Deuteronomio 29:1 - Maung A Balita Biblia

¹ Diad impisipanan na Katawan saraya so ingganggan to ed kinen Moises ya ipasumpal ed saray Israelita nen wala rad dalin na Moab; amin da ra ya et kaaruman na samay impisipanan na Katawan ed sikara diad Palandey na Sinai.

Maung a Balita Biblia

¹ Diad impisipanan na Katawan saraya so ingganggan to ed kinen Moises ya ipasumpal ed saray Israelita nen wala rad dalin na Moab; amin da ra ya et kaaruman na samay impisipanan na Katawan ed sikara diad Palandey na Sinai.

Deuteronomio 29:1 Referans Kwoze

Saray Hebreo 8:9

Aliwan singa saya may impisipanan kod saray lalaki ra, nen agew ya intabin ko ran impaway ed Egipto. Aliwa ran matoor ed impisipanan kod sikara, kanyan pinaolyan ko ra.

Jeremias 31:32

Aliwan singa samay impisipanan kod saray lalaki ra nen intabin ko ran impaway ed Egipto. Aliwa ran matoor ed saman a sipanan, anggaman ya alimbawak so sakey ya asawan laki ed sikara.

2 Saray Arari 23:3

Nanalagey ed abay na lusek a para ari, insan akisipanan ed Katawan ya onuren toy Katawan, sumpalen to diad intiron puso tan kamarerwa to iray ganggan tan bilin to, tan gawaen to iray kakaukolan na sipanan onung na nisulat ed samay libro. Insipan met na amin a totoo a sumpalen da so sipanan.

Saray Gawgawa 3:25

Para sikayo ray insipan na Dios diad panamegley da ray propita, tan mibibiang ki met ed sipanan a ginaway Dios tan saray lalaki yo. Onung na inkuay Dios ed kinen Abraham, ‘Bindisionan koy amin a katoowad mundo diad panamegley na saray kabyangay boleg mo!’

Jeremias 34:18

Saray opisyal ed Juda tan Jerusalem, pati saray opisyal ed palasio, saray papari, tan amin a pangulo et akisipanan irad siak diad panamegley na indalan dad nanleetan na pinaldua ran bakan kalakyan. Balet dineral da may sipanan, ta ag da inonur iray nepeg dan gawaen onung ed impisipanan da. Kanyan gawaen kod sarayan totoo so singa samay ginawa rad baka.

Jeremias 11:6

Insan inkuan na Katawan ed siak, “Lakad saray siudad na Juda tan diad saray dalan na Jerusalem. Ibawag mod man iray salitak, tan ibagam ed saray totood man ya ondengel irad ibabagay sipanan tan onuren da.

Jeremias 11:2

“Dengel mo ra yan ibabaga na sayan sipanan. Ibagam ed saray totood Juda tan saray taga Jerusalem,

Deuteronomio 29:25

Et say ebat saya, ‘Say makasengeg et lapud dineral na saray totoo so impisipanan ed sikara na Katawan, say Dios na saray lalaki ra, nen impaway to rad Egipto.

Deuteronomio 29:21

Say Katawan pagmaliwen ton sakey a panmarmaran da ray amin a kabyangay amin a tribu na Israel tan ipelag tod sikato so deral onung ed amin da ray samban nikorit ed sipanan a nisulat ed sayan libro na saray bangat na Katawan.

Deuteronomio 29:12

Wadya kayo natan ya onabubon ed sayan pisipanan ed sikayo na Katawan a Dios yo tan mangawat na saray susumpalen a nipaakar ed sayan sipanan,

Deuteronomio 4:23

Manalwar kayo ta ompan nalingoanan yo so impisipanan ed sikayo na Katawan a Dios yo. Onur yoy ganggan to ya ag kayo manggagawa na antokaman a talintaoy dios,

Deuteronomio 4:10

so nipaakar ed samay agew na impanalagey yo ed arap na Katawan a Dios yo diad Palandey na Sinai nen inkuantod siak, ‘Tipon mo ray totoo. Labay kon narengel day labay kon ibaga, pian naaralan day ontoluk ed siak legay pambilay da tan nibangat dan ontoluk met ed siak iray anak da.’

Deuteronomio 4:13

Imbaga tod sikayo so nepeg yon gawaen pian nasumpal yo so impisipanan tod sikayo—nepeg yon onuren so Samploran Ganggan ya insulat tod duaran tapyak a bato.

Levitico 26:46

Amin da ra ya et sikaray ganggan tan bilin ya inter na Katawan ed kinen Moises diad tagey na Palandey na Sinai; nepeg ira yan onuren na saray totood Israel.

Levitico 27:34

Sikara yay ganggan ya inter na Katawan ed kinen Moises diad tagey na Palandey na Sinai; nepeg ira yan onuren na saray totood Israel.

Deuteronomio 28:68

Say Katawan papawilen to kayod Egipto ya akalogan ed saray bapor, anggaman ya imbaga ton ag kayo lad man ompawil. Salien yon ilakoy sikayon dili ya ariripen na saray kalaban yo, balet anggapoy malabay a manaliw ed sikayo.”

Deuteronomio 29:2

Impantitipon nen Moises iray amin a totood Israel tan kuantod sikara, “Anengneng yon dili so ginawa na Katawan ed ari na Egipto, saray opisyal to, tan diad intiron bansa.

Deuteronomio 1:1

Wadyad sayan libro iray sinalita nen Moises ed saray totood Israel nen wala rad kalawakan a nibokig na Ilog na Jordan. Diad saman a panaon wala rad Patar na Jordan ya asingger ed Suf, diad nanleetan na baley na Paran ed sakey a dapag tan saray baley na Tofel, Laban, Hazerot, tan Dizahab diad sananey a dapag. (

1 Samuel 12:24

Takotan yoy Katawan, tan matoor so panlingkur yod sikato diad intiron puso yo. Ag yo lilingwanan iray makapakelaw a ginagawa ton para sikayo.

Saray Salmo 105:27

Ginagawa ray makapanyarin gawgawa na Dios tan nanggagawa ray milagro ed Egipto.