Deuteronomio 27:24 - Maung A Balita Biblia

²⁴ “‘Napelag komun so samba na Dios ed siopaman a maamut a mamatey na too.’ “Insan onebat iray amin a totoo, ‘Amen!’

Maung a Balita Biblia

²⁴ Napelag komun so samba na Dios ed siopaman a maamut a mamatey na too. Insan onebat iray amin a totoo, Amen!

Deuteronomio 27:24 Referans Kwoze

Saray Bilang 35:31

Say toon mamatey na kapara ton too et nepeg a pateyen. Ag nayarin paliisan toy dusa na kasalanan to diad pambayar to na kuarta.

Levitico 24:17

“Siopamay mamatey na kapara ton too, nepeg a pateyen,

2 Samuel 13:28

tan binilin to ray aripen to: “Imano yo no akainom lan maung si Amnon, tan kapangiganggan ko, patey yo. Ag kayo natatakot ta siak a dili so makaoley. Mampasebeg kayo tan ag kayo ontatalaw!”

2 Samuel 3:27

Kasabi nen Abner ed Hebron, impaliis nen Joab ed puirta tan konwarin pitongtongan to, balet ta sinaksak tod eges. Kanyan apatey si Abner lapud pinatey toy Asael ya agi nen Joab.

Exodo 20:13

“Ag ka mamapatey.

Saray Bilang 35:30

“Say toon naakusa lapud impakapatey toy too et nayari labat a sintinsiaan a nankasalanan tan pateyen diad panamegley na pantasi na duara odino masoluk a duaran too; say sakey a tasi et aliwan magenap a mamaneknek na impakapatey ed sakey a too.

1 Saray Arari 2:5

“Wala niy ibagak ed sika. Amtam iman so ginawa nen Joab ed siak nen pinatey to ray duaran pangulo na saray sondalo na Israel a di Abner a lakin anak nen Ner tan Amasa a lakin anak nen Jeter. Amtam no panoy impamatey tod sikara nen panaon na kareenan lapud imbawi tod impamatey da nen panaon na bakal. Pinatey to ray totoon anggapoy kasalanan tan natan siak so natetetel lapud saray ginawa to, tan siak so manaani na saray bungay kaogsan to.