Deuteronomio 25:1 - Maung A Balita Biblia

¹ “Anto so gawaen no wala bilang so duaran Israelita ya onarap irad korti lapud kolkolan da, et say sakey nasintinsiaan a nankasalanan tan say sakey andi?

Maung a Balita Biblia

¹ Anto so gawaen no wala bilang so duaran Israelita ya onarap irad korti lapud kolkolan da, et say sakey nasintinsiaan a nankasalanan tan say sakey andi?

Deuteronomio 25:1 Referans Kwoze

Probirbio 17:15

Makapaingungot ed Katawan so panusa ed toon anggapoy kasalanan tan say pangibolus ed toon maoges.

Mateo 3:10

Akaparaan lay wasay a pamopod saray kiew ya anggad lamut. Amin a kiew ya ag mambungay maung so napopo tan napoolan.

Malakias 3:18

Maminsan ni nanengneng na saray totook so pandomaan na nagawad saray matonung tan saray maoges a totoo, say pandomaan na pansumpalan da ray totoon manlilingkur ed siak tan diad saray ag manlilingkur ed siak.”

Habacuc 1:13

Balet panon mon nitepel ira yan traidor tan maoges? Masanton tuloy iray matam ya onnengneng ed kaogsan, tan ag mo nitepel so onnengneng ed saray totoon manggagaway kakapoyan. Akin sirin et ag ka oneseesel, anggan papairapen na sarayan totoo iray matonung nen say sikara?

Habacuc 1:4

Maletey tan anggapoy kana so ganggan, tan ag balut natotombuk so katonungan. Lalamesen na saray totoon maoges iray matonung, kanyan napipikewet so inkatonung.

Ezekiel 44:24

No walay kolkolan na totoo, saray papari so manintinsia onung ed saray ganggan ko. Nepeg a mansilibra ra onung na ibabagay ganggan tan saray totontonen, tan nepeg a ngilinan dan masanto so Agew na Panagpainawa.

Isaias 11:4

onung ed kaptekan so panintinsia tod saray mairap-bilay, tan iyagel to ray katonungan da ray pakaskasi. Diad ganggan to nadusa ray katoowan, tan ompatey iray totoon maoges.

Isaias 5:23

Balet lapu labat ed sakey a pasoksok ibobolus yo la ray totoon nankasalanan, tan sesebelan yon makagamur na katonungan iray anggapoy kasalanan.

Isaias 1:23

Mananumpa iray pangulom tan kakaiba ra na saray matakew; labalabay day mangawat lan mangawat na rigalo tan saray pasoksok. Balet ag da iyaalagey ed korti iray olila, odino onderengel ed pankatonungan na saray balo.

Isaias 1:17

tan manaral kayo lan manggaway kamaungan. Ipakurang yoy kaptekan ed saray katoowan—tulongan yo ray napapairap, iyagel yo ray olila, tan imasakit yo ray balo.”

2 Samuel 23:3

Nansalita so Dios na Israel; inkuan ed siak na manangyagel na Israel: “Say arin maptek so panooley to, tan manooley a walay takot ed Dios,

Exodo 22:9

“Diad balang kolkolan a nipaakar ed pankayaryan na bengatlan, singa bilang baka, asno, karniro, kawes, odino antokaman ya abalang, saray duaran totoon mangakayaryan et nepeg iran niyakar ed pasen a panangigalangan. Say toon ibawag na Dios a sikatoy nankasalanan et nepeg a mambayar na dobli ed samay sakey a too.

Deuteronomio 17:11

Awat yo so sintinsia ra tan apiager yon sumpalen so pagagawa ra.

Deuteronomio 24:22

Ag yo lilingwanan ya aripen kayo nen saman ed Egipto; sikato yay makasengeg na impangiteran kod sikayo yan ganggan.

1 Saray Arari 8:32

O Katawan, dengel ka pad tawen tan sintinsiaan mo ray aripen mo. Dusam pay toon nankasalanan onung na kanepegan to, tan ibolus moy anggapoy kasalanan.

Isaias 5:20

Pakaskasi kayo la! Ibabaga yo a maoges so maung tan maung so maoges. Pagmamaliwen yo a kabilongetan so liwawa tan say liwawa so kabilongetan. Gagawaen yon ampait so masamit tan masamit so ampait.

Saray Tagleey 3:35

Amta to no ag niniiter ed sikatayo iray inter tod sikatayon kanepegan;

Saray Tagleey 3:36

Amta to no napipikewet ed korti so katonungan.