Deuteronomio 31:17 - Maung A Balita Biblia

¹⁷ No ontan so nagawa mampasnuk ak ed sikara; ikaindan ko ra, et ompatey ira. Amayamay so ondalan ed sikaran makapataktakot a deral, et nabirbir da ya agawa ra yad sikara lapud andi ak lad sikara, siak a Dios da.

Maung a Balita Biblia

¹⁷ No ontan so nagawa mampasnuk ak ed sikara; ikaindan ko ra, et ompatey ira. Amayamay so ondalan ed sikaran makapataktakot a deral, et nabirbir da ya agawa ra yad sikara lapud andi ak lad sikara, siak a Dios da.

Deuteronomio 31:17 Referans Kwoze

Isaias 8:17

Inyamutan na Katawan iray totoo to, balet manmamatalek ak ed sikato tan sikatoy paniilaloan ko.

Saray Salmo 104:29

No onarawi ka, natatakot ira, no ekalen moy ingas mo, ompatey ira tan ompawil irad dabuk a nanlapwan da.

2 Saray Awaran 15:2

insan linman inmabet ed Ari Asa. Inkuanto, “Dengel mo ak, Ari Asa, tan amin yon totood Juda tan Benjamin! Mansiansiad sikayo so Katawan, legan a mansiansia kayo ed sikato. No anapen yoy Katawan iyabuloy ton naalmo yo, balet no ibeneg yo ikaindan to kayo.

Saray Huis 6:13

Inkuanen Gedeon ed sikato, “No walad sikamiy Katawan, akin sirin et onyay agawad sikami? Onung na tinongtong na saray atateng mi, say Katawan impaway to rad Egipto. Akin et anggapo lay singa onman a gawaen natan na Katawan? Inkaindan to kami la tan pinaolyan to kamin ooleyan na saray Madianita.”

Saray Bilang 14:42

Ag kayo ontutuloy. Ag kayo olupen na Katawan, tan taloen kayo na saray kalaban yo.

Jeremias 23:33

Say Katawan inkuantod siak, “Jeremias, no say sakey ed saray totook odino sakey a propita odino sakey a pari et tepeten tod sika, ‘Anto so papaibaga na Katawan?’ ibagam ed sikato, ‘Sakey ka a makabelbelat ed Katawan, kanyan ibantak to ka.’

Isaias 64:7

Anggapoy onsisingger ed sikan mampikasi tan onkerew na tulong. Inyamutan mo kami tan inkaindan mo kami lapud saray kasalanan mi.

Saray Salmo 30:7

Maung kad siak, Katawan; inyagel mo ak a singa tirinsirad palandey. Balet, nen inyamutan mo ak, natatakot ak.

1 Saray Awaran 28:9

Insan inkuantod kinen Solomon, “Anak ko, nia so bilin kod sika: birbir moy Dios nen amam tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.

Oseas 9:12

Et anggaman a mamabaleg ira na saray anak, alaen ko ra ya anggad anggapoy natilak. No ikaindan ko ra yan totoo, makapasinagem iray nagawad sikara.”

Ezekiel 39:29

Ikalbok ed saray totood Israel so ispirituk tan ag ko la ran balut ikaindan. Siak a Katawan a Dios so nansalita.”

Jeremias 23:39

ya andi-duaruwan alsaen ko ra, insan ko ra ibantak ed arawi, sikara tan say siudad ya inter kod sikara tan saray lalaki ra.

Isaias 63:17

Akin et abuloyan mon nabalangan mi ray dalan mo? Akin et papaaweten moy olo mi, pian nibeneg mi ka? Pawil ka pa, makasengeg ed saray totoon manlilingkur ed sika, saray totoon kayaryan mo lawas.

Saray Salmo 90:11

Siopay akalikna na ontan lan belat na pasnuk mo? Siopay makaamtad takot a nayarin iter na pasnuk mo?

Saray Salmo 89:46

Andi-anggaan so iyaamut mo, Katawan? Kapigan mangangga so dalang na pasnuk mo?

Saray Salmo 27:9

Ag mo ak pa iyaamutan! Ag mo ak pa pamapasnukan; ag mo ak pa ipopolisay. Sikay mananulong ko; ag mo ak pa tataynan, ag mo ak pa ikakaindan, O Dios a manangilaban ko!

Saray Salmo 2:12

tan dakmomo kayod sikato; ta no andi, maganon ompetang so olo to, et biglan ompatey kayo. Maliket ya amin iray ondaragon paiyagel ed sikato.

Say Libro nen Job 34:11

Tutumangan to ray totoo ed saray gagawaen da, tan iiter tod sikaray kanepegan da.

Say Libro nen Job 13:24

Akin et papaliisan mo ak? Akin et ipapasen mo ak a kalaban?

Nehemias 9:32

“O Dios mi, alay talonggaring mo! Makapataktakot tan makapanyarin tuloy! Matoor mon susumpalen so impisipanan mo. Nanlapu lad samay panaon a pinapairap kami na saray ararid Asiria, ontan lay paniirap mi ya anggad natan. Saray arari mi, saray pangulo mi, saray papari tan saray propita mi, saray lalaki mi, tan amin a totoo mi et maniirap ira. Nudnunot mo pa so ontan lan impanirap mi!

