Deuteronomio 30:5 - Maung A Balita Biblia

⁵ pian nakayaryan yo lamet so dalin a nanayaman na saray lalaki yo. Lalon paaligwasen to kayo tan lalon parakelen to kayo nen saray lalaki yo nen saman.

Maung a Balita Biblia

⁵ pian nakayaryan yo lamet so dalin a nanayaman na saray lalaki yo. Lalon paaligwasen to kayo tan lalon parakelen to kayo nen saray lalaki yo nen saman.

Deuteronomio 30:5 Referans Kwoze

Jeremias 29:14

On, kuankod sikayo, narumog yo ak, insan papawilen ta kayod dalin yo. Tiponen ta kayo manlapud balang bansa tan balang lugar ya angikayatan kod sikayo, insan papawilen ta kayo ed dalin yo a dimay amadakepan kod sikayo. Siak, say Katawan, so nansalita.’

Saray Bilang 10:29

Si Moises kuantod kinen bayaw ton si Hobab a lakin anak nen Jetro a taga Madian, “Ngalngali kami la ompikal ya onlad dalin ya imbagay Katawan ya iter tod sikami. Insipan ton paaligwasen so Israel, kanyan mila kad sikami, et pinabangen mi kad aligwas mi.”

Deuteronomio 7:13

Aroen to kayo tan bindisionan to kayo, pian ondakel so bilang yo tan nawalaan kayoy amayamay ya anak; bindisionan toy kaalogan yo, pian nawalaan kayoy trigo, alak, tan larak na oliba; tan bindisionan to kayo diad pangiter tod sikayo na amayamay a baka tan karniro. Iter to ra yan amin a bindision ed sikayo diad dalin ya insipan tod saray lalaki yo ya iter ed sikayo.

Deuteronomio 13:17

Ag kayo mangisisinup na antokaman a nepeg a deralen, et diad satan onkepa so ontan lan pasnuk na Katawan tan abageyen to kayo. Kasian to kayo tan parakelen to kayon totoo, onung na insipan tod saray lalaki yo,

Saray Salmo 119:68

Agaylay kamaungan mo tan panangasim! Ibangat mo pad siak iray ganggan mo.

Jeremias 30:3

ta onsabi lay panaon ya ipawil koy maung a kipapasen da ray totook ed Israel tan Juda. Papawilen ko rad dalin ya inter kod saray lalaki ra, tan kayaryanen da lamet. Siak, say Katawan, so nansalita.”

Jeremias 33:9

Say Jerusalem et magmaliw a panlapwan na liket, galang, tan dayew ko; tan amin a bansa ed intiron mundo ontakot tan onggiwgiw ira no narengelan da ray nipaakar ed maabig a bengatlan gagawaen kod saray totood Jerusalem, tan say aligwas ya iiter kod siudad.”

Ezekiel 36:11

Parakelen koy bilang da ray totoo tan saray ayayep. Magmaliw a dakel niy bilang yo nen say karakel yo nen saman, ta nawalaan kayo na amayamay ya anak. Panayamen ta kayod man a singa samay impanayam yo nen saman, ta paaligwasen koy bilay yo a mapalalo nen say bilay yo nen saman. Diad satan naamtaan yo a siak so Katawan.

Ezekiel 36:37

Say Katawan a Dios kuanto, “Abuloyan ko lamet iray Israelita ya onkerew irad siak na tulong, tan parakelen koy bilang da a singa poluk na karniro.