Deuteronomio 29:6 - Maung A Balita Biblia

⁶ Anggapoy naakan yon tinapay odino nainom ya alak odino antokaman a makabuek, balet inter na Katawan ed sikayo ray nakaukolan yo pian nibangat tod sikayo a sikato et Dios yo.

Maung a Balita Biblia

⁶ Anggapoy naakan yon tinapay odino nainom ya alak odino antokaman a makabuek, balet inter na Katawan ed sikayo ray nakaukolan yo pian nibangat tod sikayo a sikato et Dios yo.

Deuteronomio 29:6 Referans Kwoze

Deuteronomio 8:3

Pinaerasan to kayo, insan to kayo initdan na mana a kanen yo, say tagano ya ag yo nin balut atawayan, sikayo tan saray lalaki yo. Onmay ginawa to pian nibangat to kayo ya aliwan tinapay labat so pambilay na too, no ag ingen mambilay met ed amin a salita na Katawan.

TAGA-EFESO 5:18

Ag ki mambuebuek na alak, ta manderal labat ed sikayo; pampelengan yo ingen so kapano yoy Ispiritu.

1 CORINTO 10:4

inminom ira na namparan maispiritu ya iinomen. Inminom ira ed maispiritun bato ya angolup ed sikara, tan sayan baton-dampay et si Cristo.

1 CORINTO 9:25

Saray mampapasal a milumba nakaukolan a mandangka rad amin a ganagana. Gagawaen da ya, pian nagamuran day korona a naderal lamlamang, balet koronan ag naderal so nagamuran tayo.

Nehemias 9:15

“Nen naerasan ira initdan mo ray tinapay a nanlapud tawen; nen napgaan ira initdan mo ray danum a nanlapud baton dampay. Imbagam ed sikara a kayaryanen day dalin a sinambaan mon iter ed sikara.

Saray Bilang 20:8

“Alam imay baston a walad arap na Kaban na Sipanan, insan yo pantitiponen nen Aaron iray amin a totoo. Diad arap dan amin mansalita ka ed baton dampay a wadman, et ompaway diman so danum. Diad ontan napapaway mod samay baton dampay so danum ya inomen na saray totoo tan saray ayayep da.”

Saray Bilang 16:14

Talagan ag mo kami inyakar ed mataban dalin odino initdan na kaalogan tan kaubasan, et natan labay mo kami nin palikdoen. Ag kami ondago!”

Exodo 16:35

Saray Israelita nantagano ra na mana ed loob na apataploy taon, ya anggad asabi ray dalin na Canaan a dimay nanayaman da. (

Exodo 16:12

“Nadngel ko ray riklamo da ray Israelita. Ibagam ed sikara ta diad kapansironget nawalaan ira na karnin siraen, tan diad kabwasan nawalaan ira na tinapay ya anggan antoy karakel na labay da. Diad satan, naamtaan da a siak so Katawan a Dios da.”

Deuteronomio 29:7

Et nen akasabi tayod sayan pasen, pinmaway ya akibakal ed sikatayo ira di Ari Sehon na Hesbon tan Ari Og na Basan. Balet tinalo tayo ra,

Deuteronomio 2:33

balet say Katawan a Dios tayo impatalo to rad sikatayo; pinatey tayoy Sehon, saray anak ton lalaki, tan amin da ray totoo to.

Deuteronomio 3:3

“Kanyan say Katawan impatalo to met ed sikatayo si Ari Og tan saray totoo to, insan tayo ra pinapatey ya amin.

Deuteronomio 3:6

Dinederal tayo ray amin a baley tan pinapatey tayo ray amin a lalaki, bibii, tan amin ya ogogaw, a singa ginawa tayod saray baley a kayaryan nen Ari Sehon na Hesbon.