Deuteronomio 28:45 - Maung A Balita Biblia

⁴⁵ “Onsabid sikayo ra yan kadederal, tan mansiansia rad sikayo ya anggad ompatey kayo, lapud ag yo inonur so Katawan a Dios yo tan ag yo sinumpal iray ganggan ya inter tod sikayo.

Maung a Balita Biblia

⁴⁵ Onsabid sikayo ra yan kadederal, tan mansiansia rad sikayo ya anggad ompatey kayo, lapud ag yo inonur so Katawan a Dios yo tan ag yo sinumpal iray ganggan ya inter tod sikayo.

Deuteronomio 28:45 Referans Kwoze

Deuteronomio 28:15

“Balet no sumlangen yoy Katawan a Dios yo tan ag yo onuren iray amin a ganggan tan saray bilin to ya iiter tod sikayo natad sayan agew, amin da ra yan samba et nagawad sikayo:

Isaias 1:20

Balet no ipolisay tan labanan yo ak, andi-duaruwan ompatey kayo. Siak, say Katawan, so nansalita.”

Ezekiel 14:21

Sikato ya so ibabaga na Katawan a Dios: “Mangipadalan ak na mapalalon dusa ed Jerusalem—bakal, eras, ayayep ed katakelan, tan salot—a maneral ed saray totoo tan saray ayayep.

Ezekiel 7:15

Peles lay laban ed saray dalan, tan wala lay salot tan eras ed kaabungan. Ompatey ed laban so siopaman a walad kaalogan; ompatey ed sakit tan eras so siopaman a walad siudad.

Probirbio 13:21

Tombutombuk ed anggan iner so gunigon ed saray makasalanan, balet natumangan na saray maung a bengatla iray matonung.

Saray Salmo 119:21

Pamapasnukan mo ray mapaatagey; nisamba ray onsusumlang ed saray ganggan mo.

2 Saray Arari 17:20

Impolisay na Katawan iray amin ya Israelita tan impalima to rad saray maruksan kalaban, ya anggad apataynan to ran amin ed arap to.

Deuteronomio 28:5

“Say Katawan bindisionan to ray trigo yo tan saray kakanen a ginawad trigo.

Levitico 26:28

sumpaen ta kayod pasnuk ko tan mamimpito nin belat so iyarum ko lamet ed dusa yo lapud saray kasalanan yo.

Genesis 19:13

ta deralen mi yan lugar. Nadngel na Katawan iray makapataktakot a dalem a sumpad sarayan totoo, kanyan imbaki to kamin maneral ed Sodoma.”

Deuteronomio 4:25

“Anggan abaybayag kayo lan manaayam ed saman a dalin tan awalaan kayo la na saray anak tan apo, ag kayo mankakasalanan diad panggawa yoy antokaman a talintaoy dios. Maoges ya ed arap na Katawan, tan sikatoy makasengeg na pampasnuk to.

Deuteronomio 4:26

Nitan so tawen tan say dalin a sikara natan so mantasi sumpad sikayo a no ag yo ak onuren, ag mabayag naandipat kayod dalin. Ag kayo mambayag a manayam ed dalin ed nibaliw na Jordan a ngalngali yo la napanayaman. Sigput kayon napatey.