Deuteronomio 23:8 - Maung A Balita Biblia

⁸ Saray kabyangay boleg da ed kumatlon kailalakan tan mantombuk iran kailalakan et nayarin mikasakey ed saray totoo na Katawan.

Maung a Balita Biblia

⁸ Saray kabyangay boleg da ed kumatlon kailalakan tan mantombuk iran kailalakan et nayarin mikasakey ed saray totoo na Katawan.

Deuteronomio 23:8 Referans Kwoze

Deuteronomio 23:7

“Ag yo bobosulen iray Edomita, ta kakanayon yo ra. Ag yo met bobosulen iray Egipsio, ta nanayam kayod man nen saman ed dalin da.

Deuteronomio 23:9

“No wala kayo ed kampo no panaoy bakal, paliisan yoy antokaman a makadotak ed sikayo onung ed ganggan.

Genesis 25:25

Say onaan balangaan tan mabagoy laman to, kanyan ningaran na Esau.

Genesis 25:26

Say kumadwa inanak ya akapeket ed mokur nen Esau, kanyan ningaran na Jacob. Mantaoy anemaplo si Isaac nen nianak ira.

Exodo 22:20

“Nepeg a pateyen so siopaman a mangibagat ed anggan anton dios likud ed siak a Katawan.

Levitico 19:34

Ipasen yo ran singa pangipasen yod saray kapara yon Israelita, tan aro yo ran singa panangaro yod sikayon dili. Ag yo lilingwanan a sangkaili kayo met nen saman ed dalin na Egipto. Siak so Katawan a Dios yo.

Deuteronomio 10:19

Kanyan sirin, aro yo ra yan sangkaili, ta sangkaili kayo met nen saman ed Egipto.

1 Samuel 30:11

Saramay kaiba nen David akalmo rad bario na ogaw ya Egipsio tan inyakar dad kinen David. Pinakan tan pinainom da;

1 Saray Arari 3:1

Akigampiy Solomon ed ari na Egipto, lapud impangasawa nen Solomon ed anak na ari. Inyakar to yan asawa to ed Siudad nen David, tan impanayam tod man ya anggad asumpal ton impaalagey so palasio to, say Timplo, tan say padir ed kaliber-liber na Jerusalem.

Esdras 9:1

Kayari na impakagawad sarayan amin, linma rad siak iray pigaran pangulo na saray totood Israel. Imbaga rad siak a saray totoo, saray papari, tan saray Levita et ag ira binmiig ed saray Cananeo, Heteo, Perezeo, Jebuseo, Ammonita, Moabita, Egipsio, tan Amorreo. Aaligen da ray makapaingungot a bengatlan gagawaen na sarayan totoo.

Obadias 1:10

“Lapud tinakewan tan pinapatey yo ray agagi yon kabyangay boleg nen Jacob, napelag kayod kababaingan tan napaandi kayon anggad angga.