Deuteronomio 27:13 - Maung A Balita Biblia

¹³ Saray onggendan a tribu et manalagey ira ed Palandey na Ebal tan ibawag day samba: Ruben, Gad, Aser, Zabulon, Dan, tan Neftali.

Maung a Balita Biblia

¹³ Saray onggendan a tribu et manalagey ira ed Palandey na Ebal tan ibawag day samba: Ruben, Gad, Aser, Zabulon, Dan, tan Neftali.

Deuteronomio 27:13 Referans Kwoze

Deuteronomio 27:4

tan akabaliw kayo lad Jordan, ilira yo ra yan bato ed Palandey na Ebal, onung na ibibilin kod sikayo natad sayan agew, tan palitadaan yo ra.

Josue 8:33

Saray Israelita a pati saray pangulo, opisyal, tan saray huis da, tan ontan met na saray kakaiba ran taga arum a bansa et nanalagey irad duaran dapag na Kaban na Sipanan na Katawan, tan sankaarap da ray paparin Levita ya anakbat na samay Kaban. Say kapalduad saramay totoo nanalagey iran akabeneg ed Palandey na Gerizim, tan saray kapaldua akabeneg irad Palandey na Ebal. Si Moises ya aripen na Katawan ingganggan ton gawaen da ya diad isabiy panaon a pangawat day bindision.

Deuteronomio 11:29

No say Katawan niyakar to kayo lad dalin a panayaman yo, nepeg ya ibawag yo manlapud Palandey na Gerizim so bindision tan manlapud Palandey na Ebal so samba. (

Genesis 30:20

Inkuanto, “Initdan ak na Dios na marakep a rigalo. Natan akoen ak la na asawak, ta inyanakan koy anemiran lalaki”; kanyan inngaran to na Zabulon imay ogaw.

Genesis 29:32

Nanlokun si Lea tan nananak na sakey a laki. Inkuanto, “Anengneng na Katawan so segsegang ko; natan aroen ak la nen asawak”; kanyan inngaran to na Ruben imay ogaw.

Deuteronomio 27:12

“No akabaliw kayo lad Ilog na Jordan, saray onggendan a tribu et manalagey ira ed Palandey na Gerizim tan ibawag day bindision ed saray totoo: Simeon, Levi, Juda, Isacar, Jose tan Benjamin.

Deuteronomio 27:14

Saray Levita ikolyaot da ra yan salita: