Deuteronomio 22:30 - Maung A Balita Biblia

³⁰ “Sebel ed siopaman a laki so pangipaabeba na kagalangan na ama to diad pangakdul tod siopaman ya asawa na ama to.

Maung a Balita Biblia

³⁰ Sebel ed siopaman a laki so pangipaabeba na kagalangan na ama to diad pangakdul tod siopaman ya asawa na ama to.

Deuteronomio 22:30 Referans Kwoze

Deuteronomio 27:20

“‘Napelag komun so samba na Dios ed siopaman a mangipelag na ama to ed kababaingan diad pangakdul tod sakey ed saray asawa nen ama to.’ “Insan onebat iray amin a totoo, ‘Amen!’

Levitico 18:8

Ag yo ipepelag ed kababaingan so amam lapud piakdul mod siopaman ya asawa to.

1 CORINTO 5:1

Nibabalitan walay inmoralidad a nagagawa ed sikayo, gawan sankabandayan a tuloy tan ag gagawaen na anggan saray Hintil. Nibabalitad siak ya iyaamung na sakey ed sikayo so asawan pidwa na ama to!

Levitico 20:11

Say lakin miakdul ed sakey ed saray asawa na ama to ipelag tod kababaingan so ama to, tan sikato tan say biin akiakdulan to et nepeg iran pateyen. Sikaran dili so makasengeg na ipatey da.

Ezekiel 16:8

“Nen ondadalan ak lamet, anengneng kon sinmabi lay panaon na panibeg mo. Kinobutan ko na latup ko so laman mo tan insipan kon aroen ta ka. Akisipanan ak ed sikan asawaen ta ka, et sikay nagmaliw a kien ko.” Sikato yay imbaga na Katawan a Dios.

Ruth 3:9

Tinepet to, “Siopa ka?” Inmebat, “Siak si Ruth a mugmon aripen mo. Lapud asingger kan kanayon, nepeg moy manayakop ed siak. Kanyan kerewen kon asawaen mo ak.”

Deuteronomio 22:29

nepeg a mambayar ed ama na samay bii na limamplon kuartan pilak, tan samay bii et magmaliw ya asawa to, lapud pinasoot ton akiakdulan. Ag ton balut nisiyan legan ton mambilay.