Deuteronomio 28:65 - Maung A Balita Biblia

⁶⁵ Ag diman manarid sikayo so kareenan, tan anggapoy pasen a nayarian yon tawagen a kayaryan yo; say Katawan tabonan to kayo na kapagaan, kaandiay ilalo, tan kaermenan.

Maung a Balita Biblia

⁶⁵ Ag diman manarid sikayo so kareenan, tan anggapoy pasen a nayarian yon tawagen a kayaryan yo; say Katawan tabonan to kayo na kapagaan, kaandiay ilalo, tan kaermenan.

Deuteronomio 28:65 Referans Kwoze

Levitico 26:36

“Pagmaliwen ta kayon mapalalon matakot, sikayon nibantak ed arum a bansa, kanyan anggan diad kalasakas labat na bolung ombatik ki la. Ombatik kayon singa oosilan ed bakal tan natumba kayo, anggan anggapoy kalaban ed abay yo.

Saray Taga Roma 11:10

Nabilongetan komuy mata ra, pian ag ira makanengneng, tan anggad angga komun a bokuten iray kairapan.”

Amos 9:4

No nadakep ira na saray kalaban da, iganggan kon pateyen da ra. Ginetmak lan deralen, aliwan tulongan ira.”

Levitico 26:16

dusaen ta kayo. Ipadalan kod sikayoy deral—saray ag natambal a sakit tan say petang na laman a mamulag ed sikayo tan kalkalnan ton oyusey bilay yo. Mantanem kayo balet anggapoy nagonggona yo, ta saray kalaban yo so mangalad saray intanem yo.

Genesis 8:9

Balet lapud wala niy danum ed intiron dalin, anggapoy natoonan to may malapati. Kanyan pinmawil ed biong, siningkat nen Noe tan inloob to lamet.

Lucas 21:26

Patey-pateyan iray totood takot da diad panalagar dad kairapan ya onsabid sankamundoan, ta ag natombuk na saray pakayarid liwang so gendat a kinaoksuy da.

Mateo 24:8

Balet sarayan amin et gapo ra labat na kairapan, a singa onaan a pasakit na malokun.

Habacuc 3:16

Narerengel ko ra yan amin, et manggiwgiw ak; manggigiwgiw ed takot iray bibil ko. Paligpalig so laman ko, mankitakit iray salik. Mandeen ak a manalagar ed isabiy panaon a dusaen na Dios iray ondodogpad sikami.

Saray Tagleey 3:65

Isambam pa ra tan itdan mo pa ra na anawet a puso!

Isaias 65:14

Mankanta rad liket, balet manakis kayo lapud sakit na pagew.

Isaias 57:21

Anggapoy kareenan da ray makasalanan,” kuay Katawan.

Isaias 51:17

Jerusalem, liing ka! Molagat ka tan bangon ka! Inminom kad kupa na dusa a diad pasnuk na Katawan et inter tod sikan inomen mo; ininom mo, et nampadongilngil ed sika.

Deuteronomio 28:66

Magmaliw a maatap lawas so bilay yo. Agew-labin manarid sikayoy takot, tan lawas mambilay kayod takot ed patey.

Say Libro nen Job 11:20

Balet saray maoges a totoo onnengneng irad kaliber-liber da, et anggapoy napaliisan da. Patey labat so iilaloan da.

Saray Tagleey 1:3

Saray totood Juda et pangaskasiyan iran aripen; apasoot iran manlingkur ed arawi. Manaayam irad saray sananey a dalin; anggapoy pasen a natawag dan kayaryan. Ag ira makabatik, lapud alakub ira na saray kalaban.

Saray Tagleey 5:17

Ambelat so pagew mi lapud saya tan binmilonget so pakanengneng mi,