Deuteronomio 28:16 - Maung A Balita Biblia

¹⁶ “Say Katawan isamba to ray baley tan saray alog yo.

Maung a Balita Biblia

¹⁶ Say Katawan isamba to ray baley tan saray alog yo.

Deuteronomio 28:16 Referans Kwoze

Malakias 2:2

Nepeg yo ak a pagalangan diad panamegley na gagawaen yo. No ag yo dengelen so ibabagak ed sikayo, isamba ta kayo. Isambak iray bengatlan panlalapwan na pambilay yo. Diad tuay tua insambak la ra, lapud leleglemewen yoy ganggan ko.

Joel 2:3

Singa panagtemek na apoy so pangan dad saray tanaman. Singa Tanamanan na Eden so dalin a walad arap da, balet sakey a begtebegtew a kabueran so dalin ed beneg da. Anggapon balut so nalabsanan dan tanaman.

Joel 1:4

Nantotombukan a dinmadapod saray tanaman ed kaalogan iray pigaran grupoy dorun; inooput na arum a grupo iray tanaman a kera-keray sakey a grupo.

Jeremias 44:22

Diad sayan agew aderal-deral so dalin yo tan anggapoy manaayam. Nagmaliw a makapagiwgiw a nengnengen tan ikakana na saray totoo so ngaran to a sakey a samba, lapud ag la naanosan na Katawan so marotak tan maoges a gagawaen yo.

Jeremias 14:18

No ompaway ak ed saray kaalogan, nanengneng ko ray bangkay na saray totoon inaatey ed bakal; no onla ak ed saray baley, nanengneng ko ray totoon ompapatey ed eras. Itutuloy na saray propita tan saray papari so kimey da, balet ag da amta so gagawaen da.”

Probirbio 3:33

Isasamba na Katawan so kaabungan da ray totoon maoges, balet bibindisionan toy kaabungan da ray matonung.

Malakias 4:6

Pankakasakeyen to lamet iray ama tan saray anak; ta no andi nepeg ya onsabi ak a maneral na bansa yo.”

Saray Tagleey 5:10

Lapud eras singa kami popoolan ed kapepetang mi, ya anggad ampetang lay baog mi a singa pogun.

Saray Tagleey 1:1

Agaylay ermen na Jerusalem a gendat a napnoy totoo! Gagalangen na sankamundoan nen saman, balet singa biin balo so kipapasen to natan; Sankarakpan nen saman ed saray siudad, balet aripen so nagmaliwan to.

Jeremias 26:6

No ituloy yoy ag mangonur ed siak, gawaen kod sayan Timplo so singa samay ginawak ed Silo tan saray amin a bansa ikana ray ngaran na sayan siudad a sakey a samba.”

Jeremias 9:11

Say Katawan kuanto, “Gawaen kon bunton na deral-deral so Jerusalem, sakey a pasen a panayaman da ray asod katakelan; magmaliw a kalawakan iray siudad na Juda, tan sakey a pasen ya ag panayaman na totoo.”

Isaias 43:28

tan saray manoley mo impagmaliw dan andi-kakanaan a pasen so santuariok. Lapud saya dineral koy Israel; inyabuloy kon napabaingan iray dilin totook.”

1 Saray Arari 17:12

Inmebat imay bii, “Diad ngaran na mabilay a Katawan a Dios mo, sambaan kod sikan anggapoy tinapay ko. Sankaakup labat so arinak a walad pasig tan dagdaiset a larak na oliban walad garapon. Linma ak diad mandokdok na itongo, insan ko isempet, ta iparaan ko may arinak a para siak tan say anak kon laki. Kaonuran la man a kanen mi, insan ompatey kami lad eras.”

1 Saray Arari 17:5

Inonur nen Elias so ganggan na Katawan; linman nanayam ed abay na Kolus na Carit.

1 Saray Arari 17:1

Inkuanen propita Elias a taga Tisbe na Galaad ed kinen Ari Aca, “Diad ngaran na Katawan a mabilay a Dios na Israel a panlilingkuran ko, ibagak ed sikan anggapoy napelag a linaew o oran ed loob na arapen a duara odino taloy taon ya anggad ag ko pangibagan onoran la.”

Genesis 5:29

tan inkuanto, “Itdan to itayo na sayan ogaw na inawa ed amin da ray mairap a kimey tayo ed sayan dalin ya insamba na Katawan”; kanyan inngaran to na Noe.

Say Libro nen Job 24:18

Inyanur na delap so toon maoges, tan insamba na Dios so dalin to; ag la onlan mankimey ed kaubasan to.

Zacarias 5:4

Ibabaga na Katawan a Makapanyarin-amin ya ibaki to yan samba tan onloob ed abung na balang matakew tan diad abung na balang toon mansasamba ed pantitila to. Mansiansia ed kaabungan da tan taynan to ran aderal-deral.”