Deuteronomio 28:12 - Maung A Balita Biblia

¹² Lokasan toy tawen a mayaman a panagsinupan to tan ipelag toy oran no manepeg a panaon tan bindisionan toy amin a kimey yo, pian makapabayes kayod amayamay a bansa, balet ag la nakaukolan a miutang kayo ed anggan dinan a bansa.

Maung a Balita Biblia

¹² Lokasan toy tawen a mayaman a panagsinupan to tan ipelag toy oran no manepeg a panaon tan bindisionan toy amin a kimey yo, pian makapabayes kayod amayamay a bansa, balet ag la nakaukolan a miutang kayo ed anggan dinan a bansa.

Deuteronomio 28:12 Referans Kwoze

Deuteronomio 15:6

Bindisionan kayo na Katawan onung na insipan to. Pautangen yo na kuarta iray amayamay a bansa, balet ag yo nakaukolan so miutang ed anggan dinan a bansa; naoleyan yo ray amayamay a bansa, balet anggapoy bansan nayarin manoley ed sikayo.

Deuteronomio 15:10

Mabolbolus sirin ya itdan yo, et say Katawan bindisionan to kayo ed amin a gawaen yo.

Deuteronomio 11:14

No onuren yo, ipelag toy oran ed dalin yo no panaon na pankaukolan, pian walay trigo, alak, tan larak a para sikayo,

Levitico 26:4

mangipelag ak na oran no manepeg a panaon, pian makapangiter na bunga so dalin tan makapambunga ray kakiewan.

Probirbio 22:7

Aripen na toon mayaman iray mairap-bilay. Miutang ka, et aripen kay akautangan mo.

Deuteronomio 14:29

Para saray Levita yan kakanen, bangta anggapoy kayaryan dan dili; ontan met, sayan kakanen et para saray sangkaili, saray olila, tan saray balo a manaayam irad saray baley yo. Nepeg ya ondago ran mangalay nakaukolan da. Gawa yoy onya, et say Katawan a Dios yo bindisionan to kayo ed amin a gawaen yo.

Saray Salmo 135:7

Sikatoy mamapaatagey ed saray lorem a manlapud saray samput na dalin; gagawaen toy kirmat para saray bagyo, tan ipapaway toy dagem a manlapud kuarton panagsinupan to.

Deuteronomio 28:44

Nawalaan iray kuartan nipautang dad sikayo, balet anggapoy nipautang yod sikara. Diad kaonuran sikaray manoley ed sikayo.

Say Libro nen Job 38:22

Alooban mo la ray kuarton panagsinupan ya anginan ko na yilo tan kristal ya oran?

Deuteronomio 23:20

Nayarin paabangan yo so ipautang yo ed siopaman a sangkaili, balet aleg ed kapara yon Israelita. Tombuk yo yan ganggan, et say Katawan a Dios yo bindisionan toy antokaman a gawaen yo no wala kayo lad dalin a panayaman yo.

Deuteronomio 28:24

Oran komun so ipelag tod sikayo, balet andi; paalimbusabosen to ingen na dabuk tan buer ya anggad ag yo ipatey.

1 Saray Arari 18:1

Kayariy pigaran agew, nen mikatloy taon lan anggapoy oran, inkuan na Katawan ed kinen Elias, “Laka, ta iparontal moy sikan dili ed kinen Ari Acab, insan ko la paoranen.”

Ezekiel 34:26

“Bindisionan ko ra tan abuloyan ko ran manayam ed kaliber-liber na masanton pokdul ko. Bindisionan ko rad man na saray ompelag ya oran no nakaukolan da.