Deuteronomio 28:15 - Maung A Balita Biblia

¹⁵ “Balet no sumlangen yoy Katawan a Dios yo tan ag yo onuren iray amin a ganggan tan saray bilin to ya iiter tod sikayo natad sayan agew, amin da ra yan samba et nagawad sikayo:

Maung a Balita Biblia

¹⁵ Balet no sumlangen yoy Katawan a Dios yo tan ag yo onuren iray amin a ganggan tan saray bilin to ya iiter tod sikayo natad sayan agew, amin da ra yan samba et nagawad sikayo:

Deuteronomio 28:15 Referans Kwoze

Malakias 2:2

Nepeg yo ak a pagalangan diad panamegley na gagawaen yo. No ag yo dengelen so ibabagak ed sikayo, isamba ta kayo. Isambak iray bengatlan panlalapwan na pambilay yo. Diad tuay tua insambak la ra, lapud leleglemewen yoy ganggan ko.

Deuteronomio 28:2

Onur yoy Katawan a Dios yo et niiter ed sikayo ra yan amin a bindision:

Saray Tagleey 2:17

Sinumpal na Katawan so ginetma ton gawaen; Dineral to itayon andi-panangasi onung na abayag to lan impasakbay a gawaen. Impanalo to ray kalaban tayo, tan pinaliket to rad inkatalo tayo.

Deuteronomio 29:20

Say Katawan ag to pirdonaen itan a too. Ingen say mandarlang a pasnuk na Katawan et onliub a sumpad sikato, tan amin a samba a nisulat ed sayan libro et ompelag ed sikato ya anggad sigput a naoput na Katawan.

Josue 23:15

Balet no panoy impanumpal tod amin ya insipan tod sikayo, ontan met so gawaen tod amin ya impasakbay tod sikayo.

TAGA GALACIA 3:10

Amin da ray manmamatalek ed panangonur ed Ganggan, wala rad silong na sakey a samba. Ta ibabagay Masanton Sulat, “Nisamba so balang sakey ya ag ononur ed amin a nisulat ed libro na Ganggan!”

Isaias 3:11

Balet pangaskasiyay kipapasen da ray totoon maoges; nagawad sikara so ginagawa rad arum a totoo.

Genesis 3:14

Insan inkuan na Katawan a Dios ed samay oleg, “Nadusa ka lapud sayan ginawam; sika labat so nisamba ed amin da ray ayayep. Saya so dusam: Manlapud natan manilak-ilak ka, tan say dabuk so kanen mo legan mon mambilay.

Genesis 4:11

Nisamba ka; ag mo la nadalusan so dalin a singa inlokas toy sangi to nen inesep toy dala na agim a pinatey mo.

Genesis 4:12

No ondalus ka, anggapoy naanim; magmaliw kan anggapoy abung tan akar-akar ka diad tapew na dalin.”

Deuteronomio 11:28

balet samba, no sumlangen yo ra yan ganggan diad pangigalang yod arum a diriyos ya ag yo ra angigalangan nen saman.

Saray Huis 2:15

Kapag onla ran mibakal, sumpad sikara so Katawan onung na sinambaan to lan gawaen to. Mapalaloy inkairapan da.

1 Samuel 4:10

Akilaban iray Filisteo; atalo ray Israelita tan kibatiktik irad kaabungan da. Amayamay a maung so inaatey: talomplon libon Israelitan sondalo so inaatey.

2 Saray Awaran 7:19

Balet no sika tan saray totoom et ag yo onuren iray ganggan tan saray bilin kod sikayo, tan mangigalang kayod arum a diriyos,

2 Saray Awaran 12:5

Linmay propita Semaya ed kinen Ari Roboam tan saray pangulo na Juda a nantitipon ed Jerusalem, ta ibabatikan day Sisak. Inkuantod sikara, “Saya so papaibaga na Katawan ed sikayo: ‘Inkaindan yo ak, kanyan natan inkaindan ta kayo ed lima nen Sisak.’”

2 Saray Awaran 34:24

ira yan salita na Katawan: “Dusaen koy Jerusalem tan amin da ray totoo to onung ed saray samban nisulat ed samay libron nibasa ed ari.

Jeremias 36:7

Gawam ya, ta ag la pigan mampikasi rad Katawan tan benegan day maoges a kabibilay da, lapud imbesngaw na Katawan ed sarayan totoo so mapalalon pasnuk tan sanuk tod sikara.”

Jeremias 36:31

Dusaen ta ka, saray kabyangay boleg mo, tan saray opisyal mo lapud saray kasalanan yo. Sika, saray totood Jerusalem, tan Juda et ag dinmengel ed saray pasakbay ko, kanyan iyakar kod sikayon amin so deral ya imbagak lan gawaen ko.”

Jeremias 40:2

Impaliis ak na samay panguloy sondalo tan inkuantod siak, “Impasakbay la na Katawan a Dios mo a deralen to yan dalin,

Oseas 7:12

Balet ipanat koy iket ko tan erelen ko ran singa saray manok legan dan oonla. Dusaen ko ra lapud kaogsan a ginagawa ra.

Deuteronomio 5:1

Impantitipon nen Moises iray amin a totood Israel tan kuantod sikara, “Totood Israel, dengel yo ray amin a ganggan ya iter kod sikayo ed sayan agew. Aral yo ra tan pampelengan yo ran onuren.

Deuteronomio 28:45

“Onsabid sikayo ra yan kadederal, tan mansiansia rad sikayo ya anggad ompatey kayo, lapud ag yo inonur so Katawan a Dios yo tan ag yo sinumpal iray ganggan ya inter tod sikayo.

Deuteronomio 29:19

Pampelengan yo ya anggapo diay anggan sakey ed sikayo ya onderengel ed sarayan pagagawa na Dios, a sisiaen tod sikaton dili a maung lawas so kipapasen to, anggaman a diad gaway awet na olo to et gawaen toy labay to. Pateyen kayo na satan a nagawa, sikayon amin, maung may maoges.

Josue 23:16

No ag yo sumpaley impisipanan na Katawan a Dios yo onung na ganggan ton sumpalen yo, tan manlingkur tan mangigalang kayod arum a diriyos, dusaen to kayod pasnuk to, et ag mabayag anggapoy nakeraan ed sikayo diad sayan maung a dalin ya inter tod sikayo.”

Jeremias 11:8

Balet ag ira dinmengel o inmonur. Ingen, balang sakey nansiansian anawet so puso to tan maoges. Ingganggan ko ran ontoluk ed sipanan, balet ag da labay so ontoluk. Kanyan inter kod sikaray amin a dusan nibagad saman a sipanan.”

Jeremias 26:4

Say Katawan imbaga tod siak ya ikuankod saray totoo yan salita to, “Siak, say Katawan, imbagak lad sikayo a nepeg yo ak a toluken diad pangonur yod saray bangat kod sikayo.

Jeremias 32:23

Balet nen akakar irad sayan dalin tan kinayaryan da, ag da inonur iray ganggan mo odino nambilay onung ed bangat mo; ag da sinumpal so antokaman a pagagawam ed sikara. Sikato yay makasengeg no akin et inyakar mod sikara yan amin a deral.