Deuteronomio 31:11 - Maung A Balita Biblia

¹¹ Ibasa yod saray totood Israel no onla rad samay pasen na panangigalangan a mangigalang irad Katawan a Dios yo.

Maung a Balita Biblia

¹¹ Ibasa yod saray totood Israel no onla rad samay pasen na panangigalangan a mangigalang irad Katawan a Dios yo.

Deuteronomio 31:11 Referans Kwoze

2 Saray Arari 23:2

insan ira nambabansag a linmad Timplo, a kaolup da ray papari tan saray propita, tan amin da ray arum a totoon manaayam ed Jerusalem, mayaman may mairap-bilay. Imbasa na ari diad arap dan amin so intiron libro na sipanan ya arumog ed dalem na Timplo.

Deuteronomio 12:5

Diad dalin na amin da ray tribu yo, say Katawan mamili na sakey a pasen a panayaman to a sikatoy laen na saray totoo a pangigalangan ed sikato.

Exodo 34:24

Kayarik a pagiten iray totood bansan looban yo tan no apaawang ko lay dalin yo, anggapo lad satay toon manakop na bansa yo legan na taloran pista ya abitla.

Saray Gawgawa 15:21

Ta abayag lan panaon so pangibabasay Ganggan nen Moises ed saray sinagoga kapag Agew na Panagpainawa, tan nipupulong ed amin a baley so salita to.”

Saray Gawgawa 13:15

Kasumpal na impangibasay pigaran parti na Libroy Ganggan tan saray sulat da ray propita, impaibagad sikara na saray opisyal na sinagoga: “Agagi, no walay labay yon isimbawa ed saray totoo, mansalita kayo!”

Saray Salmo 84:7

Diad panaakar da lalon ombibiskeg ira; nanengneng dad Sion so Dios da ray diriyos!

Nehemias 9:3

Diad loob na sakey a taloy oras nibasad sikara so Ganggan na Katawan a Dios da, tan diad ontombuk a taloran oras impapatwa ray kasalanan da tan inggagalang da so Katawan a Dios da.

Nehemias 8:13

Diad ontombuk ya agew saray pangulo da ray boleg, saray papari, tan saray Levita et linmad kinen Esdras, ta manaral iray ibabangat na Ganggan.

Nehemias 8:18

Manlapud ononan agew na pista ya anggad kaonuran ya agew, nanbabasa ran inagew-agew na sakey a parti na Ganggan na Dios. Nampista ra na pitoy agew, tan diad kumawalon agew walay sirimonyan pansamput, onung na ibabagay Ganggan.

Deuteronomio 12:11

Say Katawan mamili na saksakey a pasen a pangigalangan ed sikato, tan iyakar yod man ed sikato iray amin ya ingganggan kod sikayo: saray isaklang yon bagat a popoolan tan saray arum a bagat, say kakaplo na saray kayaryan yo tan saray bagat yo, tan saray nidoma-doman rigalo ya insipan yon iter ed Katawan.

Deuteronomio 12:14

nepeg yo ran isaklang labat ed saksakey a pasen a pilien na Katawan ed dalin na sakey ed saray tribu yo. Diman labat so pangisaklangan yo na saray bagat a popoolan tan diman so panggawaan yod amin ya ingganggan kod sikayo.

2 Saray Arari 17:37

Nepeg yon onuren lawas iray ganggan tan saray bilin ya insulat kon para sikayo. Ag yo nepeg a takotan iray arum a diriyos,