Deuteronomio 28:48 - Maung A Balita Biblia

⁴⁸ Kanyan sirin panlingkuran yo ray kalaban yo a say Katawan et ibaki to ran mibakal ed sikayo. Naerasan, naapgaan kayo, tan naandian kayoy ikawes—amin a nakaukolan yo. Pairapen kayon mapalalo na Katawan ya anggad ompatey kayo.

Maung a Balita Biblia

⁴⁸ Kanyan sirin panlingkuran yo ray kalaban yo a say Katawan et ibaki to ran mibakal ed sikayo. Naerasan, naapgaan kayo, tan naandian kayoy ikawesamin a nakaukolan yo. Pairapen kayon mapalalo na Katawan ya anggad ompatey kayo.

Deuteronomio 28:48 Referans Kwoze

Ezekiel 17:12

“Tepet mod sarayan mananumpan totoo no kasin amta ra so kabaliksan na samay alimbawa. Ibagam ed sikara a say ari na Babilonia et linmad Jerusalem tan inawit tod Babilonia so ari tan saray opisyal to.

Jeremias 44:27

Ag ta kayon balut paaligwasen; ingen, naderal kayo. Amin yon taga Juda a manaayam ed Egipto et ompatey ed bakal o diad salot, anggad anggapoy anggan sakey a nakeraan ed sikayo.

Jeremias 44:22

Diad sayan agew aderal-deral so dalin yo tan anggapoy manaayam. Nagmaliw a makapagiwgiw a nengnengen tan ikakana na saray totoo so ngaran to a sakey a samba, lapud ag la naanosan na Katawan so marotak tan maoges a gagawaen yo.

Mateo 11:29

Sakbat yoy pakok tan manaral kayod siak, ta mauyamo tan mapaabeba ak, et makapampainawa kayo.

Ezekiel 17:7

“Walay sakey nin balbaleg ya agila tan balbaleg met iray payak ton mabago-bago. Natan impaarap na samay sengeg na ubas ed sikato iray lamut to tan saray bolung to, ta ag la pigan dakel niy niiter ed sikaton danum na samay agila nen say samay danum a walad akaitaneman to.

Ezekiel 17:3

diad pangipaamtam ed sikara na ibabagak ed sikara, siak a Katawan a Dios: Walay sakey a balbaleg ya agila ya akabuskag so balibali tan balbaleg iran payak to. Tinmikyab ed Kapalandeyan na Libano tan inala ton pinoter so toktok na kiew a sidro.

Jeremias 17:4

Napasoot kayon mangikban na dalin ya inter kod sikayo. Pagmaliwen ta kayon aripen na saray kalaban yo diad dalin ya ag yo kabat, lapud say pasnuk ko et singa apoy, tan ondalang ya anggad angga.”

Jeremias 5:19

No tepeten da no akin et ginawak ira yan amin a bengatla, ibagam ed sikara, Jeremias, a no kaonungay impangikaindan dad Katawan tan impanlingkur dad saray diriyos da ray arum a bansa, ontan met so panlingkur dad saray totoo na bansa ya ag da dalin.”

Isaias 47:6

Akapasnuk ak ed saray totook; impasen kon ag ko la ra kayaryan: Impasilong ko rad pakayarim, et ag mo ra kinasian; anggan saray mamatakken pinairap mo ran tuloy.

2 Saray Awaran 12:8

Balet taloen ira nen Sisak, et naamtaan da so pandomaan na panlingkur ed siak tan say panlingkur ed saray mangaraldalin a manoley.”

Deuteronomio 32:24

Ompatey irad eras tan sakit a mapalalon petang; ompatey irad makapataktakot iran salot. Mangibaki ak na saray ayayep ed katakelan ya ondogpad sikara, tan saray nanditan oleg a mangetket ed sikara.

1 Saray Arari 8:33

“No atalo na saray kalaban da iray totoom ya Israelita lapud nankasalanan irad sika, insan ira ompawil ed sika tan mampikasi rad sika diad sayan Timplo, ta onkerew iray pirdona,

Saray Tagleey 4:4

Inabuloyan dan inaatey ed eras tan inkapgaan iray anak dan kapangyanak; mikekerew na nakan iray anak da, balet anggapoy mangiter ed sikara.

Ezekiel 23:29

Et lapud kabosul da ka, alaen da ray amin a nansagputan mo tan taynan da kan lakseb-labus a singa marotak a bii. Onyay pansumpalan mo,

Mikias 2:3

Kanyan say Katawan kuanto, “Mangyakar ak na deral ed sikayo tan ag yo ya nibatikan. Nagulo-gulo kayo, tan diad satan ag kayo la makapanakar a mataltalker so tenger yo.

Saray Tagleey 1:3

Saray totood Juda et pangaskasiyan iran aripen; apasoot iran manlingkur ed arawi. Manaayam irad saray sananey a dalin; anggapoy pasen a natawag dan kayaryan. Ag ira makabatik, lapud alakub ira na saray kalaban.

Saray Tagleey 1:14

“Inlista ton amin iray kasalanan ko, insan to ra binerber ya amin; Imbitin to ra ed beklew ko, et kinmapoy ak lapud saya. Impalima ak na Katawan ed saray kalaban ko, tan siak so sarasarag da.