Deuteronomio 28:43 - Maung A Balita Biblia

⁴³ “Saray sangkailin manayam ed dalin yo et ombiskeg lan ombiskeg so pakayari ra, balet onkapoy lan onkapoy so pakayari yo.

Maung a Balita Biblia

⁴³ Saray sangkailin manayam ed dalin yo et ombiskeg lan ombiskeg so pakayari ra, balet onkapoy lan onkapoy so pakayari yo.

Deuteronomio 28:43 Referans Kwoze

Deuteronomio 28:13

Say Katawan a Dios yo et pagmaliwen to kayon pangulo, aliwan mananombuk, na saray bansa; ag kayo onlereg no ag ta onaligwas kayo lawas no matoor yon onuren iray amin a ganggan to ya iiter kod sikayo natad sayan agew.

Juan 19:15

Inmeyag iray maksil, “Patey mo! Patey mo! Ipasak mod krus!” Inkuanen Pilato ed sikara, “Anto, ipasak kod krus so ari yo?” Inmebat iray manonan papari, “Anggapoy arum ya ari mi no ag say Impirador labat!”

Juan 18:31

Inkuanen Pilato, “Awit yo la tan sintinsiaan yo, onung ed ganggan yo.” Saray Judio kuanda, “Sebel ed sikami so mamatey na anggan siopa.”

2 Saray Arari 17:23

ya anggad pinataynan na Katawan irad arap to onung na sinalita to diad panamegley na saray aripen ton propita. Kanyan niakar ya adakep ed Asiria iray Israelita, a dimay panaayaman da ni ya anggad natan.

2 Saray Arari 17:20

Impolisay na Katawan iray amin ya Israelita tan impalima to rad saray maruksan kalaban, ya anggad apataynan to ran amin ed arap to.

Saray Huis 14:4

Ag amta na saramay ateng nen Samson a say Katawan so mangiwawanwan ed sikato ed sayan gagawaen to, ta say Katawan et manaanap na pankanawnawan nalabanan to ray Filisteo. Diad sayan panaon ooleyan na saray Filisteo so Israel.

Saray Huis 2:3

Kanyan ibabagak ed sikayo natan ya ag ko pataynanen ira yan totoo legan yon mankukurang. Magmaliw iran kalaban yo, tan napatitan kayo ed pangigalang ed saray diriyos da.”

Saray Huis 6:6

et ag makalaban ed sikara iray Israelita.

Saray Salmo 79:8

Ag mo kami pa dudusaen lapud saray kasalanan da ray lalaki mi. Kasian mo kami pa natan; naandi lan amiy ilalo mi.

Saray Tagleey 2:17

Sinumpal na Katawan so ginetma ton gawaen; Dineral to itayon andi-panangasi onung na abayag to lan impasakbay a gawaen. Impanalo to ray kalaban tayo, tan pinaliket to rad inkatalo tayo.

Saray Tagleey 1:5

Nampalabo ray kalaban to; sikato lay walad silong na pakayari ra. Paniirapen na Katawan, lapud amin ya amayamay a kasalanan to; Anggan saray ogogaw adakep ira tan sikaray inaawit na kalaban da.