Deuteronomio 28:53 - Maung A Balita Biblia

⁵³ “No lolooban na saray kalaban yo iray baley yo, naandian kayoy nakan, kanyan kanen yo ray anggan saray anak ya inter ed sikayo na Katawan a Dios yo.

Maung a Balita Biblia

⁵³ No lolooban na saray kalaban yo iray baley yo, naandian kayoy nakan, kanyan kanen yo ray anggan saray anak ya inter ed sikayo na Katawan a Dios yo.

Deuteronomio 28:53 Referans Kwoze

Saray Tagleey 4:10

Makapataktakot so intaruk na desyang a sinmabi ed saray totook; inlalambung na saray maaron ina iray dilin anak da.

Saray Tagleey 2:20

Nengneng mo pa, O Katawan! Nengneng mo pa ray papairapen mo! Kakanen na saray bibii iray bangkay na saray anak dan inararo! Napapatey ed Timplo iray papari tan saray propita.

Jeremias 19:9

Lakoben na saray kalaban da yan siudad tan pateyen da ray totoo to. Makapasinagem a tuloy yan panlakob, kanyan saray totoo kanen da ray anggan anak da tan manaakanan ira.”

Levitico 26:29

Mapalaloy kaerasan yo kanyan kanen yo lay anggan saray dilin anak yo.

Ezekiel 5:10

Lapud sayan dusa, saray atateng ed Jerusalem kanen da ray anak da, tan saray anak kanen da ray atateng da. Dusaen ta kayo tan itaytayak kod anggan iner a pasen iray natilak a mabilay ed sikayo.

Mateo 24:19

Diad saratan ya agew, agaylay panirap da ray malokun tan saray walay anak nin mansususo!

Deuteronomio 28:18

“Say Katawan isamba to kayo diad pangiter tod sikayo na daiset ya anak, makapoy a bunga na saray tanaman, tan daiset a baka tan karniro.

Deuteronomio 28:54

Anggan say lakin masimpit tan galgalangen a pamilyay sengeg to et mapalaloy kaandian toy nakan legan a lolooban da ray boley yo, kanyan kanen toy pigara ed saray anak to lapud anggapo lay arum a nakan to. Ag to anggan itdan so agi to, odino say inaro ton asawa, odino siopaman ed saray nakdaan ya anak to.