Deuteronomio 31:14 - Maung A Balita Biblia

¹⁴ Insan say Katawan kuantod kinen Moises, “Antiktikey lay pambilay mo. Tawag moy Josue ta itagar mod mad Tulda pian nabilin ko.” Linma sirin ed Tulda si Moises tan si Josue,

Maung a Balita Biblia

¹⁴ Insan say Katawan kuantod kinen Moises, Antiktikey lay pambilay mo. Tawag moy Josue ta itagar mod mad Tulda pian nabilin ko. Linma sirin ed Tulda si Moises tan si Josue,

Deuteronomio 31:14 Referans Kwoze

Saray Bilang 27:13

Kayarim a nabantagan, ompatey ka a singa impatey nen agim ya Aaron,

Deuteronomio 31:23

Insan say Katawan akisalitad kinen Josue a lakin anak nen Nun tan inkuantod sikato, “Pabiskeg moy linawam tan manmatalek ka. Ipangulom iray Israelita ya onlad dalin ya insipan kod sikara, et olupen ta ka.”

Judas 1:24

Diad sikato a makaasikasod sikayo pian ag kayo napelag tan makapangyarap ed sikayo ya anggapoy pakabalawan ed sikayo, tan walay baleg a liket diad mapagalang a kawalaan to—

Saray Taga Roma 12:1

Kanyan, agagi, lapud ontan lan panangasi na Dios, kerewen kon isaklang yon mabilay a bagat ed Dios so bilay yo, bagat a masanto tan makapaliket ed sikato. Sikato yay panangigalang yod Dios.

Isaias 38:1

Legan to met ira man ya agew, nansakit si Ari Ezekias tan ngalngali inatey. Linmad sikato si propita Isaias a lakin anak nen Amoz tan kuantod sikato, “Ibabaga na Katawan ya oksuy mo lan amiy bengatla, ta ag ka la onabig. Mamparaan kan ompatey.”

Ecclesiastes 9:5

On, saray mabilay amta ra ya ompatey ira, balet saray inaatey anggapoy amta ran balut. Anggapo lay arum a tumang da; sigput la ran alingwanan.

Say Libro nen Job 2:1

Nen sinmabiy agew ya onarap lamet ed Katawan iray anghil na Dios tan wadman met si Satanas.

Say Libro nen Job 1:6

Nen sinmabiy agew ya onarap ed Katawan iray anghil na Dios wadman met si Satanas.

2 Saray Arari 1:4

Ibaga yod ari ya onya so ibabagay Katawan, ‘Ag ka la onabig ed inkasakitan mo; ompatey ka la!’” Sinumpal nen Elias so ingganggan na Katawan,

1 Samuel 10:19

Sikatoy Dios yo, say angyagel ed sikayod amin a gunigon tan kairapan yo, balet natan impolisay yo ak tan kinmerew kayo na sakey ya ari. Sigi sirin, mantitipon kayod arap na Katawan, onung ed tribu tan onung ed boleg.’”

Josue 24:1

Tinipon nen Josue ed Sikem iray amin a totood tribu na Israel. Tinawag to ray mamatakken, saray pangulo, saray huis, tan saray opisial na Israel, tan pinmarontal irad arap na Dios.

Josue 23:14

“Magano ak lan ontaynan ed sayan mundo. Amta na balang sakey ed sikayo diad puso tan kamarerwa to a say Katawan a Dios yo et inter tod sikayoy amin iran maabig a bengatla ya insipan to. Asumpal ya amin iray insipan to; anggapoy ag agawa.

Deuteronomio 34:5

Kanyan si Moises ya aripen na Katawan inatey diman ed dalin na Moab, onung na imbagay Katawan ed sikato.

Deuteronomio 32:50

Ompatey kad man ed toktok na palandey a singa si agim ya Aaron ya inatey ed toktok na Palandey na Hor,

Deuteronomio 31:2

tan inkuanto, “Sanlasus tan duamploy taon ko la natan kanyan ag ko la nayarian so mangipangulod sikayo. Aliwan satan labat, say Katawan imbaga tod siak ya ag ko baliwen so Jordan.

Exodo 34:2

Mamparaan ka nabwas na kabwasan, kalab kad Palandey na Sinai, tan bana mo ak dimad tagey to.

Genesis 47:29

Nen asingger lan ompatey, impatawag toy anak ton Jose tan inkuantod sikato, “Iyan moy limam ed nanleetan na saray ulpok tan isipan mo ya ag mo ak ipopompon ed Egipto.

Exodo 33:9

No akaloob lay Moises ed Tulda, onleksab imay lusek a lorem, tan manayam ed lolooban na Tulda, insan say Katawan mitongtong ed kinen Moises manlapud samay lorem.

Saray Bilang 27:12

Say Katawan kuantod kinen Moises, “Kalab kad Palandey na Abarim tan bantagan mo so dalin ya iter kod saray Israelita.

Deuteronomio 4:22

Siak ompatey ak ed sayan dalin tan ag kon balut nabaliw so ilog, balet sikayo ngalngali yo la nabaliw tan napanayaman iman a mataban dalin.

Deuteronomio 31:13

Diad onya narengel na saray kabyangay boleg yon ag da nin balut arengel so Ganggan na Katawan a Dios yo. Naaralan dad satan so ontoluk ed sikato legan dan manayam ed dalin a ngalngali yo la panayaman diad nibaliw na Jordan.”

1 Samuel 26:10

Diad ngaran na mabilay a Katawan,” kuanen David ya intoluy, “Amtak a say dilin Katawan so mamatey ed kinen Saul, diad isabi na agew na ipatey ton bukor o diad ipatey tod bakal.

1 Saray Arari 2:1

Nen magano lan ompatey si David, binilin toy anak ton Solomon.

Exodo 33:11

Say Katawan misalita sirin a lupa-lupaan ed kinen Moises, a singa pisalita na sakey a too ed kaaro to. Insan si Moises ompawil ed kampo. Balet say katulong ton tobun-balon laki a si Josue ya anak nen Nun et manayam ed dalem na Tulda.

Saray Bilang 27:18

Say Katawan kuantod kinen Moises, “Tawag moy Josue a lakin anak nen Nun, tan itapew mo ray liman ed olo to ta sikatoy lakin nayarian toy mangipangulo.

2 Saray Arari 20:1

Legan to met ira man ya agew, nansakit si Ari Ezekias tan ngalngali inatey. Linmad sikato si propita Isaias a lakin anak nen Amoz tan kuantod sikato, “Ibabaga na Katawan ya oksuy mo lan amiy bengatla, ta ag ka la onabig. Mamparaan kan ompatey.”