Deuteronomio 3:5 - Maung A Balita Biblia

⁵ Amin da ra yan baley et apaliberan iray atatagey a padir, walaan ira na saray puirta, tan abalewetan ira na balatyang; wala met iray amayamay a barion anggapoy padir.

Maung a Balita Biblia

⁵ Amin da ra yan baley et apaliberan iray atatagey a padir, walaan ira na saray puirta, tan abalewetan ira na balatyang; wala met iray amayamay a barion anggapoy padir.

Deuteronomio 3:5 Referans Kwoze

Saray Hebreo 11:30

Lapud pananisia, nagba ray padir na Jerico, kasumpal a niliber-liber na saray Israelita ed loob na pitoy agew.

Deuteronomio 1:28

Akin et onla tayod man, anta antakot itayo. Saramay imbaki tayo et kuandan mabiskeg tan atagey ni ray totood man nen say sikatayo, tan manaayam irad saray siudad ya anggad tawen iray padir da. Akanengneng irad man na saray alan!’

Saray Bilang 13:28

Balet makapanyari ray totoon manaayam diman, tan ankakabaleg iray siudad diman tan aliber ira na padir. Say maoges ni, anengneng mi rad may kabyangay boleg na alan.

Deuteronomio 3:4

Dinakep tayo met iray amin a baley to—anggapoy baley to ya ag tayo inala. Anemaplon amin so baley ya adakep tayo—say intiron dalin na Argob, a dimay nanoleyan nen Ari Og na Basan.

Deuteronomio 3:6

Dinederal tayo ray amin a baley tan pinapatey tayo ray amin a lalaki, bibii, tan amin ya ogogaw, a singa ginawa tayod saray baley a kayaryan nen Ari Sehon na Hesbon.

1 Samuel 6:18

Impawit da met ira may otut a balituk, sakey so para kapag baley a panooleyan na limaran arari na Filistia, saray apaliberay padir a baley tan saray anggapoy padir a bario. Samay baleg a baton walad alog nen Josue a taga Bet-semes, ya angitapewan na samay Kaban na Sipanan na Katawan, et wadman ni a mantasi ed agawa.

Nehemias 9:25

Dinakep na saray totoom iray siudad ya aliber na padir, saray mabunan dalin, saray abung a napnoy kayamanan, saray bobun a walay danum, saray kaolibaan, saray kakiewan a mambunga, tan saray kaubasan. Inaakan day amin a labay da, kanyan tinmataba ra; nanliket irad amin a kaabigan ya inter mod sikara.

Ester 9:19

Sikato yay makasengeg a saray Judion manaayam ed saray ankekelag a baley et maliket dan sisilibraan a pista so kumalabinapat ya agew na bulan na Adar, say agew a paniiteran day rigalo na kakanen.