Deuteronomio 28:20 - Maung A Balita Biblia

²⁰ “No manggawa kayoy kaogsan tan ipolisay yoy Katawan ipadalan tod sikayo so deral, gewgew, tan gunigon ed amin a gawaen yo, ya anggad sigput tan masiglat kayon naoput.

Maung a Balita Biblia

²⁰ No manggawa kayoy kaogsan tan ipolisay yoy Katawan ipadalan tod sikayo so deral, gewgew, tan gunigon ed amin a gawaen yo, ya anggad sigput tan masiglat kayon naoput.

Deuteronomio 28:20 Referans Kwoze

Malakias 2:2

Nepeg yo ak a pagalangan diad panamegley na gagawaen yo. No ag yo dengelen so ibabagak ed sikayo, isamba ta kayo. Isambak iray bengatlan panlalapwan na pambilay yo. Diad tuay tua insambak la ra, lapud leleglemewen yoy ganggan ko.

Isaias 66:15

Say Katawan onsabin kaiba toy apoy. Onlogan ed saray payak na bagyo no dusaen to ray pamapasnukan to.

Isaias 51:20

Diad suyok na balang dalan mamparogsod kapoy iray totoom; singa ra ulsan narel ed iket na umaanop. Alikna ray sulit na pasnuk na Dios.

Deuteronomio 4:26

Nitan so tawen tan say dalin a sikara natan so mantasi sumpad sikayo a no ag yo ak onuren, ag mabayag naandipat kayod dalin. Ag kayo mambayag a manayam ed dalin ed nibaliw na Jordan a ngalngali yo la napanayaman. Sigput kayon napatey.

Juan 3:36

Say manisiad Anak walay bilay ton andi-anggaan, balet say ag mangonur ed Anak ag nawalaay bilay—mansiansia ingey pasnuk na Dios ed sikato.

Isaias 30:17

Ombatik, so sanlibod sikayo no nanengneng yoy sakey a sondalon kalaban, et masarag lay limaran sondalo a mamabatik ed sikayon amin. Anggapoy natilak ed saray sondalo yo likud ed begbegtew a bandira ya akabitin ed sakey a tiken a walad tapew na pokdul.

Isaias 28:19

Ondalan lan ondalan ed sikayo so deral, kapag kabwasan. Nepeg yo yan liknaen ed agew tan labi. Mangiter na balon takot ed sikayo so kapag balon balita na Dios.

Josue 23:16

No ag yo sumpaley impisipanan na Katawan a Dios yo onung na ganggan ton sumpalen yo, tan manlingkur tan mangigalang kayod arum a diriyos, dusaen to kayod pasnuk to, et ag mabayag anggapoy nakeraan ed sikayo diad sayan maung a dalin ya inter tod sikayo.”

Levitico 26:38

Nibantak kayo ed arum a bansa tan diman kayo ompatey, diad pangakmon ed sikayo na dalin da ray kalaban yo.

1 TESALONICA 2:16

Labay da ni ingen a patondaen kami ed pangipupulong mid saray Hintil na Maung a Balitan kilabanan da. Napno da lay bayung na kasalanan, kanyan sinmabin siansiay pasnuk na Dios ed sikara!

Saray Salmo 7:11

Matonung a huis so Dios tan dudusaen to lawas iray totoon maoges.

1 Samuel 14:20

Insan si Saul tan saray totoo to linma ran mibakal ed saray Filisteo a lapud aligewgewan et manlalaban iran dili.

Deuteronomio 28:8

“Say Katawan a Dios yo bindisionan toy kimey yo tan panoen to na ilik iray pananginan yo. Bindisionan to kayo ed dalin ya iiter tod sikayo.

Jeremias 1:16

Dusaen ko ray totook lapud nankasalanan ira; inkaindan da ak, nansasaklang iray bagat ed saray diriyos, tan inggagalang da ray ginagawa ran talintaoy diriyos.

Jeremias 19:4

Gawaen ko ya, lapud inkaindan ak na saray totoo tan dinotakan da yan pasen diad impangibabagat da dia ed saray arum a diriyos—saray diriyos ya ag da kabat, sikara, saray lalaki ra, o saray ararid Juda. Sayan pasen dinelap da na dala da ray anggapoy kasalanan a totoo,

Saray Huis 2:15

Kapag onla ran mibakal, sumpad sikara so Katawan onung na sinambaan to lan gawaen to. Mapalaloy inkairapan da.

Say Libro nen Job 24:18

Inyanur na delap so toon maoges, tan insamba na Dios so dalin to; ag la onlan mankimey ed kaubasan to.