Deuteronomio 30:19 - Maung A Balita Biblia

¹⁹ Iiter kod sikayo natan so pankanawnawa yon mampili ed bilay tan patey, bindisionan na Dios tan say samba na Dios, tan tatawagen koy tawen tan dalin a mantasi no antoy pilien yo. Pili yo so bilay.

Maung a Balita Biblia

¹⁹ Iiter kod sikayo natan so pankanawnawa yon mampili ed bilay tan patey, bindisionan na Dios tan say samba na Dios, tan tatawagen koy tawen tan dalin a mantasi no antoy pilien yo. Pili yo so bilay.

Deuteronomio 30:19 Referans Kwoze

Deuteronomio 30:15

“Natad sayan agew iter kod sikayoy pankanawnawan mampili ed maung tan maoges, bilay tan patey.

Deuteronomio 11:26

“Diad sayan agew pampilien ta kayo ed bindision tan samba—

Saray Salmo 119:30

Pinilik so pagmaliw kon maonur; inimanok iray sintinsiam.

Probirbio 8:36

Balet say toon ag makarumog ed siak, papasakitan toy sikaton dili; siopamay mamobosul ed siak inaro toy patey.”

Deuteronomio 30:1

“Initdan ta kayo natan na pankanawnawan mampili ed bindision tan samba. No agawa la ra yan amin ed sikayo, tan manaayam kayo lad arum a bansa ya angikayatan ed sikayo na Katawan a Dios yo, nanunotan yo yan inter kod sikayon pampilian yo.

Lucas 10:42

Saksakey so talagan nakaukolan! Pinili nen Maria so lalon maung a gawaen, tan ag ya naekal ed sikato.”

1 Timoteo 5:21

Diad arap na Dios tan si Cristo Jesus tan saray masanton anghil to, mapilit kon igaganggan ed sika ya onur mo ra yan bilin. Anggapo komuy lalabien o ibibiig mo.

Jeremias 32:39

Itdan ko ray saksakey a getmad bilay: say pamagalang da lawas ed siak a pankaabigan da tan saray kabyangay boleg da.

Deuteronomio 4:26

Nitan so tawen tan say dalin a sikara natan so mantasi sumpad sikayo a no ag yo ak onuren, ag mabayag naandipat kayod dalin. Ag kayo mambayag a manayam ed dalin ed nibaliw na Jordan a ngalngali yo la napanayaman. Sigput kayon napatey.

Saray Salmo 119:173

Sipaparaan ka komun ya ontulong ed siak, ta oonuren ko ray ganggan mo.

Saray Gawgawa 2:39

Ta insipay Dios yad sikayo tan saray anak yo, tan diad saray amin a walad arawi—amin a tatawagen na Dios a Katawan tayo.”

Deuteronomio 31:28

Pantitipon yod arap ko iray amin a pangulo na tribu tan saray opisyal, pian nibagak ed sikara yan bengatla; tawagen koy tawen tan say dalin a mantasi sumpad sikara.

Saray Salmo 119:111

Andi-anggaan a tawir ko iray ganggan mo; sikaray liket na pusok.

Deuteronomio 32:1

“Tawen tan dalin, dengel yo ray salitak, dengedengel yoy ibagak.

Isaias 1:2

Inkuan na Katawan, “Sikayon tawen tan mundo, dengel yoy ibagak! Linmaban ed siak iray pinabaleg kon anak.

Probirbio 1:29

Ag yon balut nilabay a nawalaan kayoy pakaamta tan lawas ag yo tinoluk so Katawan.

Isaias 56:4

Say Katawan kuantod satan a too, “No ngilinan moy Agew na Panagpainawa tan gawaen moy makapaliket ed siak tan matoor mon sumpalen so impisipanan ko,

Genesis 2:17

balet ag ka mamangan na bunga na samay kiew a mangiiter na pakaamta ed maung tan maoges. Ag nepeg a kanen so bunga na saman a kiew; ta no kanen mo, ompatey ka diad agew a pangan mo.”

Deuteronomio 4:1

Insan inkuanen Moises ed saray totoo, “Onur yo ray amin a ganggan ya ibabangat kod sikayo, et mansiansia kayon mambilay tan sakopen yo so dalin ya iter ed sikayo na Katawan a Dios na saray lalaki yo.

Deuteronomio 4:6

Pampelengan yo ran onuren, ta sikatoy pakabirbiran na saray totood saray arum a bansa a makabat kayo. No narengelan da ra yan amin a ganggan ikuanda, ‘Agay lay kakabatan tan pakatalus na saray totood sayan makapanyarin bansa!’

Deuteronomio 30:16

No onuren yo ray iiter kod sikayo natan a ganggan na Katawan a Dios yo, no aroen yo so Katawan, no tuloken yo, tan sumpalen yo ray amin a ganggan to, onaligwas kayo tan magmaliw kayon sakey a bansa ya amayamay iray totoo to. Say Katawan a Dios yo et bindisionan to kayo ed dalin a ngalngali yo la panayaman.

Jeremias 21:8

Insan imbaga na Katawan ed siak ya ikuankod saray totoo, “Dengel kayo! Siak, say Katawan, itdan ta kayoy pankanawnawan mampili ed dalan a mamaarap ed bilay odino dalan a mamaarap ed patey.

Deuteronomio 4:25

“Anggan abaybayag kayo lan manaayam ed saman a dalin tan awalaan kayo la na saray anak tan apo, ag kayo mankakasalanan diad panggawa yoy antokaman a talintaoy dios. Maoges ya ed arap na Katawan, tan sikatoy makasengeg na pampasnuk to.

Deuteronomio 6:2

Legan na pambilay yo, sikayo tan saray kabyangay boleg yo et nepeg a takotan yo so Katawan a Dios yo tan onur yo ray amin a ganggan to, pian andokey so pambilay yo ed saman a dalin.

Deuteronomio 31:17

No ontan so nagawa mampasnuk ak ed sikara; ikaindan ko ra, et ompatey ira. Amayamay so ondalan ed sikaran makapataktakot a deral, et nabirbir da ya agawa ra yad sikara lapud andi ak lad sikara, siak a Dios da.

Probirbio 9:11

Say kakabatan parokeyen toy bilay mo diad tapew na dalin.

Probirbio 12:28

Say katonungan so dalan a mamaarap ed bilay; say kaogsan so dalan a mamaarap ed patey.

Jeremias 42:21

Natan imbagak ed sikayo so papaibaga na Katawan, balet ag yo oonuren ya amiy bengatlan papaibagad siak na Katawan a Dios tayo ed sikayo.

Ezekiel 20:11

Inter tan imbangat kod sikara iray ganggan ko a mangiter na bilay ed saray mangoonur.