:20

Nengneng yo met no matabad may dalin tan no katakelan. Ag yo met lilingwanan so mangisempet na pigaran bungay kakiewan diman.” (Panaon lad saman ya onggapo lan naluto iray bungay ubas.)

Deuteronomio 11:8

“Onur yo ray ingganggan kod sikayo natad sayan agew. Diad satan nayarian yon baliwen so ilog tan napanayaman yoy dalin a ngalngali yo la looban.

Deuteronomio 31:8

Say Katawan a dili so mangiwanwan ed sika tan olupen to ka. Ag to ka paolyan o ikaindan; kanyan ag mo pabebeteley linawam tan ag ka ontatakot.”

1 Saray Arari 6:13

Manayam ak ed pegley da ray totook ya Israelita diad sayan Timplo ya ipapaalagey mo, tan ag ko ran balut ikaindan.”

1 Saray Arari 8:57

Miayam komun ed sikatayo so Katawan a Dios tayo, a singa impiayam tod saray lalaki tayo; ag to itayo komun taynanan o kaindanan;

Jeremias 1:8

Ag ka ontatakot ed sikara, ta wala ak a mangyagel ed sika. Siak, say Katawan, so nansalita!”

Jeremias 32:40

Misipanan ak na andi-anggaan ed sikara. Ag ak ontondan manggaway kamaungan ed sikara, tan pagmaliwen ko ran ontakot ed siak diad intiron puso ra, pian ag da ak lan balut benegan.

Genesis 26:24

Diad saman a labi na intaynan to pinmayawar ed sikato so Katawan tan inkuanto, “Siak so Dios nen amam ya Abraham. Ag ka natatakot; kaiba ta ka. Bindisionan ta ka tan itdan ta kay amayamay a kabyangay boleg, lapud samay sipan kod kinen Abraham ya aripen ko.”

1 Samuel 12:22

Sinambaan na Katawan ya ag to kayo ikaindan, ta ginetma to lan pagmaliwen kayo a totoo to.

2 Samuel 10:12

Mampabiskeg kayoy linawa! Pasiaen tayoy mibakal para saray totoo tayo tan para saray siudad na Dios tayo. Say linawa na Katawan komun so nagawa!”

1 Saray Arari 2:2

Inkuanto, “Magano lay ipatey ko. Pabiskeg moy linawam tan ipanengneng mon laki ka;

Saray Salmo 94:14

Ag paolyan na Katawan iray totoo to; ag to ikaindan iray totoon kayaryan to.