Deuteronomio 23:7 - Maung A Balita Biblia

⁷ “Ag yo bobosulen iray Edomita, ta kakanayon yo ra. Ag yo met bobosulen iray Egipsio, ta nanayam kayod man nen saman ed dalin da.

Maung a Balita Biblia

⁷ Ag yo bobosulen iray Edomita, ta kakanayon yo ra. Ag yo met bobosulen iray Egipsio, ta nanayam kayod man nen saman ed dalin da.

Deuteronomio 23:7 Referans Kwoze

Deuteronomio 10:19

Kanyan sirin, aro yo ra yan sangkaili, ta sangkaili kayo met nen saman ed Egipto.

Exodo 22:21

“Ag yo lulukoen odino papairapen so sangkaili; ag yo lilingwanan a sangkaili kayo met nen saman ed Egipto.

Levitico 19:34

Ipasen yo ran singa pangipasen yod saray kapara yon Israelita, tan aro yo ran singa panangaro yod sikayon dili. Ag yo lilingwanan a sangkaili kayo met nen saman ed dalin na Egipto. Siak so Katawan a Dios yo.

Exodo 23:9

“Ag yo papairapen so sangkaili; amta yo so liknaan na sangkaili lapud sangkaili kayo met nen saman ed Egipto.

Saray Bilang 20:14

Manlapud Cades si Moises angibaki ed ari na Edom na pigaran totoo. Inkuanda, “Saya so papaibaga na saray kakanayon mo a kabyangan na saray tribu na Israel. Amtam so inkairapan mi la,

Genesis 25:30

inkuantod kinen Jacob, “Narnarasan ak; itdan mo ak pa tay ambalangan ilalambung mo.” (Kanyan angaranan met na Edom si Esau.)

Malakias 1:2

Say Katawan kuantod saray totoo to, “Inaro ta kayo lawas.” Balet ebat da, “Panoy impangarom ed sikami?” Ebat na Katawan, “Sanagi ra di Jacob tan Esau, balet inarok si Jacob tan saray kabyangay boleg to,

Saray Salmo 105:23

Insan linmad Egipto si Jacob, tan nanayam ed saman a bansa.

Genesis 47:27

Nanayam ed Egipto ira may Israelita, diad Gosen; minmayaman ira tan dinmakerakel ira.

Genesis 47:12

Initdan met nen Jose na pambilay si ama to, saray agagi to, tan amin da ray arum a kabyangay pamilya nen ama to, pati say sankayogtanan ya anak.

Genesis 47:6

tan walad silong na pakayarim so intiron dalin na Egipto, panayam mo rad Gosen a sankamaungan a parti na bansa. No wala ra bilang so lalakin marunong a mankomponiy ayep, ipasen mo ran inkargado ed saray dilin ayayep ko.”

Genesis 46:7

saray anak ton lalaki tan bibii, saray apo ton lalaki tan bibii.

Deuteronomio 23:8

Saray kabyangay boleg da ed kumatlon kailalakan tan mantombuk iran kailalakan et nayarin mikasakey ed saray totoo na Katawan.

1 Saray Arari 11:25

Kalaban na Israel si Rezon legan a mabilay si Solomon.

Esdras 9:12

Imbaga rad sikami ya ag kamin balut mangasawa o miasawa ed saraman a totoo. Imbaga ra met ya ag mi ran balut tulongan ya onaligwas o ombolaslas, no labay min kayaryanen so kaabigan na dalin tan ando lan andon ipatawir mid saray kabyangay boleg mi.