Deuteronomio 28:25 - Maung A Balita Biblia

²⁵ “Say Katawan ipatalo to kayod saray kalaban yo. Dogpaan yo rad sakey a dapag balet ibatikan yo rad amin a dapag, et diad ontan ontakot iray amin a katoowan ed intiron mundo no nanengneng day nagawad sikayo.

Maung a Balita Biblia

²⁵ Say Katawan ipatalo to kayod saray kalaban yo. Dogpaan yo rad sakey a dapag balet ibatikan yo rad amin a dapag, et diad ontan ontakot iray amin a katoowan ed intiron mundo no nanengneng day nagawad sikayo.

Deuteronomio 28:25 Referans Kwoze

Ezekiel 23:46

Sikato yay ibabaga na Katawan a Dios: “Mangyakar kayo na sakey ya olup na saray totoon maoges a manaktakot tan manamsam na kayamanan na sarayan bibii.

Isaias 30:17

Ombatik, so sanlibod sikayo no nanengneng yoy sakey a sondalon kalaban, et masarag lay limaran sondalo a mamabatik ed sikayon amin. Anggapoy natilak ed saray sondalo yo likud ed begbegtew a bandira ya akabitin ed sakey a tiken a walad tapew na pokdul.

Jeremias 24:9

Iyakar kod sikara yan deral pian ontakot iray amin a bansa ed mundo. Ludlureyen ira na saray totoo, sutil-sutilen da ra, balbalawen da ra, tan ikana ran sakey a samba so ngaran da anggan iner a pasen a pangikayatan kod sikara.

Deuteronomio 28:7

“Say Katawan taloen to ray kalaban yo no dogpaan da kayo. Dogpaan da kayo ed sakey a dapag, balet ibatikan da kayod amin a dapag.

Deuteronomio 32:30

Akin et tinalo na sakey a too so sanlibon totoo, tan duara so samplon libo? Say Katawan a Dios da et inkaindan to ra; say makapanyarin Dios da impalima to rad kalaban da.

Levitico 26:17

Sumlangen ta kayo pian natalo kayo; oleyan kayo na saray kalaban yo tan diad ontan lan kataktakot yo ombatik kayo anggan anggapoy mangoosil ed sikayo.

Lucas 21:24

Ompatey irad ispada, awiten da ran aripenen ed amin a bansa, tan deralen na saray Hintil so Jerusalem, anggad nasumpal so panaon da.”

Jeremias 34:17

Kanyan natan, siak, say Katawan, kuanko ya ag yo ak inonur; ag yo initdan na kawayangan iray kapara yon Israelita. Sigi sirin, itdan ta kayoy kawayangan: say kawayangan ya ompatey ed bakal, salot tan eras. Gawaen koy amin a bansa ed intiron mundo a nataktakot lapud gawaen kod sikayo.

Jeremias 29:18

Osilan ko ra na bakal, eras, tan salot, pian diad ontan saray totood amin a bansa ed mundo et nataktakot ira ed nanengneng da. Inerman a pasen a pangikayatan kod sikara, saray totood man et natalagnaw tan nataktakot ira ed agawad sikara. Ludlureyen da ra tan ikana ran sakey a samba so ngaran da.

Josue 7:4

Kanyan sakey a talon libon Israelita so dinmogpa, balet apasoot iran sinmener.

Saray Huis 2:14

Kanyan mapalaloy impakapasnuk na Katawan ed sikara tan inabuloyan ton dinogpaan ira na saray kalaban da tan tinakewan ira. Inabuloyan to ran nipasilong ed pakayari na saray kalaban dad kaliber-liber da, tan saray Israelita et ag da niagel so sikaran dili.

1 Samuel 4:10

Akilaban iray Filisteo; atalo ray Israelita tan kibatiktik irad kaabungan da. Amayamay a maung so inaatey: talomplon libon Israelitan sondalo so inaatey.

1 Saray Arari 8:33

“No atalo na saray kalaban da iray totoom ya Israelita lapud nankasalanan irad sika, insan ira ompawil ed sika tan mampikasi rad sika diad sayan Timplo, ta onkerew iray pirdona,

2 Saray Awaran 28:8

Anggaman a kadalaan da ray totoo na Juda saray totoo na Israel dinakep da so duanlasus libo a bibii tan ogogaw tan insempet da ra ed Samaria, a pati amayamay a bengatlan asamsam da.

2 Saray Awaran 29:8

Lapud saya akapasnuk so Katawan ed Juda tan Jerusalem, et nikelawan tan ataktakot so balang sakey lapud ginawa tod sikara. Malinlinew so pakaamta yod sayan inkagawa.

Jeremias 19:7

Diad sayan pasen deralen kon amin iray plano na saray totood Juda tan Jerusalem. Panaloen kod sikara iray kalaban da tan pateyen ko rad bakal. Iter kon buagen na saray manok tan saray ayayep ed katakelan iray bangkay da.

2 Saray Awaran 6:24

“No atalo na saray kalaban da iray totoom ya Israelita, lapud nankasalanan irad sika, insan ira ompawil ed sika tan mampikasi ra diad sayan Timplo, ta onkerew iray pirdona,

Oseas 8:3

impolisay da so kamaungan. Lapud saya osilan ira na saray kalaban da.