Deuteronomio 28:58 - Maung A Balita Biblia

⁵⁸ “No ag yo pampelengan ya onuren iray amin a bangat na Dios a nisulat ed sayan libro tan no ag yo pagalangan so makapakelaw tan makapataktakot a ngaran na Katawan a Dios yo,

Maung a Balita Biblia

⁵⁸ No ag yo pampelengan ya onuren iray amin a bangat na Dios a nisulat ed sayan libro tan no ag yo pagalangan so makapakelaw tan makapataktakot a ngaran na Katawan a Dios yo,

Deuteronomio 28:58 Referans Kwoze

Isaias 42:8

“Yahweh so ngaran ko, Anggapoy arum a dios a makapibiang ed kagalangan ko; ag ko abuloyan a makapibiang iray talintaoy diriyos ed dayew ko.

Mateo 10:28

Ag yo tatakotan iray mamatey na laman ya ag da balet napatey so kamarerwa. Say Dios so takotan yo, ta nayarian ton deralen ed impirno so kamarerwa tan laman.

Malakias 1:14

Sakey a samba lalaingen so niiter ed masaol a mangibabagat ed siak na andi-kakanaan ya ayep, anta walay marakep ya ayep ed saray kokomponien to ya insipan ton iter ed siak! Lapud sakey ak a matalonggaring ya ari, tan tatakotan ak na saray totood amin a bansa.”

Jeremias 5:12

Imbori na saray Israelita so Katawan. Inkuanda, “Anggapo lamlamang so gawaen to. Anggapoy kairapan ya onsabid sikatayo; ag itayo nadalan na bakal odino eras.”

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Saray Salmo 83:18

Naamtaan da komun a sika labat so Katawan say Sankatageyan a manoley ed sankamundoan.

Saray Salmo 72:19

Idayew yon anggad angga so mapagalang a ngaran to! Panoen komun na kagalangan to so intiron mundo! Amen! Amen!

Saray Salmo 50:7

“Dengel kayod ibagak, sikayon totook; mantasi ak sumpad sika, Israel. Siak so Dios, say Dios mo.

Nehemias 9:5

Saray onggendan a Levita tinawag dan mangigalang iray totoo: Jesua, Cadmiel, Bani, Hasabnias, Serebias, Hodias, Sebanias, tan Petahias. Inkuanda: “Alagey kayo tan idayew yoy Katawan a Dios yo; idayew yo ed ando lan ando! Idayew komun na balang sakey a too sa mapagalang a ngaran to, anggaman ya aliwan nagnap so panangigalang na too.”

Deuteronomio 28:15

“Balet no sumlangen yoy Katawan a Dios yo tan ag yo onuren iray amin a ganggan tan saray bilin to ya iiter tod sikayo natad sayan agew, amin da ra yan samba et nagawad sikayo:

Deuteronomio 6:13

Takotan yoy Katawan a Dios yo, sikato labat so igalang yo, tan mansipan kayo ed ngaran to labat.

Exodo 20:2

“Siak so Katawan a Dios yo ya angipaway ed sikayod Egipto ya akaaripenan yo.

Exodo 15:26

Inkuanto, “No sigput so pangonur yod siak a Katawan a Dios yo, tan gawaen yoy antokaman ya ipapasen kon matonung tan sumpalen yo ray ganggan ko, ag ta kayo dusaen na saray salot ya impadalan kod saray Egipsio. Siak so Katawan a mamapaabig ed sikayo.”

Deuteronomio 28:59

ipadalan tod sikayo tan saray kabyangay boleg yo so ag onabig a sakit tan makapataktakot a salot ya ag manonda.

Saray Salmo 48:10

Idadayew kay amin a katoowan ed inerman a pasen, tan say inkabantug mo lalaknaban toy intiron mundo. Matonung so panooley mo;

Saray Salmo 61:5

Nadngel mo ray sipan ko, O Dios, tan inter mod siak so tawir da ray mangigagalang ed sika.

Saray Salmo 99:3

Idayew na amin a katoowan so matalonggaring tan mapagalang a ngaran to. Sikatoy masanto!

Jeremias 5:22

Siak so Katawan; akin et ag yo ak takotan? Akin et ag kayo onggiwgiw ed arap ko? Impasen koy kabueran a ketegan na dayat, sakey a mansiansian ketegan ya ag to nalabsanan. Onsipwak iray daluyon to, balet ag to nalabsanan so kabueran; onungol iray daluyon to, balet ag to napalumbasan.

Saray Salmo 111:9

Imbolus to ray totoo to, tan andi-anggaan so impisipanan tod sikara. Sikatoy masanto tan makapanyari!