2 Saray Awaran 24:20

Insan say ispiritu na Dios linmoob ed kinen Zacarias a lakin anak nen Joiada a pari. Nanalagey ed sakey a pasen a nanengneng na saray totoo tan inkulyaot to, “Tetepeten ed sikayo na Katawan a Dios no akin et sinumlang yo ray ganggan to tan ipepelag yod sikayon dili so deral! Inkaindan yoy Katawan kanyan inkaindan to kayo!”

Deuteronomio 29:20

Say Katawan ag to pirdonaen itan a too. Ingen say mandarlang a pasnuk na Katawan et onliub a sumpad sikato, tan amin a samba a nisulat ed sayan libro et ompelag ed sikato ya anggad sigput a naoput na Katawan.

Deuteronomio 31:18

Ag ko rad satan tulongan lapud maoges so ginawa ra tan angigalang irad saray diriyos.

Saray Huis 10:6

Nankasalanan lamet ed Katawan iray Israelita diad impangigagalang dad saray Baal tan diad saray Astarot, ontan met ed saray diriyos na Siria, Sidon, Moab, tan Filistia. Inkaindan day Katawan tan tinondaan day angigalang ed sikato.

1 Saray Arari 8:57

Miayam komun ed sikatayo so Katawan a Dios tayo, a singa impiayam tod saray lalaki tayo; ag to itayo komun taynanan o kaindanan;

2 Saray Arari 22:13

“Laka yo, ta ipanonan yo ak ed Katawan, tan amin a totood Juda nipaakar ed saray bangat na sayan libro. Mamapasnuk so Katawan ed sikatayo, lapud ag ginawa na saray lalaki tayo iray ibabaga na sayan libro.”

Isaias 2:6

O Dios, inkaindan mo ray totoom, saray kabyangay boleg nen Jacob! Ginawam so onya lapud say bansa et napno na saray managaniton salamangkiro a taga ra Bokig tan taga ra Filistia. Aaligen na saray totoo so ogali da ray taga arum a bansa.

Jeremias 36:7

Gawam ya, ta ag la pigan mampikasi rad Katawan tan benegan day maoges a kabibilay da, lapud imbesngaw na Katawan ed sarayan totoo so mapalalon pasnuk tan sanuk tod sikara.”

Jeremias 40:2

Impaliis ak na samay panguloy sondalo tan inkuantod siak, “Impasakbay la na Katawan a Dios mo a deralen to yan dalin,

Oseas 10:4

Andi-kakanaan iray sasalitaen da tan anggapoy kabaliksan iray sipan tan saray pisisipanan da. Apikewet la so katonungan; singa samal a dikan ontutubod abakan alog.

Mikias 3:4

Onsabiy panaon ya ontawag kayod Katawan, balet ag to kayo dengelen. Ag to ebatan iray pikakasi yo, lapud nanggagawa kayoy kaogsan.

Deuteronomio 7:21

Kanyan ag kayo ontatakot ed sarayan totoo. Kaolup yo so Katawan a Dios yo; sikatoy Dios a makapanyari tan nepeg a takotan.

Deuteronomio 30:18

naoput kayo—papasakbayan ta kayo la dia natan. Ag kayo mambilay na andokey ed dalin a ngalngali yo la panayaman diad nibaliw na Jordan.

Deuteronomio 30:19

Iiter kod sikayo natan so pankanawnawa yon mampili ed bilay tan patey, bindisionan na Dios tan say samba na Dios, tan tatawagen koy tawen tan dalin a mantasi no antoy pilien yo. Pili yo so bilay.

2 Saray Awaran 21:10

Nanlapud saman andi lad silong na pakaoley na Juda so Edom. Diad saman met a panaon, linmaban met ed Juda so siudad na Libna, lapud inkaindan nen Jehoram so Katawan, say Dios na saray lalaki to.

Saray Salmo 44:10

Inabuloyan mon imbatikan mi ray kalaban mi, kanyan inaala da ray kayaryan mi.

Isaias 5:25

Mamapasnuk so Katawan ed saray totoo to tan inyonat toy lima ton manusad sikara. Nayegyeg iray kapalandeyan, tan natilak a singa dotak ed saray dalan iray bangkay da ray ompatey. Anggaman onyay nagawa ag onkepay pasnuk na Katawan, tan siansian akaonat niy lima ton manusa.

Jeremias 8:19

Dengel kayo! Diad intiron bansa narerengel koy pambabando na saray totook, “Anggapo lad Sion so Katawan? Andi lad man so ari na Sion?” Inmebat so Katawan ya ari ra, “Akin et impanpasnuk yo ak diad impangigalang yod saray talintaoy diriyos yo tan diad indakmomo yod saray kayaryan yon andi-kakanaan a diriyos na arum a bansa?”

Jeremias 33:5

Onlaban iray pigara ed saray taga Babilonia a mampanod sayan siudad na saray bangkay da ray kabilen ko lapud pasnuk tan sanuk ko. Inmarawi ak ed sayan siudad lapud saray maoges a bengatlan ginagawa na saray totoo to.