Deuteronomio 28:8 - Maung A Balita Biblia

⁸ “Say Katawan a Dios yo bindisionan toy kimey yo tan panoen to na ilik iray pananginan yo. Bindisionan to kayo ed dalin ya iiter tod sikayo.

Maung a Balita Biblia

⁸ Say Katawan a Dios yo bindisionan toy kimey yo tan panoen to na ilik iray pananginan yo. Bindisionan to kayo ed dalin ya iiter tod sikayo.

Deuteronomio 28:8 Referans Kwoze

Deuteronomio 15:10

Mabolbolus sirin ya itdan yo, et say Katawan bindisionan to kayo ed amin a gawaen yo.

Levitico 26:10

Diad karakel na anien yo sakey taon ya abastoen yo; ibantak yod satan so ombak a trigo yo, tan pambilay yo lay balo.

Saray Salmo 133:3

Singa linaew ed Palandey na Hermon, ya ompepelag ed kapokdulan na Sion. Diman so angisipanay Katawan na bindision to, say bilay a mansiansian anggad angga.

Lucas 12:18

A, amtak lay gawaen ko! Gebaen kon amin iray kamalir ko, insan ak mamaalagey na lalon ankabaleg a panginan koy amin ya ilik ko tan saray arum a kayaryan ko.

Mateo 6:26

Imano yo pa ray manok ed tagey. Ag ira mantatanem, ni manaani, ni mantitipon ed kamalir na nakan. Anggaman ontan, papakanen iray Ama yon walad tawen. Ag kayo ta mamabli nen saray manok?

Saray Salmo 42:8

Say Katawan ipanengneng to komun no agew so ag mangoman a panangaro to, pian makapankanta ak no labi, kantan pampikasik ed Dios na bilay ko.

Levitico 25:21

Say Katawan bindisionan toy dalin diad kumanem a taon pian magenap a pambilay a duay taon so iter ton tagano.

Aggeo 2:19

Anggaman ya anggapoy atilak ya ilik na trigo, tan ag ni nambunga iray ubas, igos, granada, tan oliba, balet bindisionan ta kayo.”

Saray Salmo 144:13

Napano komun iray kamalir mi na amin a bungay tanaman. Libo-libo komuy iyanak na saray karniro ed kaalogan mi.

2 Saray Arari 6:27

Inmebat so ari, “No ag ka tulongan na Katawan, antoy niiter kod sika? Wala sirin so trigok o alak ko?

Mateo 13:30

Paolyan yon mambansag iran ontuboy trigo tan dika ya anggad panagani. Ibagak ed saray manani ed satan ya onaen dan baguten iray dika tan balkuten da ran ibantak ed apoy, insan da anien iray trigo tan ikarga da rad kamalir.’”

Saray Salmo 44:4

Sikay arik tan Dios ko; panataloen mo ray totoom,

Deuteronomio 15:4

“Say Katawan a Dios yo et bindisionan to kayo ed dalin ya iiter tod sikayo. Anggapoy anggan sakey a too yo so magmaliw a mairap so bilay to

Deuteronomio 28:7

“Say Katawan taloen to ray kalaban yo no dogpaan da kayo. Dogpaan da kayo ed sakey a dapag, balet ibatikan da kayod amin a dapag.

Deuteronomio 28:20

“No manggawa kayoy kaogsan tan ipolisay yoy Katawan ipadalan tod sikayo so deral, gewgew, tan gunigon ed amin a gawaen yo, ya anggad sigput tan masiglat kayon naoput.

Deuteronomio 14:29

Para saray Levita yan kakanen, bangta anggapoy kayaryan dan dili; ontan met, sayan kakanen et para saray sangkaili, saray olila, tan saray balo a manaayam irad saray baley yo. Nepeg ya ondago ran mangalay nakaukolan da. Gawa yoy onya, et say Katawan a Dios yo bindisionan to kayo ed amin a gawaen yo.

Saray Salmo 1:3

Aliling toy kiew a nitanem ed abay na managos a danum; mambubunga no panaon to tan ag namamagaan iray bolung to. Onaaligwas iray amin a gagawaen to.

Saray Salmo 128:2

Pambilay moy bunga na nanlingetan mo; manliket tan onaligwas ka.