Deuteronomio 28:27 - Maung A Balita Biblia

²⁷ Say Katawan paletawen toy pelsa ed laman yo, a singa samay ginawa tod saray Egipsio. Nagiri so intiron laman yo. Napanoy kegang so laman yo, onggatel ya amiy baog yo, balet ag kayo onabig.

Maung a Balita Biblia

²⁷ Say Katawan paletawen toy pelsa ed laman yo, a singa samay ginawa tod saray Egipsio. Nagiri so intiron laman yo. Napanoy kegang so laman yo, onggatel ya amiy baog yo, balet ag kayo onabig.

Deuteronomio 28:27 Referans Kwoze

1 Samuel 5:6

Mapalaloy impanusa na Katawan ed saray taga Asdod, tan pinatakot to ra. Dinusa to ra tan saray totood kaliber-liber dan pasen diad panamegley na inkapelpelsaan da.

Deuteronomio 28:35

Say Katawan limbosen to ray bikking tan olpo yo na ag onabig tan ansakit a giri; nalimbos kayo na pelsa, manlapud olo ya anggad sali.

Levitico 21:20

say toon bokut odino onano, say toon bulding odino walay sakit tod baog; tan anggan say toon kapon.

Exodo 15:26

Inkuanto, “No sigput so pangonur yod siak a Katawan a Dios yo, tan gawaen yoy antokaman ya ipapasen kon matonung tan sumpalen yo ray ganggan ko, ag ta kayo dusaen na saray salot ya impadalan kod saray Egipsio. Siak so Katawan a mamapaabig ed sikayo.”

Exodo 9:9

Onkayat ira yan singa pinon dabuk ed intiron dalin na Egipto, tan mangiter ira na mansayon pelsa ed saray katoowan tan diad saray ayayep ed inerman a pasen.”

Isaias 3:17

Balet dusaen ko ra—kiskisan koy olo ra tan paolyan ko ran tugo.”

Saray Salmo 78:66

Pinapoliktar to ray kalaban to; andi-anggaan tan makapabaing so inkatalo ra.

1 Samuel 5:12

Anggan saray totoon ag inatey et apelpelsaan ira, tan inmakis iran kinmerew na tulong ed saray diriyos da.

1 Samuel 5:9

Balet kasabi tod man, dinusa met na Katawan iman a siudad, tan ginewgew ton maung iray totood man. Dinusa to ra diad panamegley na inkapelpelsaan na amin a totood siudad, mamatakken man o mamalangwer.

Exodo 9:11

Ag ayarian na saramay managsalamangka so akiarapan ed kinen Moises, lapud napnoy laman da na pelsa a singa amin da ray arum ya Egipsio.

Deuteronomio 7:15

Say Katawan ipaliis to kayod antokaman a sakit, tan ag to ipadalan ed sikayo so antokaman a makapataktakot a salot a nilikna yod man ed Egipto, no ag ingen ipadalan to rad saray amin a kalaban yo.

Deuteronomio 28:28

Say Katawan ekalan to kayoy kalakal; bulagen to kayo tan gewgewen to kayo.

Amos 4:10

“Angyakar ak ed sikayo na salot a singa samay salot ya inyakar kod Egipto. Pinatey kod bakal iray lalakin tobun-balo yo tan inaalak iray kabayo yo. Banget na saray bangkay ed saray kampo yo so impapasingob kod sikayo. Balet siansia nin ag kayo pinmawil ed siak.

Exodo 9:10

Kanyan angala ray daiset a dapul tan nanalagey ira ed arap na ari; insibwag nen Moises ira may dapul ed tagey tan angiter ira na mansayon pelsa ed saray katoowan tan diad saray ayayep.