Deuteronomio 27:20 - Maung A Balita Biblia

²⁰ “‘Napelag komun so samba na Dios ed siopaman a mangipelag na ama to ed kababaingan diad pangakdul tod sakey ed saray asawa nen ama to.’ “Insan onebat iray amin a totoo, ‘Amen!’

Maung a Balita Biblia

²⁰ Napelag komun so samba na Dios ed siopaman a mangipelag na ama to ed kababaingan diad pangakdul tod sakey ed saray asawa nen ama to. Insan onebat iray amin a totoo, Amen!

Deuteronomio 27:20 Referans Kwoze

Deuteronomio 22:30

“Sebel ed siopaman a laki so pangipaabeba na kagalangan na ama to diad pangakdul tod siopaman ya asawa na ama to.

Levitico 18:8

Ag yo ipepelag ed kababaingan so amam lapud piakdul mod siopaman ya asawa to.

1 CORINTO 5:1

Nibabalitan walay inmoralidad a nagagawa ed sikayo, gawan sankabandayan a tuloy tan ag gagawaen na anggan saray Hintil. Nibabalitad siak ya iyaamung na sakey ed sikayo so asawan pidwa na ama to!

Levitico 20:11

Say lakin miakdul ed sakey ed saray asawa na ama to ipelag tod kababaingan so ama to, tan sikato tan say biin akiakdulan to et nepeg iran pateyen. Sikaran dili so makasengeg na ipatey da.

Amos 2:7

Igagatin da ray totoon makapkapoy tan pangaskasiyan ed kipapasen tan ipapaliis dad dalan iray mairap-bilay. Saray sanama et miaakdul irad saksakey a biin aripen, kanyan dodotakan da onung ed ganggan so masanton ngaran ko.

Ezekiel 22:10

Wala ray miaakdul ed kaasawaan na ama ra. Saray arum papasooten dan piakdulan iray bibiin naliliberan.

1 Saray Awaran 5:1

Sikara yay kabyangay tribu nen Ruben a pangulowan ed saray anak nen Israel. (Lapud inakdulan toy sakey ed saray bibiin inaamung nen ama to, naandid sikatoy kanepegan na pangulowan ya anak a laki; niiter yan kanepegan ed kinen Jose.

2 Samuel 16:22

Kanyan nanggawa ray tulda a para si Absalom diad toktok na palasio, tan diad pakanengneng na amin a totoo linmoob si Absalom tan akiakdul ed saray bibiin inamung nen ama to.

Genesis 49:4

Singa ka mabiskeg a delap, Balet ag ka magmaliw a sankatalonggaringan, Lapud akiakdul kad inamung kon bii, Tan dinotakan moy dokulan na amam.

Genesis 35:22

Nen manaayam si Jacob ed saman a pasen, inakdulan nen Ruben si Bilha, sakey ed saray asawan inamung nen ama to. Nadngelan nen Jacob, et mapalaloy pasnuk to. Labinduan amin iray lalakin anak nen Jacob.

Levitico 18:7

Ag mo ipepelag ed kababaingan so amam lapud piakdul mod inam. Ag nepeg ya ipelag mod kababaingan so dilin inam.

Deuteronomio 23:1

“Ag nayarin mikasakey ed saray totoo na Katawan so siopaman a lakin kapon odino apotut so kayaryan to.