Deuteronomio 3:2 - Maung A Balita Biblia

² Balet say Katawan kuantod siak, ‘Ag kayo natatakot ed sikato. Ipalimak ed sikayo si Ari Og tan saray totoo to, tan amin a dalin to. Gawa yod sikato so singa ginawa yod si Sehon ya ari da ray Amorreo a nanoley ed Hesbon.’

Maung a Balita Biblia

² Balet say Katawan kuantod siak, Ag kayo natatakot ed sikato. Ipalimak ed sikayo si Ari Og tan saray totoo to, tan amin a dalin to. Gawa yod sikato so singa ginawa yod si Sehon ya ari da ray Amorreo a nanoley ed Hesbon.

Deuteronomio 3:2 Referans Kwoze

Puyan 2:10

Ag mo tatakotan iray kairapan ya asingger mo lan sakbaten. Dengel ka! Diad panubok na Diablo, paipriso toy pigarad sikayo; nairapan kayon samploy agew. Mansiansia kan matoor ed siak ya anggad patey, et iter kod sikay korona na bilay.

2 Saray Awaran 20:17

Aliwan sikayoy nepeg a milaban ed sayan bakal. Ilira yo labat so sikayon dili tan manalagar kayo; nanengneng yoy pangiter na Katawan ed sikayo na pananalo. Totood Juda tan Jerusalem, ag kayo ontatalaw odino ontatakot. Paway kayon mibakal, tan olupen kayo na Katawan!”

Saray Gawgawa 27:24

‘Ag ka natatakot, Pablo!’ inkuanto. ‘Nepeg moy onarap ed Impirador. Lapud sika, ilaban na Dios iray amin a kakaibam a mambiabiahi.’

Saray Gawgawa 18:9

Aminsan a labi, pinmayawar so Katawan ed kinen Pablo tan inkuanto, “Ag ka natatakot, Pablo! Ituloy moy pampupulong mo. Ag ka ontotonda,

Isaias 43:5

Ag ka natatakot—wala ak ed sika! “Manlapud bokig tan sagur pasempeten ko ray totoom.

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Deuteronomio 20:3

‘Lalaki na Israel, dengel kayo! Natad sayan agew onla kayon mibakal. Ag kayo ontatakot ed saray kalaban yo, ag yo papakapoyey linawa yo, tan ag kayo natataranta.

Deuteronomio 3:11

Si Ari Og so kaonuran ed saray totoon Refaim. Say longun ton bato et ngalngali duaran mitro so benlag to tan limaran mitro so onduy to, onung ed panagsukat na karaklan. Nanengneng ni man a longun ed Raba a siudad da ray Ammonita.)

Saray Bilang 21:34

Say Katawan kuantod kinen Moises, “Ag kayo ontatakot ed sikato. Panaloen ta kayo ed sikato, amin a totoo to, tan dalin to. Gawa yod sikato so singa ginawa yo ed kinen Sehon ya ari da ray Amorreo a nanoley ed Hesbon.”

Saray Bilang 14:9

Ag kayo onsusumlang ed Katawan tan ag kayo ontatakot ed saray totoon manaayam diman. Mainomay tayo ran dakepen. Say Katawan kaolup to itayo tan tinalo to ray diriyos ya angyagel ed sikara; kanyan ag kayo natatakot.”

Deuteronomio 3:1

“Insan tayo nampabaybay tan intuloy tayoy kurang tayo ya anggad dalin na Basan, et pinmaway si Ari Og a pati saray amin a totoo to a mibakal ed sikatayo diad asingger ed baley na Edrei.

Deuteronomio 3:3

“Kanyan say Katawan impatalo to met ed sikatayo si Ari Og tan saray totoo to, insan tayo ra pinapatey ya amin.

Josue 10:8

Inkuan na Katawan ed kinen Josue, “Ag kayo ontatakot ed sikara; impanalo ta kayo lad sikara. Anggapod sikaray nayarin onlaban ed sikayo.”