Deuteronomio 28:30 - Maung A Balita Biblia

³⁰ “Misipanan kayon mangasawa—balet sananey iray mangikasal ed sikara. Mamaalagey kayo na abung, balet ag yo napanayaman. Mantanem kayo na ubas, balet ag yo natawayan so bunga to.

Maung a Balita Biblia

³⁰ Misipanan kayon mangasawabalet sananey iray mangikasal ed sikara. Mamaalagey kayo na abung, balet ag yo napanayaman. Mantanem kayo na ubas, balet ag yo natawayan so bunga to.

Deuteronomio 28:30 Referans Kwoze

Amos 5:11

Pinapairap yo ray mairap-bilay tan tinatakew yo ray trigo ra. Kanyan ag kayo manayam ed saray marakep a binaton abung ya ipapaalagey yo odino oninom ed alak a manlapud saray mararakep ya ubas ya itatanem yo.

Jeremias 8:10

Kanyan iter kod arum a lalaki so kaasawaan da, tan saray kaalogan da iter ko met ed saray arum ya akankien. Balang sakey, abeba may atagey so kipapasen, mansasaol ed panaanap toy kuarta; anggan saray propita tan saray papari et sasaolen da ray totoo.

Say Libro nen Job 31:10

mamparaan komun so asawak na kanen na sananey a laki tan miogip ed dokulan na sananey a laki.

Sofonias 1:13

Nasamsam iray kayamanan da tan naderal iray kaabungan da. Ag iran balut makapanayam ed abung ya ipapaalagey da odino natawayan so alak a manlapud itatanem dan kaubasan.”

Mikias 6:15

Isibwag yo ray bokel, balet ag yo naani ray bunga ra. Mampespes kayo na larak ed bungay oliba, balet ag yo nikana so larak. Manggawa kayo na alak, balet ag yo ra nainom.

Oseas 4:2

Mansisipan iray totoo, balet ag da lamlamang totooren; mantitila ra, mampapatey iray totoo, mantatakew ira, tan mankakalugoran ira. Mandakel so nagagawan krimin, tan mantotombukay panagpatey na too.

Saray Tagleey 5:2

Walad lima na saray taga arum a bansa iray kayaryan mi; manaayam ed kaabungan mi iray totoon sangkaili.

Jeremias 12:13

Nantanem na trigo iray totook, balet kasabitan so naani ra; pinasyay impankimey da, balet anggapoy agunggona ra. Lapud mapalalon pasnuk ko ag nambunga ray tantanaman da.”

Say Libro nen Job 3:18

Kareenan met lay niwalad saray anggan priso, ag la ra naingal-ingalan tan nigangganggan.

Deuteronomio 28:31

Napatas ed arap yo ray baka yo, balet ag yo natawayan so karni ra. Sankanengneng yon nigayugoy iray asno, balet ag la ra nipawil ed sikayo. Niiter ed saray kalaban yo iray karniro yo, balet anggapoy siopaman ya ontulong ed sikayo.

2 Samuel 12:11

Tandaan mo, dagdagen ko a manngunigon ed sika so sakey a kabyangay pamilyam. Naimatunan mo ya, no alaen ko ray asawam insan ko ra iter ed sakey a laki; akdulan to ra ya anggan agew.

Jeremias 6:12

Niiter ed saray arum iray kaabungan da; ontan met ed saray kaalogan da tan saray kaasawaan da. Dusaen ko ray totoo ed sayan dalin.

Say Libro nen Job 20:18

Nakaukolan ya ipawil to ray amin a nanlingetan to; anggapoy pankanawnawa ton manliket ed kayamanan to,

Isaias 62:8

Say Katawan sinambaan ton insipan, Tan lapud pakayari to sumpalen to yan sipan to: “Ag la magmaliw a tagano na saray kalaban yo iray bungay tanaman yo, Tan ag la inomen na saray sangkaili so alak yo.

Saray Tagleey 5:11

Diad dilin Palandey na Sion apasoot iray kaasawaan mi; diad saray bario na Juda nalnalay inkabii da ray mamarikit mi.

Habacuc 3:17

Anggan anggapoy bungay igos tan saray kaubasan, anggan anggapoy naborbor ed kaolibaan tan anggapoy naanid kaalogan, anggan ompatey ya amin iray karniro tan naandian na baka iray koral,