Deuteronomio 30:17 - Maung A Balita Biblia

¹⁷ Balet no sumlangen yo tan ag yo dengelen, tan napalingo kayon mangigalang ed saray arum a diriyos,

Maung a Balita Biblia

¹⁷ Balet no sumlangen yo tan ag yo dengelen, tan napalingo kayon mangigalang ed saray arum a diriyos,

Deuteronomio 30:17 Referans Kwoze

Saray Hebreo 3:12

Agagik ira, manalwar kayo ya anggapo komud sikayoy maoges so puso to tan naandiay pananisia a mansumpal ed pangibeneg tod Dios a mabilay.

2 Timoteo 4:4

Ibeneg da lay ondengel ed katwaan, ta iter da lay oras dad saray tongtongtong.

Probirbio 1:32

Ompapatey iray totoon anggapoy salsalid panagbilay lapud ipopolisay day kakabatan. Nadederal iray totoon makulang-kulang lapud ag ira mangasasikaso.

Saray Hebreo 12:25

Manalwar kayo, sirin, tan ag yo ipopolisay a dengelen so mansasalita. Ag akaliktar iray ag dinmengel ed pamasakbay na mansasalita diad tapew na dalin. Lautla sirin ya ag tayo naliktaray dusa, no ag tayo dengeley pamasakbay na mansasalita diad tawen!

Probirbio 14:14

Saray totoon maoges anien day bayar na kaogsan da. Saray totoon matonung natumangan ira, lapud saray gawgawa ra.

1 Saray Arari 11:2

Inasawa to ra, anggaman ya ingganggan na Katawan ed saray Israelita ya ag ira mangasawa o miasawa ed sarayan totoo, ta tanggoyuren dan mangigalang ed arum a diriyos iray Israelita.

1 Samuel 12:25

Balet no itoluy yoy mankasalanan, napatey kayo tan say ari yo.”

Deuteronomio 17:17

Say ari ag nepeg ya amayamay iray asawa to, ta sikato yay makasengeg na iyarawi tod Katawan; nepeg ya ag mampayaman na pilak tan balituk.

Saray Bilang 32:15

No sikayo ran totoo nen Ruben tan Gad et ag yo labay ya onuren natan so Katawan, ikaindan to lamet ed kalawakan ira yan amin a totoo, et sikayo so natetel ed pakaderal da.”

Deuteronomio 30:16

No onuren yo ray iiter kod sikayo natan a ganggan na Katawan a Dios yo, no aroen yo so Katawan, no tuloken yo, tan sumpalen yo ray amin a ganggan to, onaligwas kayo tan magmaliw kayon sakey a bansa ya amayamay iray totoo to. Say Katawan a Dios yo et bindisionan to kayo ed dalin a ngalngali yo la panayaman.

Deuteronomio 30:18

naoput kayo—papasakbayan ta kayo la dia natan. Ag kayo mambilay na andokey ed dalin a ngalngali yo la panayaman diad nibaliw na Jordan.

Deuteronomio 11:16

Manalwar kayo ta ompan napalingo kayo et ikaindan yoy Katawan tan mangigalang tan manlingkur kayod arum a diriyos.

Josue 22:15

Sinmabi ra ed dalin na Galaad, diad saray totoo na tribu di Ruben, Gad, tan say kapalduay Manases.

1 Samuel 12:21

Ag kayo manlilingkur ed saray tila-tilan diriyos; ag da kayo natulongan odino nilaban, ta aliwa ran peteg a Dios.