Deuteronomio 3:20 - Maung A Balita Biblia

²⁰ Tulongan yo ray kapara yon Israelita ya anggad nasakop da lay dalin ya iter ed sikara na Katawan diad sagur na Jordan tan anggad napanayam la rad man na Katawan ya anggapo lay manigensigen ed sikara, a singa ginawa to la diad sikayo. Kayari to ya, nayarian yo lay ompawil ed sayan dalin ya impabetang kod sikayo.’

Maung a Balita Biblia

²⁰ Tulongan yo ray kapara yon Israelita ya anggad nasakop da lay dalin ya iter ed sikara na Katawan diad sagur na Jordan tan anggad napanayam la rad man na Katawan ya anggapo lay manigensigen ed sikara, a singa ginawa to la diad sikayo. Kayari to ya, nayarian yo lay ompawil ed sayan dalin ya impabetang kod sikayo.

Deuteronomio 3:20 Referans Kwoze

Josue 22:4

Onung na insipan na Katawan a Dios yo initdan to na kareenan iray kapara yon Israelita. Sempet kayo natan sirin ed dalin a kayaryan yo, say dalin ed bokig na Jordan ya inter ed sikayo nen Moises ya aripen na Katawan.

Saray Bilang 32:22

tan nakayaryan to so dalin. Kayari tod satan, nayarian yo lay ompawil dia lapud asumpal yo la so kanepegan yod Katawan tan diad saray kapara yon Israelita. Insan say Katawan birbiren to a sayan dalin a walad bokig na Jordan et kayaryan yo.

Deuteronomio 3:21

“Insan inkuankod kinen Josue: ‘Anengneng mo ray amin a ginawa na Katawan a Dios mo ed saramay duaran ari a di Sehon tan Og; onman so gawaen to ed balang sakey a too ed dalin a looban yo.

Deuteronomio 12:9

lapud ag kayo ni akaloob ed dalin ya iiter ed sikayo na Katawan a Dios yo, a diman kayo makapambilay ya arawid kaatapan.

Josue 1:15

anggad nasakop day dalin a sagur na Jordan, say dalin ya inter ed sikara na Katawan a Dios yo. No nilira to la ran maligen iray amin a tribu na Israel, ompawil kayo lad satan dia tan manayam kayo lad dalin yod bokig na Jordan ya inter ed sikayo nen Moises ya aripen na Katawan.”

Saray Bilang 32:18

Ag kami dia ompawil ya anggad saray arum ya Israelita et nakayaryan da so dalin a nipabetang ed sikara.

Josue 22:2

Inkuantod sikara, “Sinumpal yo ray amin ya ingganggan ed sikayo nen Moises ya aripen na Katawan tan inonur yo ray amin a ganggan ko.

Josue 22:9

Kanyan sinmempet la ra may totood tribu di Ruben, Gad, tan say kapalduay Manases. Tinaynan da ra may arum a totood Israel diad Silo ed dalin na Canaan, ta onsempet la rad dilin dalin da, say dalin ed Galaad, a sikatoy inala ra onung na ingganggan ed sikara na Katawan diad panamegley nen Moises.