Deuteronomio 29:25 - Maung A Balita Biblia

²⁵ Et say ebat saya, ‘Say makasengeg et lapud dineral na saray totoo so impisipanan ed sikara na Katawan, say Dios na saray lalaki ra, nen impaway to rad Egipto.

Maung a Balita Biblia

²⁵ Et say ebat saya, Say makasengeg et lapud dineral na saray totoo so impisipanan ed sikara na Katawan, say Dios na saray lalaki ra, nen impaway to rad Egipto.

Deuteronomio 29:25 Referans Kwoze

Saray Hebreo 8:9

Aliwan singa saya may impisipanan kod saray lalaki ra, nen agew ya intabin ko ran impaway ed Egipto. Aliwa ran matoor ed impisipanan kod sikara, kanyan pinaolyan ko ra.

Jeremias 50:7

Dinodogpaan ira na amin ya akalmod sikara. Saray kalaban da kuanda, ‘Aliwan maoges so ginawa tayod sikara, tan nankasalanan irad Katawan. Nanmatalek ed Katawan iray lalaki ra, kanyan nepeg komun a nansiansian matoor irad sikato.’

Jeremias 31:32

Aliwan singa samay impisipanan kod saray lalaki ra nen intabin ko ran impaway ed Egipto. Aliwa ran matoor ed saman a sipanan, anggaman ya alimbawak so sakey ya asawan laki ed sikara.

Jeremias 22:9

Insan onebat ira a say makasengeg et say impangikaindan yoy impisipanan yod siak a Dios yo, tan say impangigalang tan say impanlingkur yod saray arum a diriyos.”

Isaias 47:6

Akapasnuk ak ed saray totook; impasen kon ag ko la ra kayaryan: Impasilong ko rad pakayarim, et ag mo ra kinasian; anggan saray mamatakken pinairap mo ran tuloy.

Deuteronomio 29:26

Nanlingkur irad arum a diriyos ya ag dan balut ginalang nen saman, saray diriyos ya insebel na Katawan a panlingkuran da.

1 Saray Arari 9:9

Onebat iray totoo, ‘Lapud inkaindan na saray totoo so Katawan a Dios da, ya angipaway ed saray lalaki ra ed dalin na Egipto. Sinmingger irad arum a diriyos tan sikara yay inggalang tan nanlingkuran da. Kanyan inter na Katawan yan kaogsan ed sikara.’”

2 Saray Arari 17:9

Ginagawa na saray Israelita iray bengatlan ag labay na Katawan. Nanggagawa ray paganon pasen a panangigalangan diad amin a baley da, manlapud sankamelagan a bario ya anggad sankabalgan a siudad.

2 Saray Arari 17:15

Ag da nilabay ya onuren iray bilin to, ag da sinumpal so impisipanan tod saray lalaki ra, tan ag da inkabkabilangan iray pasakbay to. Inggalang day andi-kakanaan iran talintaoy diriyos tan nagmaliw iran andi-kakanaan met, tan inalig da ray ogali na kaliber-liber iran bansa. Ag da sirin tinoluk so ganggan na Katawan ya ag da aligen iray pagano.

2 Saray Arari 22:17

Impolisay da ak tan nambabagat irad saray arum a diriyos, kanyan impanpasnuk da ak lapud amin a ginagawa ra. Pinmetang so olok ed Jerusalem, tan ag ombetel.

2 Saray Awaran 36:13

Linmaban si Sedekias ed Ari Nabucodonosor ya amasoot ed sikaton mansamba diad ngaran na Dios a magmaliw a matoor ed ari. Anawet so puso to kanyan ag nagbabawi o pinmawil ed Katawan a Dios na Israel.

Isaias 65:11

“Balet nidomay kasumpalan yo, sikayon mangikakaindan ed siak, mangililingwan ed Sion a masanton palandey ko, tan mangigagalang ed Gad tan Meni a diriyos na kapalaran tan pansumpalan.

Jeremias 16:11

Insan mo ibagad sikara a say Katawan inkuanto, ‘Saray lalaki yo inkaindan da ak tan nanlingkur tan angigalang irad arum a diriyos. Inkaindan da ak tan ag da inonur iray bangat ko.

1 Saray Arari 9:8

Bontun na saray deral-deral so pagmaliwan na sayan Timplo, tan nabiglaan tan nikelawan so siopaman ya ondalan. Tepetan da, ‘Akin et ginawa na Katawan so onya ed sayan dalin tan diad sayan Timplo?’

Saray Salmo 106:36

Angigalang iray totooy Dios ed saray talintaoy diriyos, et sikato yay aderalan da.

Jeremias 22:8

“Ag mabayag amayamay iray taga arum a bansa ya ondalan tan mantetepetan ira no akin et siak, say Katawan, ginawak so onya ed sayan matalonggaring a siudad.

Jeremias 44:3

lapud saray totoon manaayam ed saraman a siudad et nanggagawa ray kaogsan tan impanpasnuk da ak. Nambabagat irad saray arum a diriyos tan nanlilingkur irad saray diriyos ya ag da kabat, odino sikayo, odino saray lalaki yo.