Deuteronomio 3:10 - Maung A Balita Biblia

¹⁰ Inala tayo ray amin a dalin a sakop nen Ari Og na Basan: saray siudad ed niatagey a patar, saray dalin ed Galaad tan Basan, ya anggad saray baley na Saleca tan Edrei diad bokig.” (

Maung a Balita Biblia

¹⁰ Inala tayo ray amin a dalin a sakop nen Ari Og na Basan: saray siudad ed niatagey a patar, saray dalin ed Galaad tan Basan, ya anggad saray baley na Saleca tan Edrei diad bokig. (

Deuteronomio 3:10 Referans Kwoze

Josue 13:31

Sakop met na dalin da so kapalduay Galaad, pati say Astarot tan Edrei, saray manonan siudad na nanarian nen Og diad Basan. Sikara ya so niiter ed kapaldua na saray pamilya a say sengeg da et si Makir a lakin anak nen Manases.

Deuteronomio 4:49

Sakop to met so intiron dalin a bokig na Ilog na Jordan ya anggad Dayat ya Inatey diad abalaten tan say alusadsar na Palandey na Pisga diad bokig.

Saray Bilang 21:33

Insan sinmipa ray Israelita tan amaarap ira ed Basan, balet pinmaway si Ari Og na Basan tan saray sondalo to et dinogpaan da ra ed Edrei.

Deuteronomio 4:43

Diad tribu nen Ruben say nibiig a siudad say Bezer a niatagey a patar a kalawakan; diad tribu nen Gad say Ramot a sakop na dalin na Galaad; tan diad tribu nen Manases say Golan a sakop na dalin na Basan.

Josue 13:16

Sakop na dalin da so Aroer (a walad gilig na Patar na Arnon) tan say siudad ed pegley na saman a patar tan sakop to met so intiron niatagey a patar ed kaliber-liber na Medeba.

1 Saray Awaran 5:11

Saray kabyangay tribu nen Gad nanayam ed baybay nen Ruben diad dalin na Basan ya anggad Saleca.

Josue 13:30

Sakop na dalin da so Mahanaim tan say intiron dalin na Basan—say intiron nanarian nen Og ya ari na Basan, tan amin iray anemaplon bario na Jair diad dalin na Basan.

1 Saray Arari 4:13

Ben-geber: say siudad na Ramot-galaad, tan saray bario na Galaad a sakop na boleg nen Jair a lakin kabyangay boleg nen Manases, tan say dalin na Argob diad Basan, anemaplon ankakabaleg a baley ya amin, apaliberan iray padir tan gansa iray balewet na puirta ra