Deuteronomio 3:24 - Maung A Balita Biblia

²⁴ ‘Amtak, O Katawan a Dios, ya impanengneng mod siak labat so gapo na saray baleg tan makapakelaw a bengatlan gawaen mo. Diad tawen odino diad dalin, anggapoy diyos-diyos a makagawa na saray makapakelaw a bengatlan ginagawam!

Maung a Balita Biblia

²⁴ Amtak, O Katawan a Dios, ya impanengneng mod siak labat so gapo na saray baleg tan makapakelaw a bengatlan gawaen mo. Diad tawen odino diad dalin, anggapoy diyos-diyos a makagawa na saray makapakelaw a bengatlan ginagawam!

Deuteronomio 3:24 Referans Kwoze

Exodo 15:11

“Katawan, siopad saray diriyos so singa sika? Siopay singa sikan makapakelaw ed inkasanto? Siopay makapanggawa na saray milagro tan saray makapakelaw a gawa a singa saray ginagawam?

Saray Salmo 71:19

O Dios, sabien na inkatonung mo so katawenan. Matalonggaring iray ginagawam; Siopay miparad sika?

Deuteronomio 11:2

Nunot yo natan iray naaralan yo a nipaakar ed Katawan diad panamegley na saray ginagawa to. Aliwan saray anak yo, no ag ingen sikayo, so akanengneng. Anengneng yo so inkatalonggaring na Katawan, say pakayari to, say biskeg to,

Saray Salmo 86:8

Anggapod saray diriyos so miparad sika, Katawan, anggapoy siopaman a makagawa ed saray ginawam.

2 Samuel 7:22

Agaylay inkatalonggaring mo, Sankatageyan a Katawan! Anggapoy miparad sika; amta mi lawas a bukbukor mo so Dios.

Daniel 3:29

“Et natan, igaganggan ko a tegtegtegen so laman na siopaman a taga dinanman a bansa, anggan antoy kolor na baog to tan salita to, a mansalitay sumpad Dios di Sadrac, Mesac, tan Abednego. Gawaen a bontun na deral-deral so abung to. Anggapoy arum a dios a makapangyagel na onya.”

Jeremias 10:6

Katawan, anggapoy mipara ed sika: makapanyari ka, tan matalonggaring tan makapanyari so ngaran mo.

Isaias 40:25

Siopay nayarin pangiparaan ed Dios? Walay siopaman a singa sikato?

Saray Salmo 145:6

Salitaen na katoowan iray makapanyarin gawgawam, tan ibawag koy inkatalonggaring mo.

Saray Salmo 106:2

Siopay makapangidalatdat na amin iray makapakelkelaw a ginagawa to? Siopay makapangidayew na nagnap ed sikato?

Saray Salmo 89:8

Katawan a Dios a Makapanyarin-amin, anggapoy makapanyarin singa sika; diad amin a bengatla matoor ka, Katawan.

Saray Salmo 89:6

Anggapod tawen so miparad sika, Katawan; anggapod saray anghil so singa sika.

Saray Salmo 35:10

Diad intiron pusok ibagak ed Katawan, “Anggapoy miparad sika, Iyaagel mo ray makapoy ed saray mabiskeg, saray mairap-bilay ed saray managpairap.”

Nehemias 9:32

“O Dios mi, alay talonggaring mo! Makapataktakot tan makapanyarin tuloy! Matoor mon susumpalen so impisipanan mo. Nanlapu lad samay panaon a pinapairap kami na saray ararid Asiria, ontan lay paniirap mi ya anggad natan. Saray arari mi, saray pangulo mi, saray papari tan saray propita mi, saray lalaki mi, tan amin a totoo mi et maniirap ira. Nudnunot mo pa so ontan lan impanirap mi!

Isaias 40:18

Siopay nayarin pangiparaan ed Dios? Antoy kapara to?

Saray Salmo 145:3

Matalonggaring so Katawan tan manepenepeg a galangen; sigput ya ag natalusan so inkatalonggaring to.

Exodo 8:10

Inmebat so ari, “Ipikasian mo ak nabwas.” Inkuanen Moises, “Gawaen ko so onung na kerew mo, et diad ontan naamtaan mo ya anggapoy arum a dios a makapiparad Katawan a Dios mi.

Exodo 9:14

No ag mo ni ra abuloyan, aliwa labat a saray opisyal mo tan saray totoom so dusaen ko, no ag ingen pati sika, pian naamtaan mo ya anggapoy kaparak diad intiron mundo.

Deuteronomio 3:23

“Diad saman a panaon masimsimoon ak a nampikasi,

Deuteronomio 32:3

Idayew ko so ngaran na Katawan, tan saray totoo to ibawag day inkatalonggaring to.

2 Saray Awaran 6:14

Onyay pikakasi nen Solomon: “Katawan a Dios na Israel, anggapoy arum a dios a miparad sika diad tawen odino diad dalin! Matoor kad impisipanan mod saray totoom, tan ipapanengneng moy ag mangoman a panangarom ed saray totoon sigput a matoor ed sika.

Saray Salmo 150:2

Idayew yo lapud saray makapanyarin ginagawa to. Idayew yo lapud sikatoy sankatalonggaringan.

Saray Bilang 23:23

Anggapoy panamalikdo odino panagsalamangka diad pananulong na maoges ya ispiritu A makasumpa ed bansan Israel. Natan saray totoo ikuanda nipaakar ed Israel. ‘Nengneng yo no antoy ginawa na Dios!’