Deuteronomio 28:29 - Maung A Balita Biblia

²⁹ Anggan agew karapkarap kayo a singa toon bulag, et ag yo natonton so laen yo. Ag kayo onaligwas ed antokaman a gawaen yo. Napairap kayo tan natakewan kayo lawas, et anggapoy siopaman ya ontulong ed sikayo.

Maung a Balita Biblia

²⁹ Anggan agew karapkarap kayo a singa toon bulag, et ag yo natonton so laen yo. Ag kayo onaligwas ed antokaman a gawaen yo. Napairap kayo tan natakewan kayo lawas, et anggapoy siopaman ya ontulong ed sikayo.

Deuteronomio 28:29 Referans Kwoze

Isaias 59:10

tan solingsoling itayon singa tayo bulag. Nipapatakba itayo anggan kagkaagwan; singa itayo manaakar ed labi, singa tayo walad ambilonget a pasen a panaayaman da ray inaatey.

Say Libro nen Job 5:14

anggan diad kagkaagwan karapkarap irad kabilongetan.

Saray Huis 13:1

Nankasalanan lamet ed Katawan iray Israelita, kanyan inyabuloy ton apataploy taon ya inoleyan na saray Filisteo iray Israelita.

Saray Huis 10:8

Labinwaloy taon a pinapairap tan pinapasegsegang da ray amin ya Israelitan manaayam ed bansa na saray Amorreo diad bokig na Ilog na Jordan diad Galaad.

Saray Huis 3:14

Labinwaloy taon a walad silong na pakaoley nen Eglon iray Israelita.

Saray Taga Roma 11:25

Agagi, walay sakey a niamut a katwaan a labay kon ipaamtad sikayo, pian ag yo ipasen a makabkabat kayo. Say inkaawet na puso da ray Israelita et mansamput la no inmasingger lad Dios so nagnap a bilang da ray Hintil.

Saray Gawgawa 21:24

Mila kad sikara tan gawa yoy panaglinis ya onung ed Ganggan, tan ibayaran mo met ira, pian makapampapoklis ira. Diad ontan, nakabatay amin a totoo ya aliwan tuay nadngelan dan nipaakar ed sika, no ag ta susumpalen mo met manayay Ganggan nen Moises.

Sofonias 1:17

Say Katawan kuanto, “Iyakar ko yan deral ed saray katoowan, pian balang sakey et kumarapas a singa bulag. Nankasalanan irad siak, kanyan natan naibung a singa danum so dala ra, kitongilang a naboboluk ed dalin iray bangkay da.”

Saray Tagleey 5:17

Ambelat so pagew mi lapud saya tan binmilonget so pakanengneng mi,

Saray Tagleey 5:8

Ooleyan kami na saray totoon anggapoy pidomaan dad saray aripen, anggapoy mangyagel ed sikami ed pakaoley da.

Say Libro nen Job 12:25

karapkarap irad kabilongetan tan mandongilngil iran singa abuek.

Nehemias 9:37

Saray bungay dalin oonla rad saray arari ya inter mo ran manoley ed sikami lapud impankasalanan mi. Gagawaen dad sikami tan saray ayayep mi so labalabay da, kanyan sigput kamin pangaskasiyan!”

Genesis 19:11

Insan da binulag ira may amin a lalakin walad paway, kanyan ag da napogta so puirta.

Exodo 10:21

Insan inkuan na Katawan ed kinen Moises, “Itorom ed tawen so limam, et nakobutan na mapalalon bilonget so intiron dalin na Egipto, a diad kinabilonget to nalikna na katoowan.”

Deuteronomio 28:28

Say Katawan ekalan to kayoy kalakal; bulagen to kayo tan gewgewen to kayo.

Jeremias 9:19

Dengel moy panaakisan da ray totoo ed Sion: “Aderal-deral itayo! Sigput a naplag itayod kababaingan! Nepeg tin taynan so dalin tayo; aderal-deral tan atumtumba iray kaabungan tayo.”

Saray Tagleey 4:14

Singa bulag a nanakar-akar ed dalan iray pangulo to, naames iray dala, kanyan anggapoy malabay a maniwit ed sikara.