Deuteronomio 23:20 - Maung A Balita Biblia

²⁰ Nayarin paabangan yo so ipautang yo ed siopaman a sangkaili, balet aleg ed kapara yon Israelita. Tombuk yo yan ganggan, et say Katawan a Dios yo bindisionan toy antokaman a gawaen yo no wala kayo lad dalin a panayaman yo.

Maung a Balita Biblia

²⁰ Nayarin paabangan yo so ipautang yo ed siopaman a sangkaili, balet aleg ed kapara yon Israelita. Tombuk yo yan ganggan, et say Katawan a Dios yo bindisionan toy antokaman a gawaen yo no wala kayo lad dalin a panayaman yo.

Deuteronomio 23:20 Referans Kwoze

Deuteronomio 15:10

Mabolbolus sirin ya itdan yo, et say Katawan bindisionan to kayo ed amin a gawaen yo.

Deuteronomio 15:3

Nayarin singilen yo so utang ed sikayo na sangkaili, balet ag yo nepeg a singilen so utang ed sikayo na kadalaan yo.

Deuteronomio 14:21

“Ag yo kakanen so antokaman ya ayep ya inatey a bukor. Nayarin ipakan yod saray sangkailin manaayam ed kawalaan yo, odino ilako yo ed arum iran sangkaili. Balet kayaryan kayo na Katawan a Dios yo; sikayo ray totoo to. “Ag yo ilolotod gatas na ina to so kordiro odino kilaw na kanding.

1 CORINTO 15:58

Kanyan, inararok iran agagi, mansiansia kayon malet tan ag nagiing. Mankoli kayod panagkimey a para Katawan, ta amta yon ag nadarak so pansasagput yod Katawan.

Lucas 14:14

Nabindisionan ka, ta ag ira makabales ed sika. Say Dios so mangiter na tumang mo, no onolid bilay iray matonung a totoo.”

Isaias 1:19

No onuren yo ak, kanen yo ray maabig a bengatlan bungay dalin.

Probirbio 19:17

No mangiter kad saray mairap-bilay singa papautangen moy Katawan, et say Katawan so mambayar ed sika.

Deuteronomio 28:12

Lokasan toy tawen a mayaman a panagsinupan to tan ipelag toy oran no manepeg a panaon tan bindisionan toy amin a kimey yo, pian makapabayes kayod amayamay a bansa, balet ag la nakaukolan a miutang kayo ed anggan dinan a bansa.

Exodo 22:25

“No mampabayes kayo na kuarta ed siopaman a took a mairap so bilay to, ag yo ipapasey sikayon dili a managpaabang tan ag yo pangaabangen.

Levitico 25:36

Ag yo pangaabangen; ingen toluk yoy Dios tan abuloyan yon manayam ed abay yo so kapara yon Israelita.

Nehemias 5:7

Ginetmak so manggaway polaing a pamatondad sayan kagagawa. Tinetel ko ray pangulo tan saray opisyal na baley. Inkuankod sikara, “Papairapen yo ray agagi yo!” Imbagak a mantitipon iray totoon pian naasikasoy riklamo ra.

Saray Salmo 15:5

Mampapautang ya anggapoy abang tan ag napasoksokan a mantasi sumpad toon anggapoy kasalanan. Siopamay toon manusumpal ed sarayan amin et maligen lawas so bilay to.

Isaias 24:2

Nampaparay pansumpalan na amin a totoo—saray papari tan saray totoo, saray aripen tan saray amo, saray sumasaliw tan saray lumalako, saray managpabayes tan saray bumabayes, saray mayaman tan saray mairap-bilay.

Ezekiel 18:8

Ag to ipapaabang so kuarta to. Ag to labay so manggawa na antokaman a kaogsan tan diad antokaman a kolkolan say katonungan so ipapasumpal to.

Exodo 22:24

tan mampasnuk ak tan pateyen ta kayo ed bakal. Nabalo ray kaasawaan yo tan naolila ed ama iray anak yo.