Deuteronomio 29:29 - Maung A Balita Biblia

²⁹ “Wala ray arum a bengatlan iyaamut na Katawan a Dios tayo; balet impaamta tod sikatayo so Ganggan to, et sikatayo tan saray kabyangay boleg tayo nepeg ya onuren tayo ya anggad angga.

Maung a Balita Biblia

²⁹ Wala ray arum a bengatlan iyaamut na Katawan a Dios tayo; balet impaamta tod sikatayo so Ganggan to, et sikatayo tan saray kabyangay boleg tayo nepeg ya onuren tayo ya anggad angga.

Deuteronomio 29:29 Referans Kwoze

Daniel 2:22

Ipapaamta to ray bengatlan aralem tan maamut; amta toy antokaman a niamut ed kabilongetan, ta manaayam ed sikaton dili so liwawa.

Saray Gawgawa 1:7

Inmebat si Jesus, “Saray panaon tan agew ya inggetar na Ama diad pakayari ton dili, et ag la nakaukolan ya amtaen yo ra.

Mateo 13:11

Inmebat si Jesus, “Niiter ed sikayoy pakaamta ed saray bengatlan nipaakar ed Panariay tawen, balet andid sikara.

1 CORINTO 2:16

Ta onung na ibabagay Masanton Sulat, “Siopay makaamtad kanunotay Katawan? Siopay makasimbawad sikato?” Balet, walad sikatayoy panagnunot nen Cristo.

Saray Salmo 25:14

Kaaro na Katawan iray matoluk ed sikato, tan papaletan toy impisipanan tod sikara.

Amos 3:7

Say Katawan a Dios et ag balut manggawa na antokaman ya ag to ni ipaamtad saray aripen ton propita so plano to.

2 Timoteo 3:16

Amin a Masanton Sulat et impuyan ira na Dios, tan makana ra ed pangibangat na katwaan, panimbawa, pametek, tan pangiwanwan ed malinis a panagbilay,

Daniel 4:9

Beltsasar a pangulo da ray managparles, amtak a walad sika so ispiritu da ray diriyos, tan natalusan mon amin iray mistirio. Sikato ya so kogip ko. Ibagam ed siak so kabaliksan to.

Jeremias 23:18

Inkuanko balet, “Anggapod sarayan propita so akapikabat ed niamut a kanunotan na Katawan. Anggapod sikaray akadngel odino akatalus ed salita to odino dinmengel o angasikaso ed imbaga na Katawan.

Mateo 13:35

Ginawa to ya pian nasumpal so imbagay propita: “Iparalan kod saray alimbawa so pansalitak ed sikara; ibagak ed sikaray bengatlan ag ni naamtaan nanlapud inkapalsay mundo.”

Juan 15:15

Ag ta ki la ipapasen ya aripen natan, ta ag kabat na aripen so gagawaey katawan to. Ipapasen ta ki lan kakaaro, lapud impaamtak ed sikayo ray amin a nadngel kod Amak.

Isaias 8:20

Onya so iyebat mod sikara, “Dengel yoy ibabangat ed sikayo na Katawan! Ag yo dedengelen iray managpanon ed saray ispiritu na inaatey—ag da napaandi so gunigon.”

Probirbio 3:32

lapud makapaingungot ed Katawan iray manggagaway kaogsan, balet makapaliket ed sikato iray totoon matonung.

Say Libro nen Job 28:28

Inkuan na Dios ed too, ‘Magmaliw kan makabat no takotan moy Katawan, Nawalaan kay pakatalus no ibatikan moy kaogsan.’”

Deuteronomio 6:7

Ibangat yo rad saray anak yo. Salita yo ra no wala kayod kaabungan yo tan no wala kayod arawin pasen, no mampapainawa kayo tan no mankikimey kayo.

Juan 20:31

Balet nisulat iray logan to yan libro, pian manisia kayon si Jesus et sikatoy Cristo, say Anak na Dios, tan lapud sayan pananisia yo, nawalaan kayoy bilay ya andi-anggaan ed ngaran to.

Deuteronomio 30:2

No sikayo tan saray kabyangay boleg yo et ompawil kayod Katawan tan masimsimoon yo lan onuren ira yan ganggan to ya iiter kod sikayo natad sayan agew,

2 Timoteo 1:5

Ag ko nalingwanay matoor a pananisiam, a singa samay pananisia nen Loida a baim tan Eunice ya inam. Ag ko panduaruwaan a wala met yad sika.

Juan 21:22

Inmebat si Jesus, “No labay kon mambilay ya anggad ipawil ko, antoy wala ed sika? Tombuk mo ak!”

Juan 5:39

Aaralen yoy Masanton Sulat lapud ipapasen yon sikatoy pakalmoan yoy bilay ya andi-anggaan. Sikato so mantatasi ed siak.

Saray Gawgawa 17:11

Magmaung ni rad may Judion pitongtongan nen saray taga Tesalonica. Agaylay karerengel da ed ipupulong nen Pablo, tan inagew-agew dan sosokayan so Masanton Sulat, ta labay dan nengnengen no tuay ibabaga nen Pablo.

Genesis 41:16

Inmebat si Jose, “Ag ko nayarian, Kagalang kon Ari; balet say Dios so makapangiter na dugan talus na kogip.”

Probirbio 25:2

Papagalangen tayoy Dios lapud pangyaamut tod saray bengatla, balet papagalangan tayo ray arari lapud saray pangipapaliwawa rad saray bengatla.