Deuteronomio 26:10 - Maung A Balita Biblia

¹⁰ Kanyan natan iyakar kod Katawan so sayan ononan naani ya inter tod siak.’ “Insan iyepas yon ilira ed arap na Katawan imay baskit tan mangigalang kayod man.

Maung a Balita Biblia

¹⁰ Kanyan natan iyakar kod Katawan so sayan ononan naani ya inter tod siak. Insan iyepas yon ilira ed arap na Katawan imay baskit tan mangigalang kayod man.

Deuteronomio 26:10 Referans Kwoze

Puyan 22:9

Balet inkuanto, “Aleg! Sakey ak met ya aripen a singa sika, saray agagim a propita, tan saray manusumpal ed saray salitan wadyad sayan libro. Say Dios so igalang mo!”

1 CORINTO 10:31

Kanyan sirin, mangan kayo man odino oninom, o anggan antoy gawaen yo, gawa yon amin a pakagalangan na Dios.

Saray Taga Roma 2:1

Kanyan siopa ka man a too a manintinsiad arum, anggapoy nibaraan mo. Ta diad panintinsiam ed arum a too, sintinsiaan moy laman mon dili, lapud sikan manintinsia et gagawaen mo met so gagawaen da.

Isaias 66:23

Kapag Pista na Balon Bulan tan kapag Agew na Panagpainawa amin da ray totoo ed balang bansa et onla ran mangigalang ed siak diad Jerusalem,” kuay Katawan.

Probirbio 3:9

Pagalangan moy Katawan diad panamegley na pangibagat mod sikato na sankaabigan a bungay dalin mo.

Saray Salmo 95:6

Dago kayo, ta mandakmomo tan mangigalang itayod sikato; mantalimukor itayod arap na Katawan a Manamalsa tayo!

Saray Salmo 86:9

Amin da ray bansan pinapalsam ondago ra tan ondakmomo rad sika. Idayew day inkatalonggaring mo.

Saray Salmo 22:29

Ondakmomod sikato iray amin a totoon mapaatagey; ondakmomod sikato iray amin a totoon manganggay bilay da.

Saray Salmo 22:27

Amin da ray bansa et nanunotan day Katawan. Manlapud amin a sokung na mundo onlingaw irad sikato; igalang na amin a katoowan.

1 Saray Awaran 29:14

“Diad tuay tua balet, saray totook tan siak et ag kami makapangiter ed sika na antokaman, lapud manlalapud sika iray amin a bengatla. Impawil mid sika labat iray bengatlan kayaryan mo.

Deuteronomio 26:17

Natad sayan agew binirbir yo a Dios yo so Katawan; insipan yo ya onuren yo, sumpalen iray amin a ganggan to, tan tombuken yo ray amin a bilin to.

Deuteronomio 26:4

“Samay pari alaen to may baskit ed sikayo insan to igaton ed arap na altar na Katawan a Dios yo.

Deuteronomio 26:2

balang sakey ed sikayo et nepeg a mangikargad sakey a baskit na onona ran naani yo a bunga na saray tanaman yo, insan yo iyakar ed samay pasen a panangigalangan.

Deuteronomio 18:4

Sikaray nepeg a mangawat na ononan apag ed trigo, alak, larak na oliba, tan lanan abel.

Exodo 22:29

“Iter yod siak, no nasabi lay nigetar a panaon, iray bagat yon trigo, alak, tan saray larak na oliba. “Iter yod siak iray pangulowan ya anak yon lalaki.

Exodo 23:19

“Iyakar yo ed abung na Katawan a Dios yo so sankaabigan ya onaan a trigon naani yo. “Ag yo ilulutod gatas na ina to so kordiro odino kilaw na kanding.

Deuteronomio 8:18

Nunot yo a say Katawan a Dios yo so angiter ed sikayo na pakayari a mampayaman. Onyay gagawaen to lapud niy matoor ya anggad natan ed samay impisipanan tod saray lalaki yo.

Probirbio 10:22

Say bindision na Katawan so mamapayaman ed sika. Say pinasyan kimey ag to ka napayaman.