Deuteronomio 26:5 - Maung A Balita Biblia

⁵ Insan diad arap na Katawan ibitla yo ra yan salita: ‘Say lakik et sakey ya akar-akar ya Arameo, ya inawit ton nanayam ed Egipto so pamilya to. Nen linma rad Egipto dagdaiset ira, balet nagmaliw iran baleg tan makapanyarin bansa.

Maung a Balita Biblia

⁵ Insan diad arap na Katawan ibitla yo ra yan salita: Say lakik et sakey ya akar-akar ya Arameo, ya inawit ton nanayam ed Egipto so pamilya to. Nen linma rad Egipto dagdaiset ira, balet nagmaliw iran baleg tan makapanyarin bansa.

Deuteronomio 26:5 Referans Kwoze

Deuteronomio 10:22

Nen linmad Egipto iray lalaki yo, pitpitomplo ra labat. Balet natan say Katawan a Dios yo et impagmaliw to kayon singa karakel na bitewen ed tawen.

Genesis 46:27

Duaray anak nen Jose ed Egipto, kanyan pitomplon amin so kabyangay pamilya nen Jacob a linmad Egipto.

Genesis 31:20

Pinalikdo nen Jacob si Laban diad ag to impangibagay itaynan to.

Genesis 45:11

No wala kayod Gosen, naasikaso ta kayo. Wala niy limay taon na eras, et ag ko labay a naerasan kayo, saray pamilya yo, tan saray ayayep yo.’”

Genesis 45:7

Say Dios so angibakid siak ya onaan nen say sikayo, pian nilaban kayo diad panamegley na sayan makapakelaw ya inkagawa, tan mambilay kayo tan saray kabyangay boleg yo.

Genesis 43:12

Mangawit kayo met na kuartan mamidway karakel nen samay onaan ya inawit yo, ta nepeg yon ipawil imay kuartan walad saray sako yo. Nayarin lingo labat iman.

Genesis 31:24

Diad kogip nen Laban ed saman a labi, linmay Dios ed sikato tan inkuanto, “Manalwar ka! Ag mo didiwiten a balut si Jacob.”

Saray Gawgawa 7:15

Linma sirin si Jacob ed Egipto, tan diman la inatey; ontan met a diman inaatey iray atateng tayo.

Oseas 12:12

Si laki tayon Jacob et apasoot ya ombatik ed Mesopotamia, a diman angatulangan diad impankokomponi to na saray karniro, pian makalay asawaen to.

Genesis 25:20

Mantaoy apataplo si Isaac nen asawaen toy Rebeca ya agi nen Laban tan anak nen Betuel, sakey ya Arameo a taga Mesopotamia.

Genesis 24:4

Nakaukolan ya onla kad bansan nianakan ko, ta iyalaan moy Isaac ya anak ko na asawaen to diad saray kakanayon ko.”

Deuteronomio 7:7

“Say Katawan inaro tan pinili to kayo, aliwan lapud dakel kayo ni nen saray arum a totood arum a bansa, ta sikayoy sankamelagan a bansa diad tapew na dalin.

Exodo 1:12

Balet no panoy impanpapairap na saray Egipsio ed saray Israelita, lalon ondarakel ira tan onaawang so pasen a panaayaman da. Apagaan ed satan iray Egipsio ed saray Israelita,

Exodo 1:7

Balet amayamay iray anak tan apo na saman a kailalakan, a salanti saray Israelita; dinmakerakel ira tan nagmaliw iran makapanyarin tuloy, kanyan kinmayat iran nanayam ed intiron bansa na Egipto.

Exodo 1:5

Pitomplo ya amin iray anak tan apo nen Jacob, a pati si Jose a wadman la ed Egipto.

Genesis 47:27

Nanayam ed Egipto ira may Israelita, diad Gosen; minmayaman ira tan dinmakerakel ira.

Genesis 31:40

Naynay ak a nanirap, lapud petang na agew tan betel na labi. Ag ak makaogip.

Genesis 28:5

Imbaki nen Isaac si Jacob ed Mesopotamia, diad kinen Laban ya anak nen Betuel a taga Aram. Si Laban et agi nen Rebeca ya ina nen Jacob tan Esau.

Genesis 27:41

Binosul nen Esau si Jacob lapud sikatoy angiteran na ama ra na samay bindision. Inkuanen Esau ed sikaton dili, “Asingger lay ipatey nen amak tan say panermen ed sikato; kasumpal to ya, pateyen koy Jacob.”

Genesis 12:2

Itdan ta kay amayamay a kabyangay boleg mo, tan magmaliw iran sakey a bansan matalonggaring. Bindisionan ta ka tan pagmaliwen kon bantug so ngaran mo, pian sikay pakabindisionan na arum a totoo.

Genesis 47:4

Linma kami dian manayam ed sayan bansa, ta lapud mapalalon eras ed Canaan, anggapoy pangipastolan mid saray karniro mi. Abuloyan yo kami pan manayam ed Gosen.”

Deuteronomio 1:10

Say Katawan a Dios yo et impagmaliw to kayo la natan a singa karakel na bitewen ed tawen.

Deuteronomio 26:4

“Samay pari alaen to may baskit ed sikayo insan to igaton ed arap na altar na Katawan a Dios yo.

Oseas 12:13

Say Katawan angibaki na sakey a propita a mangyagel ed saray totoo ton Israelita diad pakakaaripen dad Egipto tan mangasikasod sikara.