Deuteronomio 28:41 - Maung A Balita Biblia

⁴¹ Nawalaan kayo na saray anak a lalaki tan bibii, balet naandi rad arap yo, lapud nadakep irad bakal.

Maung a Balita Biblia

⁴¹ Nawalaan kayo na saray anak a lalaki tan bibii, balet naandi rad arap yo, lapud nadakep irad bakal.

Deuteronomio 28:41 Referans Kwoze

Deuteronomio 28:32

Sankanengneng yon niiter ya ed saray sangkaili iray anak yon lalaki tan bibii. Inagew-agew ya onagasang so mata yod pannengneng yod ipawil na saray anak yo, balet ta ag la ra ompawil.

Saray Tagleey 1:5

Nampalabo ray kalaban to; sikato lay walad silong na pakayari ra. Paniirapen na Katawan, lapud amin ya amayamay a kasalanan to; Anggan saray ogogaw adakep ira tan sikaray inaawit na kalaban da.

2 Saray Arari 24:14

Inawit ton priso iray totoo ed Jerusalem, amin da ray opisyal na ari, tan amin a manonan totoo; samplon libo ran amin. Intaruk to met ya amin iray maung a kumikimey, pati saray pumapanday; intilak to labat ed Juda iray totoon sankamairapan ed bilay.

2 Saray Awaran 28:8

Anggaman a kadalaan da ray totoo na Juda saray totoo na Israel dinakep da so duanlasus libo a bibii tan ogogaw tan insempet da ra ed Samaria, a pati amayamay a bengatlan asamsam da.

Saray Tagleey 1:18

“Maptek so Katawan, ta sinumlang ko ray salita to. Dengel yo ak, totood inerman a pasen; nengneng yoy paniirap ko. Nalan priso iray tobun-balon bibii tan lalaki.

Isaias 65:23

Onaligwas so antokaman a kimeyan da, tan ag nadalan na segsegang iray anak da. Bindisionan ko ra tan amin da ray kabyangay boleg da ed amin a panaon ya onsabi.

Daniel 1:3

Ingganggan na ari si Aspenaz, say manonan opisyal to, a mamilid saray adakep ya Israelita na pigaran lalakin tobun-balon kabyangan na pamilyay ari tan saray pamilyan gagalangen ed baley.

Mikias 1:16

Sikayo ran totood Juda, katlian yo ray buek yo diad pangipanengneng yoy kaermenan yo, lapud saray inararo yon anak. Kiskisan yoy kaolowan yo a singa saray buitri, lapud naalad sikayo ray anak yo tan nibantak irad arum a bansa.