Deuteronomio 28:52 - Maung A Balita Biblia

⁵² Dogpaan day amin a baley ed dalin ya iiter ed sikayo na Katawan a Dios yo, tan nageba ray atatagey a padir a panmamatalkan yo.

Maung a Balita Biblia

⁵² Dogpaan day amin a baley ed dalin ya iiter ed sikayo na Katawan a Dios yo, tan nageba ray atatagey a padir a panmamatalkan yo.

Deuteronomio 28:52 Referans Kwoze

Mateo 22:7

Mapalaloy pasnuk to may ari. Imbaki to ray sondalo to tan pinatey da met iray amatey ed saramay aripen, insan da pinoolay siudad da.

Zacarias 14:2

Pankakasakeyen na Katawan iray bansa a mibakal ed Jerusalem. Nadakep so siudad, nasamsaman iray kaabungan, tan napasoot iray bibii. Nibantak ed arum a bansa iray kapalduan totoo, balet ag nipaway ed siudad iray arum a totoo.

Zacarias 12:2

“Pagmaliwen kon singa kupa na alak so Jerusalem; oninom iray bansan walad kaliber-liber to et mandongilngil iran singa abuek. Et no lakoben day Jerusalem, lakoben da met iray arum a siudad na Juda.

Daniel 9:26

Diad kasamputan na sayan panaon napatey ya anggapoy kasalanan so pangulon pinili na Dios. Deralen na saray ondogpan sondalo na makapanyarin manoley so siudad tan say Timplo. Say kasamputan onsabin singa delap a taruk toy bakal tan deral ya imparaan na Dios.

Jeremias 37:8

Insan ompawil diad satan iray taga Babilonia, dogpaan da yan siudad, dakepen da, insan da poolan.

Jeremias 10:18

Say Katawan pataynanen to kayo lad sayan dalin; pasegsegangen to kayo ya anggad anggapoy natilak ed sikayo. Say Katawan so nansalita.

Isaias 62:8

Say Katawan sinambaan ton insipan, Tan lapud pakayari to sumpalen to yan sipan to: “Ag la magmaliw a tagano na saray kalaban yo iray bungay tanaman yo, Tan ag la inomen na saray sangkaili so alak yo.

Isaias 1:7

Nagmaliw ya apaolyan so bansa yo tan tinemek na apoy iray siudad yo. Sankanengneng yon sasakopen na saray taga arum a bansa so dalin yo tan dederalen day amin a bengatla.

2 Saray Arari 18:13

Nen kumalabinapat a taon na panooley nen Ari Ezekias, dinogpaan nen Senakerib iray aliber na padir a siudad na Juda tan adakep to ra.

Levitico 26:25

Ipadalan kod sikayoy bakal a panusak ed sikayo lapud impaneral yo ed impisipanan kod sikayo, tan no mamtitipon kayon onamut ed dalem na saray siudad yo ipadalan kod sikayoy salot, et napasoot kayon onsuko ed saray kalaban yo.

Deuteronomio 28:51

Kanen da ray ayayep yo tan saray bunga da ray tanaman yo, et ompatey kayod eras. Ag da kayo ikeraan na saray bungay tanaman yod alog, alak, larak na oliba, baka, odino karniro; et ompatey kayo.

2 Saray Arari 6:29

Kanyan inluto miy lakin anak ko tan kinan mi. Diad ontombuk ya agew imbagak ed sikaton kanen miy lakin anak to, balet inyamut to!”

Jeremias 10:17

Totood Jerusalem, lolooban da kayon dakepen. Ala yo ray kayaryan yo.

Saray Tagleey 2:2

Andi-panangasi a dineral na Katawan ya amin iray bario na Juda. Diad pasnuk to inggegeba to ray tirinsira na Juda. Impelag tod kababaingan so nanarian tan amin iray manoley to.