Deuteronomio 28:49 - Maung A Balita Biblia

⁴⁹ Say Katawan mangibaki na onsumpad sikayon sakey a bansan manlapud arawin dalin, ya ag yo amta so salita ray totoo to. Onsibar irad sikayon singa sakey ya agila.

Maung a Balita Biblia

⁴⁹ Say Katawan mangibaki na onsumpad sikayon sakey a bansan manlapud arawin dalin, ya ag yo amta so salita ray totoo to. Onsibar irad sikayon singa sakey ya agila.

Deuteronomio 28:49 Referans Kwoze

Saray Tagleey 4:19

Maples nen say agila ed liwang iray onoosil ed sikami. Inosilan da kamid kapalandeyan; tinambangan da kamid kalawakan.

Jeremias 49:22

Say kalaban dogpaan toy Bozra; singa agilan onsibar ya akabuskag iray payak to. Diad satan ya agew saray sondalo na Edom ontakot ira a singa biin mampapasakit.”

Jeremias 48:40

Say Katawan insipan to a sakey a bansa so onsibar a singa agila ed Moab ya akabuskag iray payak to,

Oseas 8:1

Say Katawan kuanto, “Paknul yoy trumpita! Singa agilan onsisibar ed dalin ko iray kalaban! Dineral na saray totook so impisipanan kod sikara tan sinumlang day ganggan ko.

Ezekiel 17:3

diad pangipaamtam ed sikara na ibabagak ed sikara, siak a Katawan a Dios: Walay sakey a balbaleg ya agila ya akabuskag so balibali tan balbaleg iran payak to. Tinmikyab ed Kapalandeyan na Libano tan inala ton pinoter so toktok na kiew a sidro.

Ezekiel 17:12

“Tepet mod sarayan mananumpan totoo no kasin amta ra so kabaliksan na samay alimbawa. Ibagam ed sikara a say ari na Babilonia et linmad Jerusalem tan inawit tod Babilonia so ari tan saray opisyal to.

1 CORINTO 14:21

Onyay walad Masanton Sulat, “Inkuay Katawan: mansalita ak ed sayan bansa, diad panamegley na totoon nandoromay salita ra, diad panamegley na saray bibil na totoon nanlapud arum a bansa. Anggaman ontan, ag da ak dengelen.”

Mateo 24:28

“No iner so kawalaay bangkay, diman so pandadagopan da ray buitri.”

Daniel 9:26

Diad kasamputan na sayan panaon napatey ya anggapoy kasalanan so pangulon pinili na Dios. Deralen na saray ondogpan sondalo na makapanyarin manoley so siudad tan say Timplo. Say kasamputan onsabin singa delap a taruk toy bakal tan deral ya imparaan na Dios.

Jeremias 4:13

Nengneng yo, onsasabin singa lorem so kalaban. Singa alimbusabos iray karwahi to; mabatik nen saray agila iray kabayo to. Pangaskasiyan iti la! Aderal itayo la!

Saray Bilang 24:24

Saray ondogpan manakep et manlapud rad Chipre; Dakepen da so Asiria tan Eber, Balet naderal ira met lamlamang ya anggad angga.”

Ezekiel 3:6

No ibaki ta kad saray ankakabaleg a bansan mansasalita na saray mairap a salitan ag mo natalusan, ondengel irad sika.

Genesis 11:7

Onakseb itayo tan pandoromaen tayoy salita ra, pian ag ira makapantatalusan.”

Saray Salmo 81:5

Ingganggan to ya ed saray totood Israel nen dinogpaan toy dalin na Egipto. Narerengel koy bosis ya ag ko kabat a kuanto,

Probirbio 30:19

say agilan mantiktikyab ed tawen, say oleg a maniilas ed tapew na baton-dampay, say bapor a mankukurang ed tapew na dayat, tan say paniinarowan na laki tan bii.

Isaias 7:18

“No onsabi tan a panaon, say Katawan ngisiwan to ray sondalon Egipsio, et onsabi ran singa saray amayamay ya apangat a manlapud sanka-arawian a sangasangay Ilog na Nilo. Ngisiwan to met iray sondalon Asiria, et onsabi ran singa saray bayaung a manlapud dalin da.

Isaias 33:19

Anggapo lay nanengneng yon mapaatagey a sangkailin mansalitay ag yo natalusan.

Isaias 39:3

Insan linmay propita Isaias ed kinen Ari Ezekias tan tinepet to, “Iner so nanlapwan na sarayan totoo tan antoy kuandad sika?” Inmebat si Ezekias, “Nanlapu rad Babilonia ya arawdawin bansa.”

Ezekiel 11:9

Ipaway ta kayod siudad tan ipalima ta kayod saray taga arum a bansa. Sinintinsiaan ta kayon ompatey,

Daniel 7:4

Say onona singa lion so nengneng to, balet wala ray payak to a singa saray payak na agila. Nen ombabantay ak, nakal ira may payak to. Niatagey imay ayep tan nipaalagey a singa too. Insan niiter ed sikato so kanunotan na too.