Deuteronomio 24:15 - Maung A Balita Biblia

¹⁵ Kapag nasabiy ngarem kasakbayan ya onselek so agew bayaran yoy sanagew ya impankimey to; nakaukolan toy kuarta tan iilaloan ton awaten. No ag yo bayaran, ontawag ed Katawan na sumpad sikayo, et sikayoy mankasalanan.

Maung a Balita Biblia

¹⁵ Kapag nasabiy ngarem kasakbayan ya onselek so agew bayaran yoy sanagew ya impankimey to; nakaukolan toy kuarta tan iilaloan ton awaten. No ag yo bayaran, ontawag ed Katawan na sumpad sikayo, et sikayoy mankasalanan.

Deuteronomio 24:15 Referans Kwoze

Levitico 19:13

“Ag yo aanamutey pankanawnawa yod arum a too odino tatakewan yo. Ag yo aabalaen na anggan sanlabi so upa na siopaman ya impankimey yo.

Santiago 5:4

Dengel yoy riklamo da ray totoon nankimey ed dalin yo, ta ag yo ra inoopaan. Nadngel na Katawan a Makapanyarin-amin so dageyem da ray omaani yo!

Jeremias 22:13

Pakaskasi so toon mangipapaalagey na abung diad panamegley na aliwan matonung a polaing, tan papabalegen to diad panamegley na panagsaol; ya anggapoy nagunggona na saray pankikimeyen ton kadalaan to, ta ag to iiter iray upa ra.

Deuteronomio 15:9

Ag yo iisipen a lapud magano lan onsabi so taon a pamaandid saray utang, et ag yo la pautangen so kadalaan yon mairap-bilay. Ag yo aabuloyan ya onloob ed isip yo so ontan a maoges a kanunotan. No ag yo pabayesen, ontawag ed Katawan na sumpad sikayo, et mankasalanan kayo.

Say Libro nen Job 35:9

No saray totoo et napapairap ira, onngengesnges ira; onkekerew irad siopaman a makapangilaban ed sikara.

Say Libro nen Job 34:28

Pinasoot dan ontawag ed Dios iray mairap-bilay, et denengel toy ikekerew day tulong.

Marcos 10:19

Amtam iray ganggan: ‘Ag ka mamapatey; ag ka mikakaloguran; ag ka mantatakew; ag ka mantitila ed pantasim; ag ka mansasaol; igalang moy amam tan inam.’”

Mateo 20:8

“Nen onsisironget la, samay akankaubasan tinawag toy inkargado to tan inkuanto, ‘Tawag mo la ra may mankikimey tan iter moy upa ra. Igapom ed saray onur a nankimey ya anggad saray onaan.’

Isaias 5:7

Say Israel so kaubasan na Katawan a Makapanyarin-amin; saray totood Juda iray wakal na ubas ya intatanem to. Inilaloan to a manggawa ray kamaungan, balet nampapatey ira lalaingen na katoowan! Inilaloan ton manggawa ray kaptekan, balet onkekerew na katonungan iray papairapen da.

Saray Salmo 86:4

Paliket mo ak pa a managlingkur mo, Katawan, ta ontatagey iray pikakasik ed sika.

Saray Salmo 25:1

Sika, Katawan, so pampipikasian ko,

Saray Salmo 24:4

Saray totoon malinis so gawa ra tan say kanunotan da, ag ira mangigagalang ed saray diriyos, tan ag da isisipan so ag da nagawaan.

Say Libro nen Job 31:38

No tinakew koy dadalusan kon dalin tan inalak ed peteg ya akankayaryan—

1 Timoteo 5:18

Ta ibabagay Masanton Sulat, “Ag mo babalungosay baka no maniilik.” Ibabaga to met ni, “Kanepegan na kumikimey so mangawat na upa.”

Levitico 25:35

No nagmaliw a mairap so bilay na kapara yon Israelita a kaabay yo tan ag to nayarian a bilayen so sikaton dili, nepeg yon itdan na pantagano to a singa pangiter yod toon uupaan yon mankimey, pian nayarian toy mansiansian manayam ed abay yo.

Say Libro nen Job 31:13

Nen nanriklamo ed siak so sakey ed saray aripen ko, dinengel ko tan ginawak so kanepegan ko.

Say Libro nen Job 7:2

singa sakey ya aripen a pampilpilalekan toy ambetel a siroman; singa sakey a kumikimey a mantatalaran na upa to.

Malakias 3:5

Say Katawan a Makapanyarin-amin kuanto, “Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkaili—amin da ray mangigagalang ed siak.