Deuteronomio 23:5 - Maung A Balita Biblia

⁵ Balet say Katawan a Dios yo et ag to dinengel si Balaam; impagmaliw to ni ingen a bindision imay samba, lapud inaro to kayo.

Maung a Balita Biblia

⁵ Balet say Katawan a Dios yo et ag to dinengel si Balaam; impagmaliw to ni ingen a bindision imay samba, lapud inaro to kayo.

Deuteronomio 23:5 Referans Kwoze

Saray Taga Roma 8:31

Anto niy nibaga tayo nipaakar ed saya? No say Dios et kaiba tayo, siopay makasumlang ed sikatayo?

Saray Bilang 24:9

Say bansa et singa makapanyarin lion; No akaogip anggapoy makakpel a mamangon. Siopamay mamindision ed Israel et nabindisionan Tan siopamay mangisamba ed Israel et nisamba.”

2 CORINTO 4:17

Sayan daiset tan ag magnayon a kairapan a sasakbaten mi et mambungay baleg, magnayon, tan ag miparan kagalangan.

Saray Taga Roma 11:28

Lapud ag inawat na saray Judio so Maung a Balita, nagmaliw iran kalaban na Dios. Balet sikayo ran Hintil, pankaabigan yo ya. Balet lapud pinili ra na Dios, inararo to ni ra makasengeg ed saray inmonan atateng da.

Mikias 6:5

Totook, nunot yo may ginetman gawaen ed sikayo nen Ari Balak na Moab tan samay inebat ed sikato nen Balaam a lakin anak nen Beor. Nunot yo may agawad dalan a manlapud kampo ed Acacia ya anggad Gilgal. Nunot yo ra yan agawgawa, et nabirbir yon ginagawak ira diad impanyagel kod sikayo.”

Jeremias 31:3

pinmatnag ak ed sikara manlapud arawi. Totood Israel, inaro ta kayo lawas, kanyan intuloy kon impatnag ed sikayo so ag mangoman a panangarok.

Ezekiel 16:8

“Nen ondadalan ak lamet, anengneng kon sinmabi lay panaon na panibeg mo. Kinobutan ko na latup ko so laman mo tan insipan kon aroen ta ka. Akisipanan ak ed sikan asawaen ta ka, et sikay nagmaliw a kien ko.” Sikato yay imbaga na Katawan a Dios.

Probirbio 26:2

Ag ka napasakitan na saray samba no ag mo ra kanepegan. Singa ra manok ed tagey ya ontitikyab balet ta ag ondapo.

Saray Salmo 73:1

Peteg a say Dios maung so ipapanengneng tod Israel, diad saray malinis so puso ra.

Deuteronomio 33:3

Inaro na Katawan iray totoo to tan iyaagel to ray totoon kayaryan to. Kanyan ondakmomo itayod saliyan to tan onuren tayo ray ganggan to.

Saray Taga Roma 9:13

Ontan met ibabaga ni na Masanton Sulat, “Si Jacob so inarok, tan si Esau so binosul ko.”

Saray Bilang 22:35

Balet inkuan na samay anghil, “Mila kad sarayan totoo, balet salitam labat so paibagak ed sika.” Kanyan intuloy nen Balaam so akilad sikara.

Malakias 1:2

Say Katawan kuantod saray totoo to, “Inaro ta kayo lawas.” Balet ebat da, “Panoy impangarom ed sikami?” Ebat na Katawan, “Sanagi ra di Jacob tan Esau, balet inarok si Jacob tan saray kabyangay boleg to,

Deuteronomio 4:37

Lapud inaro to ray lalaki yo, pinili to kayo, tan lapud baleg a pakayari to sikaton diliy angipaway ed sikayo manlapud Egipto.

Josue 24:10

Balet ag ko dinengel si Balaam, kanyan binindisionan to kayo, tan diad onya inyagel ta kayod kinen Balak.

2 Samuel 16:12

Angangko imanoen na Katawan so pangaskasiyan a kipapasen ko, et itdan to ak na saray bindision ya onsalat ed sayan panaayew to.”

Nehemias 13:2

Say makasengeg ed saya et lapud saray Ammonita tan saray Moabita et ag da initdan na nakan tan nainom iray Israelita nen peles dan tataynan so Egipto. Binayaran da ingen na kuarta si Balaam a mangisambad saray Israelita, balet say Dios tayo impagmaliw ton bindision imay samba.

Saray Bilang 22:5

angibaki na pigaran totoo ed kinen Balaam a lakin anak nen Beor; si Balaam walad Petor ya asingger ed Ilog na Eufrates diad dalin na Amaw. Saya so impaibaga nen Balak ed sikato; “Labay kon ipaamtad sika a walay sakey a bansan sinmabi a nanlapud Egipto; onkakayat ed amin a pasen iray totoo to tan ngalngali da la sakopay dalin mi.

Deuteronomio 2:29

ombaliw ed Ilog na Jordan ya anggad pakasabi mid dalin ya iter ed sikami na Katawan a Dios mi. Saray kabyangay boleg nen Esau a manaayam ed Edom, tan saray Moabita a manaayam ed Ar et inabuloyan da kamin dinmalan ed dalin da.’