Deuteronomio 29:10 - Maung A Balita Biblia

¹⁰ “Natad sayan agew amin yo et manalalagey ed arap na Katawan a Dios yo—saray pangulo yo tan saray opisyal yo, saray lalaki yo,

Maung a Balita Biblia

¹⁰ Natad sayan agew amin yo et manalalagey ed arap na Katawan a Dios yosaray pangulo yo tan saray opisyal yo, saray lalaki yo,

Deuteronomio 29:10 Referans Kwoze

Puyan 20:12

Anengneng ko met a manalalagey ed arap na trono iray inaatey, atagey man o abeba ed kipapasen. Alokasan iray libro, insan alokasan niy sakey a libro—say libro na bilay. Saray inaatey asintinsiaan ira onung ed saray ginagawa ra a nisulat ed saramay libro.

Puyan 6:15

Insan inmaamut ed ongiongib tan diad silong na saray ankakabaleg a batod palandey iray ararid tapew na dalin, saray manoley, saray opisyal na sondalo, saray mayayaman, saray makapanyari, tan amin da ray arum a totoo—aripen man ira o andi.

Nehemias 10:28

Sikamin totood Israel, saray papari, saray Levita, saray guardiad Timplo, saray tumutogtog tan saray kumakanta ed Timplo, saray kumikimey ed Timplo, tan saray arum a diad panangonur ed Ganggan na Dios et imbiig day sikaran dili ed saray sangkailin manaayam ed dalin mi, sikami tan saray kaasawaan mi tan amin da ray anak min wala lay pakatalus,

Nehemias 9:38

Lapud sayan amin ya agawa, sikamin totood Israel, et nanggawa kami na malet a paknaan ya insulat tan pinirmaan na saray pangulo mi, saray Levita mi, tan saray papari mi.

Nehemias 8:2

Inala nen Esdras insan to inyakar ed nantitiponan na saray totoo—lalaki, bibii, tan ogogaw a nayarian da lay ontalus.

2 Saray Awaran 23:16

Si Joiada a pari impikasakey tod sikato so ari tan saray totoo diad impisipanan to a magmaliw iran totoo na Katawan.

Deuteronomio 4:10

so nipaakar ed samay agew na impanalagey yo ed arap na Katawan a Dios yo diad Palandey na Sinai nen inkuantod siak, ‘Tipon mo ray totoo. Labay kon narengel day labay kon ibaga, pian naaralan day ontoluk ed siak legay pambilay da tan nibangat dan ontoluk met ed siak iray anak da.’

Deuteronomio 29:9

Pampelengan yon onuren iray yan amin a pasusumpal na sayan sipanan, pian onaligwas kayod amin a gawaen yo.

Deuteronomio 29:11

saray bibii, saray anak yo, tan saray sangkailin manaayam ed kawalaan yo a managala ray itotongo tan managasul iray danum yo.

Josue 8:35

Balang sakey ed saray ganggan nen Moises et imbasa ra nen Josue ed amin a nantitipon a totoo, pati saray bibii tan saray ogogaw, ontan met ed saray taga arum a bansa a manaayam ed kawalaan da.

Josue 9:21

Abuloyan yo ran mambilay, balet nepeg ya ikiewan tan iyasolan da itayo.” Sikatoya so imbaga na saramay pangulo.

1 Samuel 3:21

Intuloy na Katawan ya ipaamta so sikaton dili ed Silo, a dimay pinayawaran tan akisalitaan tod kinen Samuel. Tan no mansalitay Samuel ondengel ya amin iray Israelita.

1 Samuel 4:1

Diad saman a panaon, nantitipon iray Filisteo a mibakal ed saray totood Israel, kanyan namparaan iray Israelita. Saray Israelita nankampo ra ed Ebenezer tan saray Filisteo diad Afec.

2 Saray Awaran 20:13

Amin da ray lalaki ed Juda, pati saray kaasawaan tan saray anak da, et manalalagey irad man ed arap na Timplo.